Gn 9:2 - Chuj San Sebastian Bible

² Smasnil no noc' 'ay 'a sat lum lum tic, no ch'ic, yet' no 'ay 'a yojl a mar, 'oj xiw e no 'ayex. A smasnil jun tzo'n̈ noc' tic, tzcan e no 'a yol e c'ab'.

Chuj San Mateo Bible

² Masanil noc' noc' ay d'a sat luum tic yed' noc' much yed' noc' ay d'a yol a' mar ol xiv noc' d'ayex. Masanil juntzan̈ noc' tic scan noc' d'a yol e c'ab'.

Gn 9:2 ပူးပေါင်းရင်းမြစ်များ

Gn 1:21

Yuj spaxti xyal cha, xb'o no niwc noc' 'ay 'a yojl a mar, yet' smasnil junjn c'aj no noc' 'ay 'a yoltc a a cha, yet' smasnil junjn c'aj no ch'ic. Caw wach' 'ix yil Dios.

Gn 1:26

Xyaln pax Dios 'ixtic: A ticnec qui b'oc 'anma 'icha on̈c tic, sec wach' a tzyac' yajlil 'a yib'n̈ no chay 'ay 'a yojl a mar, 'a yib'n̈ smasnil no ch'ic, 'a yib'n̈ no cajb'en noc', 'a yib'n̈ no calte'al noc', yet' 'a yib'n̈ no tzjuc sb'a 'a sat lum lum tic, xchi.

Gn 1:28

Xya'n Dios syaxilal 'a yib'n̈ eb', xyaln 'a eb' 'ixtic: 'Alj cab' eyunnal, q'uib' cab' e b'isul, b'ut'j cab' 'el sat lum lum tic eyu'uj. 'Oj eyac' yajlil 'a yolyib'n̈q'uinl tic, 'a yib'n̈ no chay 'ay 'a yojl a mar, 'a yib'n̈ no ch'ic tz'ec' jen̈n̈oc, yet' 'a yib'n̈ smasnil no noc' tz'ec' 'a sat lum tic, xchi.

Gn 2:19

Smasnil no noc' sb'o Dios 'a sat lum lum tic, no calte'al noc', yet' smasnil no ch'ic, xyij 'at Dios 'a win Adán yic tzya'n 'och win sb'i junjn c'aj no'. A sb'i junjn no xya'ch winac, an̈ja chi 'aych can sb'ic no'.

Gn 35:5

A yic x'elt eb' 'a jun lugar cha, a Dios x'a'n xiwc'ojlal 'a yib'n̈ smasnil eb' chon̈b' 'ayc' 'a stz'ey eb' cha, yuj cha, may eb' 'anma xpechn eb'.

Gn 9:1

'Ix yaln can Dios wach' paxti 'a yib'n̈ Noé, yet' 'a eb' yunnal. 'Ix yaln 'a eb' 'ixtic: Niwtj cab' 'el eyunnal, 'a'c b'ut'joc sat lum lum tic.

Gn 9:3

A smasnil no noc', tztac' e chin e no', tztac' e lon smasnil te 'itaj, yujto an tzwac' 'ayex.

Job 39:11

¿Tom yuj caw 'ay yip no', yuj cha, ax cob' a'nc yipc a c'ojl no yuj a munljel?

Ez 34:25

'Oj in b'o jun in trato yet' eb', ax scan eb' 'a junc'ojlal wet'oc, ax wi'n 'el smasnil tas 'ay smay 'a sat lum lum tic, sec tzaljc'ojlal 'oj scajx eb' lu'um, ax sway eb' 'a junc'ojlal.

Os 2:18

A 'a jun tiempoal cha, 'oj wac' in trato yet' e no calte'al noc' yuj swach'loc eb' in chon̈ab', e no ch'ic, yet' e no chan, sec man̈x 'a 'oj yutc e no eb', ax wi'n 'el jun tzo'n̈ jul-lab' 'a jun nacion̈ tic, atn lanza, yet' espada yic owal, sec 'oj 'iljoc eb' in chon̈b' tic 'a tzaljc'ojlal.

Lv 26:22

'Oj wa' cot no chiwjum noc' 'a e cal, ax schin 'ejm no eyunnal, ax ya'n lajwc no e cajb'en noc', ax yemt e b'isl yuj no'. Man̈x 'a mach 'oj b'ey 'a b'e.

Lv 26:6

Caw tzaljc'ojlal 'oj e can 'a yol e chon̈ab'. Yelc'ojlal 'oj e wayi, may tas 'oj e xib'tni. 'Oj ex in col 'a no chiwjum noc' yet' 'a yol sc'ab' owal.

Santiago 3:7

A junjn c'aj no noc', no ch'ic, no chan, no chay, yet' e no chan̈e yoc, tzca'c ganar qui yamnec e no'. Yet' 'a pecti', ya'jnac ganar eb' 'anma syamn e no'.