Gn 50:24 - Chuj San Sebastian Bible

²⁴ 'Ay jun c'u, 'ix yal José 'ixtc 'a eb' yu'tac: Jab'xoj wal tiempo ax in chami, palta a Dios 'oj jawc colwjoc eyet'oc. A 'oj eyi'n 'el 'a jun chon̈b' tic, ax ex yi'n 'at 'a lum lum 'ix yaltj can 'a Abraham, 'a Isaac, yet' 'a Jacob, xchi José cha.

Chuj San Mateo Bible

²⁴ Ay jun c'ual ix yal vin̈aj José chi' d'a eb' vin̈ yuc'tac icha tic: Toxo val ol in chamoc, palta a Dios ol och eyed'oc, ol ex yic'anel d'a jun lugar tic, ol ex yic'an meltzaj d'a lum luum yaltejnaccan d'a vin̈ co mam quicham aj Abraham yed' d'a vin̈ co mam quicham aj Isaac yed' pax d'a vin̈ co mam aj Jacob, xchi vin̈.

Gn 50:24 ပူးပေါင်းရင်းမြစ်များ

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 13:15

A smasnil jun lum wan eln 'at tic, an tzwac' 'aych 'a jun 'ejmn̈ej, yic pax smasnil eb' en̈tl b'aq'uin̈.

Gn 13:17

A ticnec, 'ixc muc'uc, tza b'eytzan smasnil ste'il, yet' sat jun lum tic, yujto 'oj wac' 'ayach, xchi Dios 'a Abram.

Gn 15:18

Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic: —A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto, masnto 'a sti a niwquil a Éufrates.

Gn 15:7

'Ix yaln pax Dios: —An ton tic Jehová in, an ach wij 'elt 'a chon̈b' Ur 'a yol yic eb' caldeo yuj wa'n jun lum tic eco'oc, xchi 'a 'a.

Gn 15:8

—'Ix yaln Abram 'ixtic: Ach Wajlil Jehová, ¿tas wal tzwutj wojcan 'eli toto yel 'oj wico'oc jun lum tic? xchi.

Gn 17:8

'Oj wac' smasnil lum Canaán tic 'ayach, yet' 'a eb' en̈tl 'a jun 'ejmn̈ej, ax woch sDiosalc eb', xchi Dios 'a Abraham cha.

Gn 21:1

'Icha yutjnac Jehová Dios yaln 'a 'ix Sara, to 'oj 'aljoc junc yune 'ix, 'ixta ton x'aj 'el'chi.

Gn 26:3

A ticnec, wach' ajcn 'a jun lum tic. 'Aynn̈ej 'ec' et'oc, ax wa'n pax in yaxilal 'ayach. A smasnil jun lum tic, 'oj wac' 'ayach, yet' 'a smasnil en̈til, sec tz'el'ch smasnil tas waljnac can 'a a mam, atn Abraham.

Gn 28:13

Xyiln paxi to a Jehová lin̈n 'ec' 'a stz'ey, xyaln 'a 'ixtic: An ton tic Jehová in, sDiosal in a mam 'ichm Abraham, yet' a mam, atn Isaac. A 'ayach, yet' 'a smasnil eb' en̈til, ata 'oj wac' lum lum tic 'aj teln ach 'ec' tic.

Gn 3:19

'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

Gn 35:12

A lum lum 'ix wac' 'a Abraham yet' 'a Isaac, tzwac' pax lum 'aych ach tic. Ax wa'n pax lum 'a eb' en̈til, xchi Dios 'a 'a.

Gn 46:4

'Oj in 'at et' 'a Egipto cha, 'oj woch yet' eb' en̈til yic 'oj meltzjoc pax cot eb' a slugar tic jun 'ejm xo. Ax yic 'oj a chami, a wal onnal José a 'oj 'ilnc a chami, xchi Dios 'a win Jacob cha.

Gn 47:29

A yic jab'xoj scham win Israel chi tzyab'i, xya'n 'awtxoc cot José, atn win yunnal, xyaln 'a 'ixtic: —Toto 'ay wal a chamc'ojlal 'ayin, tzin tew 'ayach, to tza'ch a c'ab' 'a yaln̈ in xub' tic, yic tza ta'wni a tic 'ayin, to matz in a muc 'a Egipto tic.

Gn 48:21

Xlajw cha, xyaln pax 'a José 'ixtic: —Ach wunnal, an tic jab'xoj wal 'oj in chami; palta a Dios 'aychn̈ej cab' eyet'oc, a 'oj eyi'n meltzjoc pax 'a slum eb' qui mam quichmec.

Gn 50:5

yujto a yic wan scham win in mam, 'ix yal 'ayin, to tzwac' in ti', chajtlto ata tzin muc in mam 'a jun yet'l eb' chamnc 'anma b'ob'il can yu'uj. A jun cha, ata 'ay 'a yol yic lum Canaán, yuj cha, tzin tew 'ayex, to tz'at in mucn in mam cha. Cojn tzlajw in mucn cani, tzin paxta, xchi win José.

