Gn 7:11 - Chuj San Sebastian Bible

¹¹ A wal stz'acw yab'lil Noé 'a waque ciente ab'il sq'uinal, yic yuclajn̈il c'u yoch schab'l 'uj, yic xn̈i'chj q'uet a niwc a 'ay 'a yaln̈ lum lum tic, xcot pax secnjoc a a 'ay 'a satcha'an̈.

Chuj San Mateo Bible

¹¹ A val stz'acvi 600 ab'il sq'uinal vin̈aj Noé chi', yic 17 yoch schab'il ujal, ix q'ueul d'in̈naj a' nivac a' d'a yol luum, ix cotpax secnaj a' nivac a' d'a satchaan̈.

Gn 7:11 ပူးပေါင်းရင်းမြစ်များ

Gn 1:7

Yuj spaxti xyal cha 'ix b'o jun spojmb'il snan̈l a a cha, chamacn̈ x'ajcn 'el a', jun macn̈ a xcan 'a yaln̈ jun jen̈n 'ec' cha, junx macn̈ a xcan 'a yib'an̈. 'Ixta x'aji.

Gn 6:17

Wal yel 'oj wa' cot jun niwquil owl yaxn̈ab' 'oj 'a'n b'ut'joc 'el sat lum lum tic, ax satl smasnil tas pitzn 'a sat lu'um.

Gn 7:6

A yic xjaw jun niwquil owl yaxn̈ab' cha, waque ciente ab'il sq'uinl winac.

Gn 8:14

Ax 'a yic uqueschawinc xo c'u yoch schab'l 'uj, caw tacn̈ xo sat lum si'mb'il.

Gn 8:2

'Ix macchj sjaj a 'ix q'uel 'a yol lu'um, yet' jantcn̈ej a 'ix 'emt secnjoc 'a satcha'an̈, 'ix 'och wan pax ya'n n̈ab'.

A Ch'an̈ Schab'il Libro Yic Yab'ixal Eb' Rey 7:19

Palta ax jun stan̈mal win rey cha, 'ix ta'w 'ixtc 'a win schecb' Dios: Wach'xam to tzjac Jehová sventnual satcha'an̈, palta ma'oj 'el'chc 'icha tzotj aln cha, xchi. 'Ix ta'w Eliseo chi 'ixtic: 'Oj el jun chi yet' a sat, palta man̈x 'oj a wa 'ixim, xchi.

A Ch'an̈ Schab'il Libro Yic Yab'ixal Eb' Rey 7:2

'Ix ta'w win tztan̈wni win rey chi 'ixtc 'a win schecb' Dios cha: —Wach'xam tzjac Jehová sventnual satcha'an̈, palta ma'oj 'el'choc 'icha tzal cha, xchi. —'Oj el jun chi yet' a sat, palta man̈x 'oj a wa 'ixim, xchi Eliseo cha.

Job 12:15

Toto tzyal sc'ojl man̈xtzac yac' n̈ab', ax smasnil tas 'ay 'a sat lum tic, c'uxn tztacj 'eli. Q'uinloc tzyal sc'ojl tzjac cot n̈ab', c'uxn tz'atx sat lum lum tic c'acpil yu'uj.

Job 28:4

Tzlaj sjacn eb' jun tzo'n̈ minas 'aj man̈xtzac 'ec' 'anma', 'a jun tzo'n̈ lugar najt yaj 'a stz'ey chon̈ab'. 'Aych lasu 'a snan̈l eb', tzlaj t'un̈n 'ec' eb'.

Job 38:16

¿'Ayxam 'aj ach 'ix el jun tzo'n̈ niwc xab' oln to c'ultac yaj 'aj tzpac' a mar?

Job 38:37

¿Mach wal junc caw jelan, yojtac jantc wal 'asn 'ayc' 'a smasnil? ¿Mach wal junc tztac' yi'n 'elt a a 'a scal 'asn cha, yic tzyac' n̈ab',

Salmos 33:7

A tz'a'n syam sb'a a a', yet' pax a mar to xab' yich.

Salmos 74:15

Ach xac' q'ueloc a a 'aj tzlaj paq'ui, yet' eb' a tzb'eyi, xa'n pax tup 'ejm a niwc a may xon 'aj tztupi.

Pr 3:20

Yuj sjelnal cha, tzpac' q'uet eb' a a', tzcot pax n̈ab' 'a scal 'asun.

Is 24:18

A mach tzyac' ganar yelcn 'a yol sc'ab' eb' tzpechn b'eyc'oc, ax 'a yol junc xab' tz'atcni. Toto tzyac' ganar sq'uepaxt 'a yol junc xab' cha, ax 'a junc ch'an̈ yal 'aj tzcanxi. 'Oj cot junc niwquil owl yaxn̈ab' 'a satcha'an̈, caw 'oj 'ib'xoc stzatzl yich lum lum tic yu'uj.

Is 24:19

Yel xo wal caw 'oj 'ib'xoc lum lum tic si'mb'il, 'oj tzicb'tan̈xoc, caw choc' 'oj 'ajcn lu'um.

Jeremías 5:22

An Jehová in, an tzwala: Ax tic, caw may jac wel'ch 'a e sat, matz ex xiw xon jac 'ayin. An in b'ojnac 'ejm q'uen arena smacnb'ilc stitc a mar, sec matz 'e't a 'a yib'n̈ q'ue'en. Wach'xam caw ow sq'ue wan chel-loc a', wach'xam caw ow yib'x sat a', palta matz 'ec' a 'a yib'n̈ jun cha. Wach'xam 'ixta in yet' in poder, palta caw matz ex xiw jac 'ayin.

Jeremías 51:16

A tzalni, yuj cha, tzn̈il-li sc'an̈ c'u yic tzcot n̈ab'. A tz'i'n chan̈ 'asn 'a 'aj tzlajw c'och lum lum tic. A tz'a'n 'ec' copljoc raya 'a scal niwc yaxn̈ab', a tzjacn pax 'elt 'ic' 'a 'aj molb'il yu'uj.

Ez 26:19

An Jehová Yajl in, an tzwal 'ixtic: 'Oj in satl jun chon̈b' cha, sictac 'oj 'ajcni, 'icha junc chon̈b' 'aj may xon mach cajjnac. 'Oj wac' pultz'joc cot a a chi 'a yib'an̈, ax smucchj can 'at 'a yich a'.

Malaquías 3:10

A ticnec jun, 'ijec cot smasnil e diesmo, tzwul eya'nc 'a sc'un̈ail 'ay 'a watut, sec wach' 'ay tas tzc'ux eb' tzin 'a'n servil. An Jehová in, tztac' wuj smasnil, an tzwala: 'A'nec prowal nab'an, ax eyilni 'icha to 'oj in jac sc'un̈ail satchan̈ 'ayex, ax in secn 'emt yaxilal 'a eyib'an̈, man̈x 'a yet'l 'aj 'oj eyac'a'.

Mt 24:38

Yujto a yic mantzac jaw jun owl yaxn̈ab' cha, may tas tzna eb' 'anma', ton̈j wanc eb', laj yu'n eb' tas, laj yi'lan sb'a eb', laj ya'nc 'och eb' yisl yistloc eb' winac. 'Ixta yutjnac sb'a eb', masnto yic jun c'u yic yoch win Noé 'a yojl te barco.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.

A Schab'il Carta San Pedro 3:6

Palta xlajw cha, c'uxn lajwnac 'el smasnil tas 'a yolyib'n̈q'uinl tic yuj a', yujto xcan 'a yich a'. Atn jun tzo'n̈ tic, matz nib'j eb' tzna coti.