Gn 7:1 - Chuj San Sebastian Bible

¹ Ax yic xc'och sc'ual, 'ix yaln Jehová 'a win Noé 'ixtic: 'Ij 'och 'ix estzil 'a yol te barco cha, tze'n 'och eb' onnal yet' pax eb' 'ix alib', yujto cojxn ach yiclum ach 'ayn 'a scal smasnil 'anma 'a jun tiempoal tic.

Chuj San Mateo Bible

¹ Axo yic ix c'och sc'ual sjavi jun oval a' mucvajum chi', ix yalan Jehová Dios d'a vin̈aj Noé chi' icha tic: Ochan̈ d'a yol te' nivan barco tic yed' ix etb'eyum, eb' uninal yed' eb' ix alib', yujto a achn̈ej ix a c'anab'ajej d'ayin d'a scal masanil eb' anima d'a jun tiempoal tic.

Gn 7:1 ပူးပေါင်းရင်းမြစ်များ

Gn 6:18

Palta tzin b'ocn jun in trato et'oc. A 'a yojl te barco cha, ata 'oj 'och eb' onnal yet' yistzil, yet' 'ix estzil ach tic.

Gn 6:9

Atn yab'xil win Noé tic: A Noé, caw wal wach' xyutj sb'a 'a sat Dios, cojxn win wach' snab'en 'a scal eb' 'anma 'a yic jun tiempoal cha, 'ix sb'eylb'ej 'icha tznib'j Dios.

Gn 7:13

A 'a jun c'u cha, 'ix 'ochcn Noé 'a yojl te barco yet' eb' yunnal yoxwn̈il, atn win Sem, win Cam, win Jafet, eb' yalb' yoxwn̈il, yet' 'ix yistzil.

Gn 7:7

'Ix 'och win 'a yojl te barco yet' yistzil, xyi'n 'och eb' yunnal yet' pax eb' yalib', yuj scolchj eb' 'a jun niwquil owl yaxn̈ab' cha.

A Ch'an̈ Schab'l Libro Samuel 22:24

Wach'n̈j xwutj in b'eyb'al 'a yojltac, yujto xwij 'el in b'a 'a maysch'olnil.

Pr 10:9

A eb' wach' sb'eyb'al, may 'aj 'oj xiw eb'; ax eb' tu tzyutj sb'a, 'oj jawc 'a yib'n̈ eb'.

Pr 14:26

Toto 'ay yel'ch Jehová 'a qui satec, caw te'n cajc tzyal cha, to 'ixta', 'oj stac' pax scoln sb'a eb' cunnalec.

Pr 18:10

A 'a Jehová, ata tzcol sb'a eb' 'anma tojl snab'en, lajn yaj 'a eb' 'icha junc cuartel caw wach' yaji.

Ez 14:14

Q'uinloc a 'a jun chon̈b' chi cajn Noé, Daniel, yet' Job, cojn am eb' 'oxwn̈ tic tzcolchj can 'eli, yujto tojl sb'eyb'al eb', palta may junc mach 'oj stac' scoln 'el eb'.

Sofonías 2:3

'A'c 'och e b'a 'a yol sc'ab' Jehová e masnil, ax 'emmquilal tzeyutj e b'a eyiclni tojlal 'a yolyib'n̈q'uinl tic. B'oc stojlal, yet' pax 'emmquilal, sec toq'ue 'oj e colchj 'a yic 'oj jawc jun c'u yic 'oj ya'nc Jehová yowl sc'ojol.

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

Lc 17:26

Ax yic 'oj in japxi, lajn 'oj 'aj 'icha jun tiempoal yic yec' win Noé.

A Tas Sc'ulejnac Eb' Schecab' Jesús Hechos 2:39

Yujto 'ixta yutjnac ya'n can sti 'ayx quet' on̈, yet' 'a eyunnal, yet' pax 'a smasnil mach 'ay 'a najat. Yujto a Cajlil qui Diosalec, tzyac' Yespíritu 'a jantcn̈ej mach tzyawtj 'och yico'oc, xchi Pedro 'a eb'.

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

A Sb'ab'el Carta San Pedro 3:20

A eb' cha, man̈ yiclumoc yutjnac sb'a eb' 'a Dios, yictax yec' eb' 'a pecti', 'a yic 'ayc' Noé. A 'a jun tiempoal cha, niwn yutjnac Dios sc'ojl 'a eb', yic stan̈wni sb'o jun niwquil barco. A 'a te barco cha, 'ay jaywn̈ eb' colchjnac can 'el 'a te'. Wajxcwan̈ wal eb' colchjnac.