Gn 49:9 - Chuj San Sebastian Bible

⁹ Lajn ach wal 'icha junc no quelm león; a yic tzlajw schin 'ejm junc yit noc'al tzmeltzj pax 'a sn̈aq'ue'en. 'Icha junc no niwquil león, tz'em lachan, tzlaj 'ec' pun̈n 'a sat lu'um. ¿Mach wal junc tzte'wtzej sb'a stzuntzni?

Chuj San Mateo Bible

⁹ Lajan ach val icha junoc noc' quelem choj, ayic slajvi schianb'at junoc noc' noc' ix smila', spaxta d'a sn̈aq'ueen. Tz'em n̈ojan, tz'em cutzan d'a sat lum. Icha val junoc nivaquil choj, ¿mach val junoc ol stec'b'ej sb'a ach stzuntzani?

Gn 49:9 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 10:20

'Aych pax lajchwan̈ yechl no león chi 'a jun sc'ochal cha, junjn 'a junjn smoch waque sb'achquixtacl cha. ¡May junc xo rey sb'ojnac yic 'icha jun cha!

2 Cr 9:18

A jun despacho cha, 'ay sc'ochal, waque sb'achquixtaquil. 'Ay 'ejm oro 'a 'aj te'n 'ejm yoc win rey. B'ob'il 'och sc'ab' jun xilail chi 'a junjn smo'och, b'ob'il 'och pax yechl junjn no león 'a junjn sc'ab' cha.

Ez 19:5

A yic xyiln no nun león cha, to ma'ix 'el'ch 'icha tas 'aych yipc sc'ojl no', 'ix sq'uib'tzan no junx yune', caw jeln 'ix 'aj junx no cha.

Os 5:14

'Icha wal smacwj junc no león, 'ixta 'oj wutc in macwj 'a eb' yin̈tl Efraín yet' 'a eb' 'aj Judá. 'Oj in ch'iychtoc can eb', 'oj lajwc cha, ax in 'ati. An 'oj 'ec' in lem chan̈ eb', toc 'ayt mach 'oj stac' scoln eb' 'a yol in c'ab'.

Os 5:4

Yuj wal e tu b'eyb'al, yuj cha, matz ex meltzj cot 'ayin. Tzeya'ch e b'a 'emmquilal 'a jun tzo'n̈ comn dios, yuj cha, man̈xtzac in e na cot an Jehová in tic.

Miqueas 5:8

Lajn wal 'oj 'aj eb' yin̈tl Jacob chi 'a scal nan̈loc nacion̈ 'icha junc no león 'ay 'a scal no calte'al noc', mto 'icha junc no león tz'och 'a scal jun b'ulc no calnelu. A yic tzc'och no', tzyamn cot no e no calnelu cha, tzcotc ch'iychtan 'at no'. Man̈x 'a junc mach tztac' scoln e no'.

Nm 23:24

A jun chon̈b' tic, caw wal tzyij chan̈ sb'a 'icha junc no león caw 'ay smay, matz 'ilj xon jab'oc, masnto tzyil yi'n schib'j cha, tzle'n 'ejm can schic'l tas tzmil cha, xchi Balaam.

Nm 24:9

Lajn 'icha junc no león pun̈n 'ejm swayi: Toc 'ay mach tztac' stzuntzni. Alx cab' wach' paxti 'a yib'n̈ mach tzaln wach' paxti 'a eb' israel, ax mach tzaln tu paxti 'a yib'n̈ eb', catb'tzax cab' cani, xchi Balaam.

1 Co 15:24

'Oj lajwc cha, 'ixta to b'i'an, ax sjaw jun slajub'. Ax Cristo, 'oj 'a'nc lajwc 'el smasnil eb' yajal, smasnil eb' 'ay yopiso, yet' pax smasnil jun tzo'n̈ 'ay spoder. 'Ixta to b'i'an, ax ya'n 'och yopiso 'a yol sc'ab' Dios Mamb'il.

Dt 33:20

'Ix yaln 'ixtc 'a yib'n̈ eb' yin̈tl Gad: ¡'Ijx cab' chan̈ sb'i Jehová, to a 'ix 'a'n slum eb' yin̈tl Gad, yujto caw lewn slum eb'! Lajn eb' 'icha junc no león tzjil't sc'ab' tzicn cot xil sjolm junc xo no', 'ixta eb' 'a eb' 'ajc'ojl yajch 'a 'a.

Apoc 5:5

Palta 'ay jun 'a eb' 'ichm winc chi 'ix aln 'ayn 'ixtic: Man̈ ach 'oc'oc. A jun tzcuch León 'a scal eb' yin̈tl Judá, atn jun yin̈tl can win rey David, a 'a'jnac ganar. A 'oj stac' sn̈i'chtan uque seyo tic, ax sjacn ch'an̈ un̈ cha, xchi 'ayin.