Gn 49:22 - Chuj San Sebastian Bible

²² Ach xo ach tic José, lajn ach wal 'icha junc te te tzq'uib' 'a sti junc a', caw niwn sat tzyac'a, tzlaj 'el'ch sc'ab' 'a yib'n̈ muro.

Chuj San Mateo Bible

²² A achxo tic ach José, lajan ach val icha junoc te te' ay d'a sti' junoc a a', ste el c'uyan, man̈ jantacoc sat syac'a', sc'axpajec' sc'ab' d'a yib'an̈ smacte'al.

Gn 49:22 ပူးပေါင်းရင်းမြစ်များ

Gn 41:52

Ax win schab'l 'unin, xyac' sb'ic Efraín, yujto xyal 'ixtic: A Dios, a x'a'n eb' wunnal 'a jun lum lum 'aj wab'jnac syal tic, xchi.

Gn 46:27

Chuc pax yaj José yet' chawn̈ eb' yunnal 'aljnac 'a Egipto cha, yuj cha, 70 sb'isl win Jacob yet' eb' yunnal yet' eb' yixchiquin yic 'ayx 'ec' win 'a Egipto cha.

Gn 48:1

Jab'nant wal tiempo cha, xyaln eb' yab' José to ya'ay smam, yuj cha x'at José 'at yila'; xyi'n 'at eb' yunnal schawn̈il yet'oc, atn Manasés yet' Efraín.

Gn 48:15

Xyaln can win wach' paxti 'a yib'n̈ José 'ixtic: A Dios 'aj syicljnac in mam 'ichm Abraham, yet' in mam Isaac, a tzin tan̈wni yictax in 'alji yet' yic in b'ey cot 'a wojltac.

Gn 48:16

A jun ángel in coln 'a tas 'ay smay, yal cab' wach' paxti 'a yib'n̈ ewin quelm 'unn tic. To yujn̈ej ewinac, ax sb'inax cot in b'i b'aq'uin̈, yet' sb'i in mam 'ichm Abraham, yet' pax sb'i in mam Isaac. Niwn cab' 'oj 'aj sb'isl yunnal eb'. 'Oj yac' eb' niwtjoc 'anma 'a sat lum lu'um, xchi winac.

Gn 48:5

Yuj cha, a wal chawn̈ onnal tic x'alj 'a Egipto yic mantzac in jaw 'a tic, wic xon yaj ewinac, 'icha to wunnal tz'ajcn eb', 'icha wal yaj win Rubén yet' win Simeón.

Gn 49:23

Caw wal 'ajc'ojl tzyutj 'och sb'a eb' 'anma 'ayach, tzjulwj eb' yet' sjul-lab' 'ayach, caw tz'och tecn eb' ach stzuntzni, sec tzach smil cham eb'.

Salmos 128:1

Caw wach' yic eb' yiclum tzyutj sb'a 'a Jehová, yujto 'oj scha eb' swach'c'ojlal.

Salmos 128:3

A yistzil eb' winac, lajn wal eb' 'ix 'icha junc te snun uva tzsatn 'a stz'ey yatut eb'; ax yunnal eb' tzlaj 'och oyn 'a sti smexa, lajn eb' 'icha swol te olivo.

Salmos 80:10

C'uxn xmacchj 'el lum niwc witz yuj yen̈l te', yet' pax eb' te te niwc ste'il, 'ix macchj 'el eb' te yuj sc'ab' te'.

Ez 19:11

Caw wal ch'ijmtac x'aj eb' te sc'ab', ax te x'och sc'occhoc eb' rey, yel xo wal xq'uib' te si'mb'il. 'Ix 'ec' stel 'a yib'n̈ jun tzo'n̈ te niwc te', caw wal 'ay xo smay yilx yuj ste'il yet' pax yuj te sc'ab' 'ix q'uib'l cha.

Os 13:15

Wach'xam 'oj e niwtj chan̈ 'a scal eb' eyit israelal, palta 'oj cot wowl 'ayex. Lajn 'oj 'aj scot 'icha tacn̈ 'ic' tzcot 'a cusltac lum 'aj tzq'uel c'u, yuj cha, 'oj tup chan̈ eb' a spac'b'a' yet' eb' a c'ob'a'. Ax eb' 'ajc'ojl yajch 'ayex, a eb' 'oj 'i'nc 'at smasnil e ricoal.