Gn 49:33 - Chuj San Sebastian Bible

³³ Yic xlajw yaln jun tzo'n̈ paxti tic 'a eb' yunnal cha, yuj tas tz'aj sniwnal smucx yuj eb'. Xlajw cha, x'e'x c'otn jun 'ejm xo, xlajw xoj cha, 'ix chami.

Chuj San Mateo Bible

³³ Ix lajvi yalan vin̈ d'a eb' vin̈ yuninal chi' yuj tas ol aj smucchaj snivanil yuj eb' vin̈, ix ec' jichan vin̈, ix cham vin̈ b'ian.

Gn 49:33 ပူးပေါင်းရင်းမြစ်များ

Gn 15:5

'Ix yi'n 'el Abram 'a b'esan, 'ix yaln 'a 'ixtic: —'Ilt wal yilx q'ue satcha'an̈, b'is nab'n jun tzo'n̈ c'anal cha, toto tzb'ischj eb' o'oj. 'Ixta 'oj 'aj sb'isl en̈til, xchi Dios.

Gn 25:17

Ax Ismael 137 ab'il sq'uinal yic 'ix chami.

Gn 25:8

'Ichm wincal x'i'ni yic xchami.

Gn 35:29

Caw 'ichm winc xo winac yic xcham cha. Ax Jacob yet' Esaú ewin yunnal, a eb' xmucni.

Gn 49:1

'Ix yawtn cot Jacob smasnil eb' yunnal, xyaln 'a eb' 'ixtic: Nitzc cot e b'a 'a in tz'ey ex wunnal, 'oj wala', tas 'oj 'ec' 'a eyib'n̈ b'aq'uin̈:

Gn 49:29

Xlajw cha, 'ix yaln Jacob 'a eb' yunnal 'ixtic: Jab'xoj wal tiempo ax in chami, yuj cha, ata tzin e muc yet' eb' in mam wichm 'a q'uen oln q'uen 'a slum can Efrón win hitita,

Gn 49:32

A jun lum cha, yet' q'uen oln q'uen cha, ata manb'il 'a eb' hitita, xchi.

Gn 50:1

Ax José 'ix 'och la'n̈joc 'a smam, caw x'oq'ui stz'ub'n can 'elt sti smam cha.

A Ch'an̈ Schab'il Libro Yic Yab'ixal Eb' Rey 13:14

Caw wal ya'ay Eliseo yuj jun yab'il 'ix milwj 'a 'a, yuj cha, a yic mantzac cham Joás sreyl chon̈b' Israel, 'ix 'at yila', 'ix 'oc' 'a yojltac Eliseo, 'ix 'och la'njoc 'a 'a, 'ix yaln 'ixtic: —¡Mamin, mamin! 'icha wal soldado caw 'ay yip, 'ixta aj 'a qui cal an̈ israel on̈ tic, xchi 'a 'a.

A Ch'an̈ Schab'il Libro Yic Yab'ixal Eb' Rey 13:20

'Ix cham Eliseo, xlajw cha, xmucxi. 'A junjn ab'il tzwulc' eb' moabita 'elc'l 'a yol smacb'en eb' israel.

Job 14:10

An̈ xo pax an̈ 'anman̈ tic on̈, a yic tzon̈ chami, jun 'ejmn̈ej tzon̈ chami. 'Ajm til tzon̈ c'ochcn on̈, ¿tom 'ayt 'aj tzon̈ 'ilx pax jun 'ejm xo?

Job 30:23

Wojc xo to wan in e'n 'at 'a chamel, atn jun lugar 'aj 'oj c'och smasnil 'anma pitznto ticnec.

Job 5:26

Caw wal 'ichm achx winac, ax a chami, 'icha tzyac' 'ixm trigo caw wal c'an yic tzpolxi, 'ixta 'oj aji.

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Lc 2:29

Mamin, an tic wa'mal ach servil, a ticnec cham quin cab' 'a junc'ojlal, yujto x'el'ch 'icha wal otjnac a'n can a ti 'ayin.

A Tas Sc'ulejnac Eb' Schecab' Jesús Hechos 7:15

'Ixta 'ajnc Jacob chi sc'och 'a Egipto cha. Ata chamnac. Junjnal chamnc pax eb' qui mam quichmec ta'.

A Ch'an̈ Carta D'a Eb' Hebreo 11:22

A José, caw ya'jnac 'och Dios 'a sc'ojol. Yuj cha, a yic wan schami, yaln cani to a eb' israel 'oj 'el eb' 'a yol yic Egipto. Yaln can paxi, tas yowlal 'oj sb'o eb' yet' sb'acl José cha.

A Ch'an̈ Carta D'a Eb' Hebreo 12:23

tzyam sb'a ta', yic tzyaln eb' wach' paxti 'a Dios. 'Ayc' pax eb' yunnal xo Dios tz'ib'b'ilx sb'i 'a satcha'an̈. Ata 'ayc' Dios, atn sJuezal smasnil 'anma'. Ata 'ayc' spixn eb' wach' yutjnac sb'eyb'al, atn eb' tz'acn xo yuj Dios.