Gn 50:1 - Chuj San Sebastian Bible

¹ Ax José 'ix 'och la'n̈joc 'a smam, caw x'oq'ui stz'ub'n can 'elt sti smam cha.

Chuj San Mateo Bible

¹ Ix b'at lac'naj vin̈aj José chi' d'a snivanil vin̈ smam chi', ix och ijan vin̈ yoq'ui, ix stz'ub'anelta sti' vin̈.

Gn 50:1 ပူးပေါင်းရင်းမြစ်များ

Gn 23:2

yic 'ix cham 'ix 'a lum Quiriat-arba, atn 'a Hebrón 'a yol yic Canaán. Caw 'ix 'oc' win Abraham yuj schamlil 'ix Sara cha, 'ix 'ochcn win 'a cusc'ojlal yuj 'ix.

Gn 46:4

'Oj in 'at et' 'a Egipto cha, 'oj woch yet' eb' en̈til yic 'oj meltzjoc pax cot eb' a slugar tic jun 'ejm xo. Ax yic 'oj a chami, a wal onnal José a 'oj 'ilnc a chami, xchi Dios 'a win Jacob cha.

Gn 49:33

Yic xlajw yaln jun tzo'n̈ paxti tic 'a eb' yunnal cha, yuj tas tz'aj sniwnal smucx yuj eb'. Xlajw cha, x'e'x c'otn jun 'ejm xo, xlajw xoj cha, 'ix chami.

Gn 50:2

Xlajw cha, xyaln José 'a eb' 'a'm remel tzmunlj 'a 'a, to tzya'ch eb' remel 'a sniwnal smam cha, atn win Israel, sec wach' matz c'a'i.

A Ch'an̈ Schab'il Libro Yic Yab'ixal Eb' Rey 13:14

Caw wal ya'ay Eliseo yuj jun yab'il 'ix milwj 'a 'a, yuj cha, a yic mantzac cham Joás sreyl chon̈b' Israel, 'ix 'at yila', 'ix 'oc' 'a yojltac Eliseo, 'ix 'och la'njoc 'a 'a, 'ix yaln 'ixtic: —¡Mamin, mamin! 'icha wal soldado caw 'ay yip, 'ixta aj 'a qui cal an̈ israel on̈ tic, xchi 'a 'a.

A Tas Sc'ulejnac Eb' Schecab' Jesús Hechos 8:2

Xlajwn̈ej scham Esteban, 'ay jun tzo'n̈ winc 'aych snab'en 'a Dios, 'ix yi'n 'at eb' sniwnal, x'at smucnc eb'. Caw x'oc' eb' yu'uj.

Ef 6:4

Ax xo mamb'il ex, man̈ e comn tzuntzc cot yowl sc'ojl eb' eyunnal. A yic tze q'uib'tzan eb', tzeyac' cuenta eb'. Tze cuyn pax eb', sec tzya'ch eb' sc'ojl 'a Cajlil.

1 Ts 4:13

Ex wu'tac, ex wanab', tzqui nib'j on̈, caw tzeyojquej 'eli, tas wal yaj eb' creyente chamnc xo, sec matz ex cus yuj eb', 'icha tzcus eb' may tas tzya'ch yipc sc'ojol.