Gn 49:8 - Chuj San Sebastian Bible

⁸ Ach wunnal Judá, caw wal 'oj alxoc wach' paxti 'aych yuj eb' o'tac; 'oj och pitz'n 'a sjaj eb' 'ajc'ojl yajch 'ayach, ax yem n̈ojn eb' o'tac tic 'a ojltac.

Chuj San Mateo Bible

⁸ Ach vuninal Judá, ol alchaj val vach' lolonel d'ayach yuj eb' uc'tac tic. Ol ach och b'inb'in d'a sjaj eb' ayoch ajc'olal d'ayach. Ol em n̈ojjab' eb' uc'tac tic d'ayach.

Gn 49:8 ပူးပေါင်းရင်းမြစ်များ

Gn 27:29

Til wal 'anma 'oj a'n servil. Smasnil eb' nacion̈ 'oj 'em cumn eb' 'ayach. 'Oj och yajlil 'a yib'n̈ eb' o'tac. ¡'Oj laj 'em cumn eb' 'a ojltac! A eb' tzaln maysch'olnil 'a a patic, maysch'olnil yic eb', ax eb' tzach aln wach'il, wach' yic eb', xchi Isaac.

Gn 29:35

Scuchn chan̈ 'ix yune jun 'ejm xo, ax yic x'alj junx yune 'ix cha, xya'n eb' sb'ic Judá, xyaln pax 'ix 'ixtic: A ticnec b'i'an, tzwij chan̈ sb'i Jehová, xchi 'ix Lea cha. Cojxn cha, 'ix 'och wan 'ix yunewi.

Gn 42:6

Ax José yajl yajch 'a Egipto cha, a tz'a'n 'elt 'ixm trigo 'a eb' manwjum tzlaj c'ochi. A yic xc'och eb' yu'tac 'a yojltac, x'em n̈ojn eb', masnto squil 'ejm eb' snan̈l sat 'a sat lu'um.

A Ch'an̈ Schab'l Libro Samuel 22:41

A eb' 'ajc'ojl yajch 'ayin, 'ix 'at eb' 'elc 'a wojltac. 'Ixtnta xwutj in satn 'el eb' matz in nib'ni.

A Ch'an̈ Schab'l Libro Samuel 24:9

'Ix ya'n win Joab sb'isl eb' soldado 'a junjn chon̈b' 'a win rey cha, ax x'aji, 'ay wajxque ciente mil winc 'a eb' israel, eb' to smoj yoch 'a owal, 'ay pax junx o'e ciente mil winc 'a Judá.

A Ch'an̈ Schab'l Libro Samuel 5:3

'Ixta 'ajnc smasnil eb' yichmtac wincal chon̈b' Israel xwulc' paxtinc yet' win rey David 'a Hebrón. 'Ix sb'on win rey chi jun strato yet' eb' 'a Hebrón cha, xya'n 'och eb' Jehová stestigooc. 'Ix ya'n can 'och eb' David chi sreyloc.

1 Cr 28:4

A Jehová qui Diosalec an̈ israel on̈c tic, a in si'n 'eli yic tzin 'och reyl 'a chon̈b' tic 'a jun 'ejmn̈ej. Yujto a 'ix si'n 'el yin̈tl Judá, yic tzya'n yajlil 'a yib'n̈ smasnil quin̈tlec. A 'a scal yin̈tl Judá, a yin̈tl in mam 'ix si'cn 'eli, an xo in si'cn 'el 'a scal eb' wu'tac yic tzin 'och reyal.

2 Cr 14:8

A Asa cha, 'ay 'oxe ciente mil soldado 'a Judá, 'ay smacl sat jul-lab' yet' eb', yet' lanza. 'Ay pax 280 mil eb' yic Benjamín. A eb' cha, 'ay pax smacl sat jul-lab' yet' eb', 'ay pax sjul-lab' eb'. Caw jeln eb' smasnil.

2 Cr 15:9

Xlajw cha, 'ix ya'n syam sb'a smasnil eb' yic Judá, eb' yic Benjamín, yet' jun tzo'n̈ xo eb' cotnc 'a yol yic Efraín, 'a yol yic Manasés, 'a yol yic Simeón, eb' to jawnc cajn 'a scal eb', yujto niwn eb' israel 'ix 'e't yet' Asa, yujto 'ix yil eb' to 'aych Jehová sDiosal yet'oc.

