Gn 50:19 - Chuj San Sebastian Bible

¹⁹ Palta 'ix yaln win José 'a eb' 'ixtic: —Man̈ ex xiwoc. An tic matz tac' wa'n 'och in b'a sjelc Dios.

Chuj San Mateo Bible

¹⁹ Ix tac'vi vin̈aj José chi' icha tic: —Man̈xo e na jun chi', max yal-laj vac'anoch in b'a sq'uexuloc Dios.

Gn 50:19 ပူးပေါင်းရင်းမြစ်များ

Gn 30:2

Yuj cha, xcot yowl Jacob 'a 'ix Raquel, xyaln win 'a 'ix 'ixtic: —¿Toc wal Dios in? A Dios a matz 'a'n jawc one cha, xchi winac.

Gn 45:5

Palta man̈ tac e c'ojol, man̈ cot cab' pax eyowl 'ayx junjn ex, yujto chon̈b'iln cot eyuj 'a tic, yujto 'ixta snab'en Dios 'a wib'an̈, yuj cha, in b'ab'l cotcn eyu'uj, sec til wal eb' 'anma 'oj colchjoc 'el wu'uj.

Gn 50:18

A yic xc'och ewin yu'tac 'a yojltac, x'em n̈ojnjoc eb' masnto x'emch snan̈l sat eb' 'a sat lu'um, xyaln ewin 'a 'ixtic: —An̈ tic on̈ wu'tac, a checb' caj on̈, xchi ewinac.

Gn 50:20

Ax tic, xe na e b'on jun tu nab'enal 'a in patic, palta ax Dios, xjeln jun tu nab'enal chi 'a wach'il, sec niwn 'anma tzcolchji, 'icha jun wan quilnec tic.

A Ch'an̈ Schab'il Libro Yic Yab'ixal Eb' Rey 5:7

Yajn̈j wal cha, 'ix yawtn win sreyl chon̈b' Israel ch'an̈ carta cha, 'ix tzilnjat spichul, 'ix yaln 'ixtic: —¿Tom an Dios in jun? ¿tom an tzwac' schamlil 'anma', yet' pax stzatzil, yuj cha, tzchecn cot win jun winc tic 'ayin, yic tzwi'n 'el lepra 'a 'a? Tzcham eyilni, tecn wan sayn eb' tas tznib'j tzin yutej, xchi win rey cha.

Mt 14:27

—Te'n tzeyutj e b'a. An Jesús in. Man̈ ex xiwoc, xchi 'a eb'.

Ro 12:19

Ex chamc'ojlb'il wu'uj, caw wal matz tac' qui pacnec qui b'a 'a junc mach. Yowlal tzqui tan̈wjec, sec mun a Dios 'oj 'a'nc syailal. Yujto yaljnac can Dios 'ixtc 'a Ch'an̈ U'un̈: An 'ay waln wic wa'n 'och syailal eb', an 'oj wac' spac 'a eb', 'icha smoj schan eb', xchi Cajlilec.

Dt 32:35

An 'ay waln wic wa'n 'och syailal eb', an 'oj wac' spac 'a eb', 'icha smoj schan eb'. 'Ay jun c'ual 'oj lajwc 'el eb', caw la'nxo yaj sc'ual yic 'oj lajwc 'el eb'. ¡Caw jab'xoj sc'och yorail schan eb' spac! xchi Dios.

A Ch'an̈ Carta D'a Eb' Hebreo 10:30

Cojquec, 'ixtc yaj yaln Cajlilec: An ton tic 'ay waln wic wa'n 'och syailal eb', an 'oj wac' spac 'a eb', 'icha smoj schan eb', xchi. Yaljnac can pax 'ixtic: An Yajl in tic, 'oj in b'eyc'ojloc eb' in chon̈ab', xchi Dios.