Job 30:23

Wojc xo to wan in e'n 'at 'a chamel, atn jun lugar 'aj 'oj c'och smasnil 'anma pitznto ticnec.

Ex 12:41

A 'a jun c'u 'aj 'ix tz'acw 430 ab'il sc'och eb' 'a jun lugar cha, ata 'ix 'elt eb' schon̈b' Jehová 'a yol yic Egipto.

Ex 12:51

A 'a jun c'u cha, stzol-l 'ix yutj Jehová yi'n 'elt eb' israel 'a sat slum eb' 'aj Egipto.

Ex 13:19

'Ix yaln Moisés 'a eb' to tzyij 'at eb' sniwnal win José, yujto yaljnac can win 'a eb' smam yichm eb', to tzya'cn eb' sti 'a winac chajtlto 'oj sb'o eb' 'icha tznib'j win cha. Yaljnac can win 'a eb' 'ixtic: Wal yel a Dios 'oj colwjoc eyet'oc. A yic 'oj ex yi'nc 'el 'a tic, yowlal tzeyij 'at in niwnal tic eyet'oc, xchi can José chi 'a eb'.

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

Ex 33:1

'Ix yaln pax Jehová 'a Moisés 'ixtic: —A ticnec, 'eln̈ yet' eb' 'anma chi 'a tic, eb' 'ix ej 'elt 'a Egipto cha. 'Ixc yet' eb' 'a lum lum 'aj wa'jnac in ti wa'n 'a Abraham, 'a Isaac yet' 'a Jacob, atn lum wa'jnac in ti wa'n 'a yin̈tl eb'.

Ex 4:31

A yic xyab'n eb' chon̈b' chi tas xyal eb' chawn̈ cha, 'ix ya'n 'och eb' 'anma chi 'a sc'ojol, chajtlto 'ix 'ilx cot eb' yuj Dios, yujto caw 'oltac tz'aj eb' 'a 'aj 'ayc' cha. Yuj cha, 'ix 'em n̈ojn eb', xya'n 'ejm sb'a eb' 'a Dios.

Ec 12:5

'Oj e xiw e q'ue 'a junc cha'an̈, 'ay xo smay eyec' 'a yoltc b'e. Ax syamn 'och sacb' xil e jolom, c'ojnc'ojnil xoj e yec' machljoc. Man̈x 'a pax tas 'oj e na 'a eyitb'eyum, yujto wan xo e 'at 'a jun e cajnub' 'a jun 'ejmn̈ej, ax eb' 'anma 'a yoltc caye 'oj laj 'oc' eb yuj e chamlil.

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Nm 32:11

A eb' 'anma 'ay sjunc'lil ab'il sq'uinal yet' 'a yojltac, eb' 'elncta wuj 'a Egipto, ma'oj yil eb' lum lum 'aj wa'jnac in ti wa'n 'a Abraham, 'a Isaac yet' 'a Jacob, yujto man̈ tojloc xyutj sb'a eb' 'ayin.

Ro 5:12

Yuj wal jun winac, spitzw can maysch'olnil 'a yolyib'n̈q'uinl tic, atn Adán. Yuj maysch'olnil cha, spitzw can chamel. Yuj cha, yochcn chaml 'a yib'n̈ smasnil 'anma', yujto c'uxn x'och smul eb' 'a Dios.

Dt 1:8

An ton 'ix wac' jun lum chi 'ayex. A ticnec 'ixquec, 'at cajc lu'um, yujto wa'jnac in ti 'a eb' e mam eyicham, atn Abraham, Isaac, yet' Jacob to tzwac' lum 'a yin̈tl eb', xchi Dios 'ayn̈ec.

Dt 6:10

A Jehová qui Diosalec, a 'oj eyi'n 'och 'a sat lum lum 'aj ya'jnac sti ya'n 'a eb' qui mam quichmec, atn 'a Abraham, Isaac yet' 'a Jacob. A jun lum cha, caw niwc jun tzo'n̈ chon̈b' 'ay 'a 'a, caw wach' pax yilxi, palta man̈oc ex e b'ojnac.

A Ch'an̈ Carta D'a Eb' Hebreo 11:22

A José, caw ya'jnac 'och Dios 'a sc'ojol. Yuj cha, a yic wan schami, yaln cani to a eb' israel 'oj 'el eb' 'a yol yic Egipto. Yaln can paxi, tas yowlal 'oj sb'o eb' yet' sb'acl José cha.

A Ch'an̈ Carta D'a Eb' Hebreo 9:27

Smasnil 'anma', yowlal tzcham eb' jun 'ejem. 'Oj lajwc cha, ax sb'eyc'ojlax eb'.

Josué 24:32

Ax sb'acl win José yijnac cot eb' israel chi 'a Egipto, 'ix smucn can eb' 'a Siquem cha, atn lum smanjnac can Jacob 'a eb' yunnal Hamor, win smam win Siquem, lum jun ciente plata stojol, atn lum 'ochnc can yico'oc eb' yin̈tl José.