Gn 50:11 - Chuj San Sebastian Bible

¹¹ A yic xyiln eb' cananeo 'ayc' 'a jun lugar cha, tas tz'aj stan̈w 'ac'wl eb' 'aj Egipto cha, xyaln eb' 'ixtic: A eb' 'aj Egipto tic, caw wal ya tz'aj eb' stan̈w 'ac'wl yuj mach tzcham 'a eb', xchi eb'. Yuj cha, xyac' eb' sb'ic jun lugar chi Abel-misraim, ata 'ay 'a stojlal 'aj tzq'uel c'u 'a a niwn a Jordán.

Chuj San Mateo Bible

¹¹ Ayic ix yilan eb' cananeo d'a jun lugar chi' tas ix yutej sb'a eb' aj Egipto yed' schamnac, ix yalan eb' icha tic: A eb' aj Egipto tic, te nivan syutej eb' yilvi ac'val yuj schamnac, xchi eb'. Yuj chi', Abel-mizraim ix yac' eb' sb'iej jun lugar chi'. A d'a slac'anil a' nivan Jordán ay jun lugar chi'.

Gn 50:11 ပူးပေါင်းရင်းမြစ်များ

Gn 13:7

Yujto a eb' yilmal scajb'en noc' Abram, to tzyac' eb' owl yet' eb' yilmal yic Lot. An̈jtona', a yic jun tiempoal cha, cajnto to 'ec' eb' cananeo yet' eb' ferezeo 'a jun lugar cha.

Gn 24:6

'Ix ta'w Abraham chi 'ixtic: —May xon wal b'a'n̈ tzej 'at ni wunnal tic ta'.

Gn 34:30

Yuj cha, xyaln win Jacob 'a Simeón yet' 'a Leví 'ixtic: —Caw wal tzeyac' in chac in b'a yet' smasnil eb' 'anma cajn 'a sla'nil jun lugar tic, atn eb' cananeo yet' eb' ferezeo. 'Oj syam sb'a am eb', ax ya'n eb' owl quet'ec, tecn 'oj on̈ smilc eb' qui masnil yet' cunnalec tic, yujto jaywn̈n̈ej wal qui b'islec, xchi winac.

Gn 50:10

A yic xjaw eb' 'a Goren-ha-atad, 'a stojlal 'aj tzq'uel c'u 'a a niwn a Jordán, ata 'ix stan̈wj eb' yac'wlil sniwnal win Jacob, ax José caw wal niwquil xcus yuj smam chi 'a uque c'ual.

Gn 50:12

A smasnil tas 'ix yalcn win Jacob 'a ewin yunnal, 'ix syiclj eb' sb'oni.

Dt 11:30

A jun tzo'n̈ witz cha, ata 'ay eb' 'a sti b'e tz'ec' 'a sc'axpil 'ec' a Jordán, 'a stojlal 'aj tz'em c'u, atn 'a lum slum eb' cananeo cajn 'a span̈nil sti a Jordán cha, 'a yojltac Gilgal, atn 'a 'aj nab'a ma'ach', 'a yol yic Moré.

Dt 3:25

Tzin tew wal 'ayach, comnoc tzin a chaj 'ec' 'a sc'axpil 'ec' a Jordán tic. Tzin nib'j tzin c'och 'a sat jun lum caw wach' cha. Tzin nib'j wal tz'at wil lum lum 'ay 'a jolmctac witz cha, yet' pax lum Líbano, xin chi 'a 'a.

Dt 3:27

Lem, q'uen̈ta 'a sjolm lum witz Pisgá tic. Ata 'oj elcn 'at lum lum chi 'a stojlal norte, 'a stojlal sur, 'a stojlal 'aj tzq'uel c'u yet' pax 'a stojlal 'aj tz'em c'u. Al wal ec' 'a sc'axpil 'ec' a Jordán cha, may xon b'i'an.

A Ch'an̈ B'ab'el Libro Samuel 6:18

Ax sb'isl q'uen oro b'ob'il 'icha yilx e no ch'ow cha, tzyal yuj sb'isl o'e schon̈b' eb' syajlil eb' filisteo wach' yajch oyn smuroal, yet' pax yaldeail. Ax q'uen niwquil q'uen 'a sat lum slum win Josué 'aj Bet-semes 'aj 'ix q'ue b'achn te scaxail strato Jehová, 'ix 'ochcn q'uen snanb'ilc cot tas 'ix uji.