Gn 7:13 - Chuj San Sebastian Bible

¹³ A 'a jun c'u cha, 'ix 'ochcn Noé 'a yojl te barco yet' eb' yunnal yoxwn̈il, atn win Sem, win Cam, win Jafet, eb' yalb' yoxwn̈il, yet' 'ix yistzil.

Chuj San Mateo Bible

¹³ A d'a sc'ual scot n̈ab' chi', ata' ochnaccan vin̈aj Noé d'a yol te' barco yed' oxvan̈ eb' yuninal vin̈, aton vin̈aj Sem, vin̈aj Cam yed' vin̈aj Jafet yed' ix yetb'eyum vin̈ yed' oxvan̈ eb' ix yalib' vin̈.

Gn 7:13 ပူးပေါင်းရင်းမြစ်များ

Gn 10:21

A Sem atn sb'ab'l 'u'tac Jafet, 'ay pax yunnal x'alji, smasnil eb' yin̈tl Heber, ata cotnc yin̈tl eb' 'a Sem.

Gn 10:6

Atn sb'i eb' yunnal Cam tic: Cus, Mizraim, Fut yet' Canaán.

Gn 5:32

A Noé o'e ciente ab'il sq'uinal yic 'ix syamn 'och yalj eb' yunnal, atn win Sem, win Cam yet' win Jafet.

Gn 6:10

'Oxwn̈ yunnal win x'alji, atn win Sem, win Cam yet' win Jafet.

Gn 6:18

Palta tzin b'ocn jun in trato et'oc. A 'a yojl te barco cha, ata 'oj 'och eb' onnal yet' yistzil, yet' 'ix estzil ach tic.

Gn 7:1

Ax yic xc'och sc'ual, 'ix yaln Jehová 'a win Noé 'ixtic: 'Ij 'och 'ix estzil 'a yol te barco cha, tze'n 'och eb' onnal yet' pax eb' 'ix alib', yujto cojxn ach yiclum ach 'ayn 'a scal smasnil 'anma 'a jun tiempoal tic.

Gn 7:14

Smasnil yin̈tl junjn c'aj no noc', x'och yet' eb', no cajb'en noc', no calte'al noc', no tzjuc sb'a, yet' smasnil no ch'ic.

Gn 8:14

Ax 'a yic uqueschawinc xo c'u yoch schab'l 'uj, caw tacn̈ xo sat lum si'mb'il.

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

A Sb'ab'el Carta San Pedro 3:20

A eb' cha, man̈ yiclumoc yutjnac sb'a eb' 'a Dios, yictax yec' eb' 'a pecti', 'a yic 'ayc' Noé. A 'a jun tiempoal cha, niwn yutjnac Dios sc'ojl 'a eb', yic stan̈wni sb'o jun niwquil barco. A 'a te barco cha, 'ay jaywn̈ eb' colchjnac can 'el 'a te'. Wajxcwan̈ wal eb' colchjnac.

A Schab'il Carta San Pedro 2:5

An̈jtona', ma'ix yac' Dios niwnc'ojlal 'a eb' 'anma 'a yic pecti'. Ya'jnac cot jun owl yaxn̈ab' 'a yib'n̈ eb' maysch'olnil cha. Cojxn wal Noé colchjnac 'el yet' ucwn̈ eb' yico'. A Noé cha, yaljnac can 'el 'a scal eb' 'anma cha, chajtlto yowlal tojl tzyutj eb' snab'en.

Jueces 21:22

Toto 'oj jawc ewin smam eb' 'ix, mto ewin snul'j eb' 'ix wul yal 'ayn̈ on̈, 'oj cal 'ixtc 'a eb' on̈: —Tzqui c'an niwnc'ojlal 'ayx yuj eb' 'ix, yujto ma'ix 'ilchj yistzil ewin smasnil cuj 'a tic on̈, yic 'ix 'och owl 'a Jabes. An̈jtona', caw man̈oc ex tzeyac' eb' 'ix 'a ewinac, yuj cha, may ex tz'och e mul 'a 'aj xeyac' e ti', 'oj qui chic 'a eb' on̈, xchi eb' syajlil eb' israel cha.