Gn 5:32 - Chuj San Sebastian Bible

³² A Noé o'e ciente ab'il sq'uinal yic 'ix syamn 'och yalj eb' yunnal, atn win Sem, win Cam yet' win Jafet.

Chuj San Mateo Bible

³² A vin̈aj Noé chi', 500 ab'il sq'uinal vin̈ ayic ix syamanoch yalji eb' yuninal vin̈, aton vin̈aj Sem, vin̈aj Cam yed' vin̈aj Jafet.

Gn 5:32 ပူးပေါင်းရင်းမြစ်များ

Gn 10:1

A jun tic yab'xil eb' yunnal Noé, atn sb'i eb' tic: Sem, Cam yet' Jafet. Yic 'ix lajw 'ec' niwquil owl yaxn̈ab', 'ix laj 'alj yunnal eb'.

Gn 10:21

A Sem atn sb'ab'l 'u'tac Jafet, 'ay pax yunnal x'alji, smasnil eb' yin̈tl Heber, ata cotnc yin̈tl eb' 'a Sem.

Gn 10:32

Smasnil jun tzo'n̈ 'anma tic, yin̈tl eb' yunnal win Noé, junjn c'aj eb' yet' yin̈til. A yic xlajw can 'ec' jun owl yaxn̈ab' cha, 'ix sactzic can eb', 'ix 'och eb' chon̈b'al 'a yolyib'n̈q'uinl tic.

Gn 10:6

Atn sb'i eb' yunnal Cam tic: Cus, Mizraim, Fut yet' Canaán.

Gn 6:1

A yic xq'uib' sb'isl eb' 'anma 'a sat lum lum tic, 'ay yisl eb' x'alji.

Gn 6:10

'Oxwn̈ yunnal win x'alji, atn win Sem, win Cam yet' win Jafet.

Gn 7:13

A 'a jun c'u cha, 'ix 'ochcn Noé 'a yojl te barco yet' eb' yunnal yoxwn̈il, atn win Sem, win Cam, win Jafet, eb' yalb' yoxwn̈il, yet' 'ix yistzil.

Gn 7:6

A yic xjaw jun niwquil owl yaxn̈ab' cha, waque ciente ab'il sq'uinl winac.