Gn 6:17 - Chuj San Sebastian Bible

¹⁷ Wal yel 'oj wa' cot jun niwquil owl yaxn̈ab' 'oj 'a'n b'ut'joc 'el sat lum lum tic, ax satl smasnil tas pitzn 'a sat lu'um.

Chuj San Mateo Bible

¹⁷ Yujto ol vac'cot jun oval a' yic smucan sat luum tic, ol b'ud'joccanel yuj a', axo satel jantac tas syic' yic' d'a yolyib'an̈q'uinal tic.

Gn 6:17 ပူးပေါင်းရင်းမြစ်များ

Gn 2:7

'Ix sb'on Dios jun 'anma'. A yet' spoccal lum lum 'ix b'o'i. 'Ix yutz'n 'och Dios yic' 'a sn̈i', 'ixta wal x'aj yel yich spitzw 'el 'anma'.

Gn 6:13

Yuj cha, xyaln Dios 'ixtc 'a win Noé: Tox 'ix in na ticnec, to 'oj in satl smasnil eb' 'anma', yuj eb', tzlaj niwtj maysch'olnil 'a yolyib'n̈q'uinl tic.

Gn 6:16

'Oxc'aj tz'ajb't 'a cha'an̈, ax 'a yib'n̈ cha, ata tzcan junc swentnual, nan̈l metro tz'aji, yet' junc smac 'a jun pac'oc.

Gn 6:7

Caw wal tztac in c'ojl yuj eb' 'anma xin b'o tic. Yuj cha, 'oj in satl eb' 'a sat lum lum tic, yet' no cajb'en noc', no calte'al noc', no tzjuc sb'a 'a sat lu'um, yet' pax no ch'ic, xchi.

Gn 7:15

Smasnil no noc' tzyij yic', 'ix jaw no 'a Noé, 'ix yi'n 'och win e no' 'a yojl te barco cha, chatcwan̈il 'ix 'aj e no yochi.

Gn 7:17

Chawincxo c'u smacchj 'el sat lum tic yuj a', 'ix q'ue wan a 'a cha'an̈, 'ix yi'n chan̈ a te barco cha.

Gn 7:4

Yujto yic ucb'ix, ax wa'n cot jun niwquil owl yaxn̈ab' 'a sat lum tic. Chawinc c'u chawinc 'ac'wl 'oj yac'a'. 'Ixta wal 'oj wutc in satn 'el smasnil tas in b'ojnac 'a sat lum lum tic, xchi Dios 'a Noé.

Gn 9:9

A ticnec, tic tzwa'cn jun in trato tic eyet'oc, yet' 'a smasnil eyin̈tl b'aq'uin̈,

Job 22:16

A eb' cha, seb' chamnc eb' mu'c 'icha tzyac' junc mach tz'ijx 'at yuj a 'elmal a'.

Salmos 107:34

A lum lum 'ay syaxil sat, tzyac' jelmjoc sat lu'um yic man̈x 'a sb'al tzyac'a; yuj smul eb' 'anma cajn 'a sat lu'um, 'ixta tz'aji.

Salmos 29:10

A Jehová syajlil a niwc mar. Yajl yaj 'a jun 'ejmn̈ej.

Ex 14:17

Ax wa'n pax pitb'oc 'el snab'en eb' 'aj Egipto cha, ax cob' yochx tza'n eb' eyuj snani, atn wal ta 'oj in ch'oxn in poder 'a win rey, 'a eb' soldado, 'a smasnil jun tzo'n̈ caruaje, 'a smasnil no chej yet' pax 'a smasnil eb' 'anma ajun yet' winac.

Is 51:12

Yuj cha, yaln Jehová eyuj 'ixtic: An ton tic, an tzwac' sniwnal e c'ojol. ¿Mach to wal junc 'aj 'oj e xiwi? ¿Tom 'oj e xiw yuj eb' 'anma to yic chaml yaji, yujto lajn eb' 'icha te 'unn c'ultac?

Is 54:9

'Icha wal wutjnac wa'n in ti 'a win Noé yic ya'n owl yaxn̈ab', sec man̈x 'oj yac' jun chi jun 'ejm xo, 'ixta pax tzwutj wa'n in ti 'aych ticnec. Man̈x 'oj cot wowl 'ayach, man̈x 'oj ach in tumoc.

Ez 34:11

An Jehová in, an tzwal 'ixtic: An wal 'oj in molb'tzoc pax eb' in chon̈b' tic, ax in tan̈wni eb'.

Ez 34:20

Yuj cha, an Jehová in, an tzwala: An 'oj in b'eyc'ojloc eb' yajl tz'ixtn eb' in chon̈ab'.

