Gn 49:23 - Chuj San Sebastian Bible

²³ Caw wal 'ajc'ojl tzyutj 'och sb'a eb' 'anma 'ayach, tzjulwj eb' yet' sjul-lab' 'ayach, caw tz'och tecn eb' ach stzuntzni, sec tzach smil cham eb'.

Chuj San Mateo Bible

²³ Te ajc'ol syutej sb'a eb' anima d'ayach, sjulvaj eb' yed' sjul-lab' d'ayach, tz'och val ijan eb' ach stzuntzani.

Gn 49:23 ပူးပေါင်းရင်းမြစ်များ

Gn 37:18

Najtto wal sc'och 'a eb', xyiln sb'a eb' 'a 'a, smol aln eb' tas tzyutj eb' smiln cham José cha.

Gn 37:24

syamn cot eb' José, xya'n 'ejm eb' 'a yojl jun tacn̈ xab'.

Gn 37:28

Ax yic x'ec' eb' 'aj Madián cha, yajn̈ej x'at 'ijxoc q'uet win José yuj eb' yu'tac 'a yol jun xab' cha. Xchon̈n can 'at eb' win 'a ewin ismaelita tz'at 'a Egipto. Junc'l q'uen tumn plata schaj eb' 'a ewinac. 'Ixta wal x'aj s'atcn José 'a Egipto.

Gn 37:4

Ax yic tzyiln eb' 'u'tacab'il cha, to caw yel xo wal chamc'ojlb'il win yuj smam, yuj cha, caw xchichn 'och ewin 'a 'a. Man̈xtzac snib'j xon ewin sc'umc 'a tzaljc'ojlal.

Gn 42:21

Xlajw cha, xlaj yal-lanc eb' 'a junjn 'ixtic: —Caw wal yel tu xcutjec qui b'a 'a win cu'tac José, ma'ix qui chajec cab'i', yic xtew 'och win 'ayn̈ec, sec tz'o'ch qui c'ojlec 'a 'a, ton̈j xquilec to caw 'ix cusi. Yuj ton am cha, tzjaw jun cusc'ojlal tic 'a quib'n̈ec, xchi ewinac.

Gn 49:22

Ach xo ach tic José, lajn ach wal 'icha junc te te tzq'uib' 'a sti junc a', caw niwn sat tzyac'a, tzlaj 'el'ch sc'ab' 'a yib'n̈ muro.

Gn 49:24

Palta ach tic, caw wal 'ay ep, te'nn̈ej yaj a jul-lab' yuj yip in Diosal an Jacob in tic, atn Wilmal, in Tan̈mal an Israel in tic.

Salmos 118:13

In cob' yec telwc eb', sec tzin 'em yuj eb' snani, palta ax Jehová in colni.

Salmos 64:3

A yic tzyaln eb' paxti caw ya, caw lajn sti eb' chi 'icha junc cuchlub' caw jay ye, 'icha junc jul-lab' tzcham 'anma yu'uj.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.