Gn 9:15 - Chuj San Sebastian Bible

¹⁵ A yic cha, ax in nan cot in trato 'ix wa'cn eyet'oc, yet' pax 'a no noc'. Yuj cha, man̈x 'a owl yaxn̈ab' 'oj e satn 'eli.

Chuj San Mateo Bible

¹⁵ ata' tzin nacot in trato ix vac' eyed'oc yed' noc' noc', yuj chi' man̈xo ol ex in satel yuj junoc oval a' mucvajum.

Gn 9:15 ပူးပေါင်းရင်းမြစ်များ

Gn 8:21

Caw su'q'ui sjab' jun xajmb'al chi xyab' Jehová, yuj cha, snan 'ixtic: Man̈x 'oj in chacl lum lum tic yuj syaloc eb' 'anma tic, yujto yictax 'unn 'anma to eb', cojn maysch'olnil tznib'j eb' sb'o'. Man̈ yujoc cha 'oj to in satl smasnil tas pitzan, 'icha 'ix wutj tic.

Gn 9:10

yet' 'a smasnil no noc' 'ix 'elt eyet' 'a yojl te barco tic, no ch'ic, no cajb'en noc', no calte'al noc', yet' smasnil no noc' 'ay 'a yolyib'n̈q'uinl tic.

Gn 9:11

A jun in trato 'oj wac' eyet' tic, man̈x 'oj in jela'. Man̈x 'oj in satl eb' 'anma', no noc' yet' a a', atn owl yaxn̈ab'. Man̈x 'oj jawc owl yaxn̈ab' 'oj satnc 'el smasnil lum lum tic jun 'ejm xo, 'icha jun x'ec' tic.

Gn 9:14

A yic tzwa'n 'och 'asun, ax jun chacpan cha, 'oj checljoc chan̈ 'a scal 'asun.

A Ch'an̈ B'ab'el Libro Yic Yab'ixal Eb' Rey 8:23

xyaln 'ixtic: Mamin Jehová, ach qui Diosal an̈ Israel on̈ tic on̈, may junc xo Dios lajn et' 'a satcha'an̈ yet' 'a sat lum tic, yujto tzac' 'el'choc a trato, tza ch'oxn pax a wach'c'ojlal 'a mach tzyiclni yet' smasnil sc'ojl 'a tas tzala.

Nehemías 9:32

A ticnec ach qui Diosal on̈, caw niwn el'chi, caw 'ay ep, 'ay smay a b'inaxi, matz 'at satc'ojlal a trato o'oj. Yuj a niwquil chamc'ojlal, 'ay cab' yel'ch syailal eb' qui reyl 'a a sat, eb' 'aych qui yajlil on̈, eb' ya'mal 'och qui ti 'aych on̈, eb' a checab', eb' qui mam quichm on̈, yet' smasnil eb' quit chon̈b' on̈, to 'ix yab' eb' syail yictax 'a yol stiempoal eb' sreyl Asiria masnto 'a jun tiempoal tic.

Salmos 106:45

'Ix a nan cot jun a trato chi yet' eb', xa jeln a nab'en chi 'a yib'n̈ eb', yujto caw niwn a chamc'ojlal 'a eb'.

Ex 28:12

Tzlajw cha, tza'n 'och eb' q'uen 'a te sc'ab' te pichl chi tz'ec' 'a squelb' te camx 'icha chaleco cha, tz'ochcn eb' q'uen snanb'ilc cot smasnil eb' yunnal Israel. Ax Aarón, 'oj yic b'ey jun tzo'n̈ b'i tic 'a squelab' yic tz'ochch 'a wojltac an Jehová in.

Jeremías 14:21

Yuj cab' yijx chan̈ a b'i, man̈ on̈ a patquilc can 'eli. Man̈ a patquilc can 'el jun chon̈b' tic, atn jun 'aj 'ay 'a despacho to caw b'inab'il. Na cot a trato a b'ojnac quet' on̈, toc wal ma'oj ac' 'el'choc.

Ez 16:60

An tic, nann̈ej jun in trato wa'jnac yet'oc yic 'unn to, ax ticnec, 'oj in b'o junx in trato yet' 'a jun 'ejmn̈ej.

Lc 1:72

Yaln can paxi, to 'oj 'o'ch sc'ojl 'a eb' qui mam quichmec. Ma'oj sat sc'ojl 'a jun strato ya'jnac 'a eb', yujto a jun strato cha, yicn̈ej yaji.

Dt 7:9

A ticnec, tzeyojquej 'eli to a Jehová qui Diosalec, to cojni. A eb' 'ay schamc'ojlal 'a 'a, tzyac' 'el'choc strato yet' eb'. A eb' tzyiclni schecnb'il, tz'o'ch sc'ojl 'a eb', yet' 'a yin̈tl eb' b'aq'uin̈.