Ez 5:8

Yuj cha, an Jehová Yajl in, an tzwal 'ixtic: 'Oj woch 'ajc'ojlal 'ayex, q'ueln 'och jun tzo'n̈ xo nacion̈ 'ayex, ax wa'n 'och eyailal.

Ez 6:3

Tzalni to an Jehová Yajl in, an tzwal 'ixtic: Ex 'anma cajn 'a lum jolmctac witz, 'a lum tzalctac, 'a lum ch'olan yet' 'a eb' lum niwc pan̈an: 'Oj wa' cot owl 'a e cal, ax in satn 'el jun tzo'n̈ lugar chan̈ yaj sb'o 'aj tzeyal e b'a.

Os 5:14

'Icha wal smacwj junc no león, 'ixta 'oj wutc in macwj 'a eb' yin̈tl Efraín yet' 'a eb' 'aj Judá. 'Oj in ch'iychtoc can eb', 'oj lajwc cha, ax in 'ati. An 'oj 'ec' in lem chan̈ eb', toc 'ayt mach 'oj stac' scoln eb' 'a yol in c'ab'.

Lv 26:28

an̈jtona 'in, 'oj cot pax wowl 'ayex, ax wa'n niwtjoc sjaw yailal 'a eyib'n̈ yuj e mul cha.

Am 9:6

A Jehová xb'on satcha'an̈, a x'a'n 'ec' jen̈n 'a yib'n̈ lum lum tic. A tz'awtn cot eb' a cotc a 'a a mar, tzya'n 'ejm secnjoc a 'a yib'n̈ lum lum tic. Jehová ton wal sb'i.

Mt 24:39

Palta ma'ix nachj 'el xon jac yuj eb', masnto xjaw jun yaxn̈ab' cha, ata xcham eb' smasnil. 'Icha 'ajnc eb' 'a jun tiempoal cha, 'ixta 'oj 'aj eb' 'anma', yic 'oj in jaw tza'njoc.

Lc 17:27

Yujto a eb' 'anma 'a jun tiempoal cha, ton̈j wanc eb', yu'n eb' tas tzyuq'uej. 'Ay eb' xlaj nupni, 'ay eb' laj ya'jnac 'och yisl yistzilc eb' winc cha, toc sna eb' toto 'ay tas tzjaw 'a yib'n̈ eb'. 'Ixta 'e'nc eb', masnto 'a jun c'u yic yoch win Noé 'a yol te barco. Ata ya'jnac jun owl yaxn̈ab', scham eb' smasnil.

Ro 5:21

'Aych eb' 'anma smasnil 'a yol sc'ab' maysch'olnil. Yuj spoder maysch'olnil cha, tzlaj cham eb'. Palta ax swach'c'ojlal Dios, 'ay pax spoder. Yu'uj, wach'n̈ec 'a sat ticnec. 'Ixta tzyutj ya'n qui q'uinlec 'a jun 'ejmn̈ej yuj Cajlil Jesucristo.

Ro 6:23

Toto a maysch'olnil tzqui b'o'ec, 'oj qui chac stojol, atn chaml 'a jun 'ejmn̈ej. Palta ax jun siylab' tzyac' Dios 'ayn̈ec, atn qui q'uinlec 'a jun 'ejmn̈ej, yujto junxn̈ej cajc yet' Cristo Jesús, atn Cajlilec.

Dt 32:39

An tic, cojn in ton Dios in, may junc xo dios 'icha 'in tic. An tzwac' cham junc mach, an pax tztac' wa'n sq'uinal. An tzwac' lajwc eb' 'anma', an pax tzwan̈tj eb'. ¡May junc mach tztac' scoln 'el sb'a 'a yol in c'ab'!

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

A Sb'ab'el Carta San Pedro 3:20

A eb' cha, man̈ yiclumoc yutjnac sb'a eb' 'a Dios, yictax yec' eb' 'a pecti', 'a yic 'ayc' Noé. A 'a jun tiempoal cha, niwn yutjnac Dios sc'ojl 'a eb', yic stan̈wni sb'o jun niwquil barco. A 'a te barco cha, 'ay jaywn̈ eb' colchjnac can 'el 'a te'. Wajxcwan̈ wal eb' colchjnac.

A Schab'il Carta San Pedro 2:5

An̈jtona', ma'ix yac' Dios niwnc'ojlal 'a eb' 'anma 'a yic pecti'. Ya'jnac cot jun owl yaxn̈ab' 'a yib'n̈ eb' maysch'olnil cha. Cojxn wal Noé colchjnac 'el yet' ucwn̈ eb' yico'. A Noé cha, yaljnac can 'el 'a scal eb' 'anma cha, chajtlto yowlal tojl tzyutj eb' snab'en.