2 Cr 17:2

'Ix ya'n 'och soldado 'a smasnil chon̈b' 'aych smuroal 'a yol yic Judá, 'ix ya'n pax 'och soldado tzcan tan̈wnoc smasnil chon̈b' 'ay 'a yol yic Judá cha, yet' 'a jun tzo'n̈ chon̈b' 'a yol yic Efraín, atn jun tzo'n̈ chi 'ix yijcn 'ec' smam, atn Asa.

2 Cr 30:11

Palta 'ay jaywn̈ eb' 'a yin̈tl Aser, yin̈tl Manasés yet' eb' yic Zabulón, 'ix yij 'ejm sb'a eb' 'a Dios, 'ix jaw eb' 'a Jerusalén.

Salmos 76:1

'Ojcab'il Dios 'a Judá, caw niwn yel'ch sb'i 'a smasnil yol yic Israel.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Ez 21:29

Til wal tas tzcob' sna chan̈ eb' 'anma chi yal 'ayex. Tzcob' yal eb' 'ixtic: Man̈ ex 'och 'il, may tas 'oj jawc 'a quib'n̈ec, xchi cob' eb', palta a jun tzo'n̈ cha, 'esn̈ej. A q'uen espada cha, 'etzn xo 'och q'uen 'a yib' sjaj jun chon̈b'al eb' 'anma cha, yujto maysch'olnil sb'eyb'al eb'. 'Ayx 'och eb' 'a yol sc'ab' chamel. Xc'och stiempoal yoch syailal eb' yuj tas maysch'olnil tzb'o'o.

Nm 10:14

Ax eb' soldado 'et'jnac sbandera Judá, a eb' b'ab'el; a Naasón yunnal Aminadab a 'aych syajlilc eb'.

Nm 26:20

Eb' yunnal Judá, atn eb' tic tzb'inax 'a eb' yin̈til: Sela, Fares yet' Zera.

Nm 26:22

A 'ix 'aj chan̈ sb'isl eb' yin̈tl Judá, 'ay 76,500 eb' winc 'a smasnil.

Dt 33:7

'Ix yaln 'ixtc 'a yib'n̈ eb' yin̈tl Judá: Mamin Jehová, 'ab' wal tas tzyal eb' yin̈tl Judá 'ayach; jun cab' tzotj eb' yet' eb' yit chon̈ab'. Tza col eb' yet' a poder 'a yol sc'ab' eb' 'ajc'ojol, xchi.

A Ch'an̈ Carta D'a Eb' Hebreo 10:13

Ata tztan̈wej, masnto 'oj can eb' 'ajc'ojl 'a yaln̈ yuj Dios.

A Ch'an̈ Carta D'a Eb' Hebreo 7:14

Cojquec, chajtlto a Cajlilec, yin̈tl can Judá. Ax Moisés, may tas yaljnac, toto 'ay junc eb' yin̈tl Judá chi tztac' yoch ya'malc 'och qui tic 'a Dios.

Josué 10:24

A yic xjaw eb' 'a yojltac Josué, 'ix yawtn cot smasnil eb' soldado cha, 'ix yaln 'a eb' syajlil eb' chi 'ixtic: —Nitzc cot e b'a, tze yetz'tan e te'n sjaj jun tzo'n̈ rey tic, xchi 'a eb'. 'Ix cot eb' muc'uc, 'ix yetz'tan eb' stec' sjaj ewin rey cha.

Josué 15:20

Atn lum smacl lum eb' yin̈tl Judá tic, 'ix pojx can 'ec' lum 'a eb', a tzyal jayc'aj eb' 'a yin̈tl cha.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 5:5

Palta 'ay jun 'a eb' 'ichm winc chi 'ix aln 'ayn 'ixtic: Man̈ ach 'oc'oc. A jun tzcuch León 'a scal eb' yin̈tl Judá, atn jun yin̈tl can win rey David, a 'a'jnac ganar. A 'oj stac' sn̈i'chtan uque seyo tic, ax sjacn ch'an̈ un̈ cha, xchi 'ayin.

Jueces 20:18

'Ix 'at eb' israel 'a scajnub' Dios, 'ix sc'anb'n eb' 'a Dios yic tzyojcan 'el eb', mach junc 'in̈tal eb' yowlal tzb'ab'l 'a'j owl yet' eb' yin̈tl Benjamín. 'Ix yaln Jehová 'ixtic, to a eb' yic Judá tzb'ab'l 'och 'a owal.