Gn 8:20 - Chuj San Sebastian Bible

²⁰ 'Ix sb'on Noé jun yet'l xajmb'al 'a yojltac Jehová, 'ix yi'n cot win no noc' yet' no ch'ic wach' yoch xajmb'alil. Junjn 'a junjn c'aj no', xya'n tz'a win e no 'a yib'n̈ yet'l xajmb'al.

Chuj San Mateo Bible

²⁰ Ix lajvi chi', ix sb'oan jun altar vin̈ d'a yichan̈ Jehová. Ix yic'ancot noc' molb'etzal noc' vin̈ yed' noc' much, aton noc' smoj yoch silab'il d'a Dios. D'a junjun macan̈ noc' chi' ix yic'canel junjun noc' vin̈ sn̈ustz'a silab'oc d'a yichan̈ Jehová.

Gn 8:20 ပူးပေါင်းရင်းမြစ်များ

Gn 13:18

Yuj cha, xyi'n chan̈ Abram smantiado 'ix c'och cajn 'a sla'nil 'aj 'ay jun tzo'n̈ te ma'ach', 'a yol yic win Mamre sb'i, 'a stz'ey chon̈b' Hebrón. Xlajw cha, sb'on jun yet'l xajmb'al 'a 'aj tzyal sb'a 'a Jehová.

Gn 13:4

Ata b'ob'il jun yet'l xajmb'al yuj 'a yic yaln̈taxi. A pax ta 'ix yalx sb'a 'a Jehová jun 'ejm xo.

Gn 22:2

'Ix yaln Dios 'a Abraham 'ixtic: —'Ij 'at jun c'otn̈ win onnal Isaac, win caw chamc'ojlb'il o'oj, tzach 'at 'a lum Moriah. A yic tzach c'och 'a sjolm lum tzaln 'oj in ch'ox 'ayach, tza'n tz'a win xajmb'al-l 'ayin, xchi Dios 'a winac.

Gn 22:9

Ax yic xc'och eb' 'a 'aj 'ix yal Dios cha, 'ix sb'on Abraham jun yet'l xajmb'al, 'ix sb'on q'ue te c'atztz 'a yib'an̈. Xlajw cha, sjaln jun yunnal cha, 'ix ya'n q'ue 'a yib'n̈ te c'atztz 'ay q'ue 'a yib'n̈ yet'l xajmb'al cha.

Gn 26:25

'Ixta to b'i'an, 'ix sb'on Isaac jun yet'l xajmb'al 'a jun lugar cha, 'ix yaln sb'a 'a Jehová. 'Ix can cajn 'a jun lugar cha, ax eb' schecab', 'ix sjoy eb' junx a 'uc'b'il a ta'.

Gn 33:20

Sb'on pax jun yet'l xajmb'al ta', xya'n sb'ic El-Elohe-Israel.

Gn 35:1

Xlajw cha, 'ix yaln Dios 'a Jacob 'ixtic: 'Eln̈ 'a tic, tzach 'atcn 'a Bet-el, ata tza b'o junc yet'l xajmb'al 'ayn an Dios in tic, yujto ata xin ch'ox in b'a 'ayach, yic wan a 'at 'elc 'a ni o'tac Esaú, xchi.

Gn 35:7

Ata sb'o win jun yet'l xajmb'al, xya'n sb'ic jun lugar chi El-bet-el, yujto a yic x'at 'elc 'a yu'tac, ata xch'oxjnac sb'a Dios 'a 'a.

Gn 4:4

'Ixta pax win Abel, 'ix yij 'at pax win xajmb'al 'a Jehová, atn e no sb'ab'l yune scalnelu winac, e no caw wal b'aq'uech. 'Ix schaj sc'ojl Jehová win Abel yet' xajmb'al.

Gn 7:2

'Ij 'och uc mojn̈oc no noc' tztac' yoch xajmb'alil, ax pax smasnil no man̈ wach'c yoch xajmb'alil, junjn mojn̈ no tzej 'ochi.

Gn 7:3

'Ij 'och pax uc mojn̈oc junjn c'aj no ch'ic, sec wach' matz satl yin̈tl e no 'a sat lum lum tic.

Gn 8:19

An̈jtona', x'elt pax smasnil junjn c'aj no noc', a tzyal yin̈tl e no'.

Job 1:5

A yic tzlajw yec' q'uin̈ chi 'a junjn eb', tzyawtn win Job chi smasnil eb' yunnal cha yic tzsacb'tzan sb'a eb' 'a sat Dios. Ax 'a junx c'u, tzseb' q'ue wan win yac' tz'a xajmb'al yuj junjn eb' yunnal cha, yujto lemb'il tzlaj 'och smul eb' sb'uchwj 'a Dios snan winac. Yuj cha, 'ixtan̈ej tzyutj sb'a win 'a junjn 'ejem.

Ex 10:25

'Ix yaln pax Moisés 'ixtc 'a winac: —Yowlal tzon̈ a chaj 'at yet' qui cajb'en noc', yujto a no 'oj cac' qui xajmb'alc 'a Jehová qui Diosal on̈.

Ex 29:18

'Ixta to b'i'an, tza'nq'ue no chib'j chi 'a yib'n̈ yet'l xajmb'al, yic tz'a no smasnil 'a wojltac yuj yi'nb'ilc chan̈ in b'i. A jun xajmb'al tic, caw wach' sjab' tzwab'i.

Ex 29:25

Tzlajw cha, tza chan 'ec' jun tzo'n̈ tic 'a yol sc'ab' eb', tza'n tz'a 'a yib'n̈ yet'l xajmb'al, junn̈j tz'aj stz'a yet' no xajmb'al cha. A jun tic, caw wal wach' sjab' tzwab'i.

Ro 12:1

Ex wu'tac, ex wanab', caw tz'o'ch sc'ojl Dios 'ayn̈ec. Yuj wal cha, tzin tew 'at 'ayex, to tzeya'ch e b'a 'a yol sc'ab'. 'Icha junc xajmb'al pitzan, tz'ajx yico'oc, 'ixta tzcutjec ca'n qui b'a 'a 'a. Toto 'ixta tzcutjec qui b'a, tzyal 'el'chi, yic on̈n̈ej Dios, tzca'nec servil 'a smasnil qui c'ojol, 'icha wal tznib'ej.

A Ch'an̈ Carta D'a Eb' Hebreo 13:10

Palta an̈ec xo tic, chuc jun qui xajmb'alec. Ax eb' ya'mal 'och sti eb' quit israelal 'a Dios, eb' 'a'jnac servil 'a jun scajnub', may yaln eb' yic schin jun xajmb'al tic.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.