Gn 49:18 - Chuj San Sebastian Bible

¹⁸ ¡Mamin Jehová tzin tan̈wj in a colni!

Chuj San Mateo Bible

¹⁸ Mamin Jehová tzin tan̈vej in a colani.

Gn 49:18 ပူးပေါင်းရင်းမြစ်များ

Gn 49:17

A wal ach tic Dan, lajn wal 'oj otc a b'a 'icha wal junc no chan 'ayc' 'a yol b'e tzchin yich sq'uenl yoc no chej, tz'el mach 'ay q'ue 'a yib'n̈ no yu'uj.

Salmos 119:166

Mamin Jehová, tan̈b'il a colwal wu'uj, yujto tzin b'eylb'ej jun tzo'n̈ a checnb'il tic.

Salmos 119:174

Mamin Jehová, tzin nib'j wal to tzin a colo, yujto 'ay in tzaljc'ojlal yet' jun tzo'n̈ a cuynb'il tic.

Salmos 119:41

Mamin Jehová, ch'ox wal a chamc'ojlal 'ayin, yet' pax a colwal, 'icha wal yaj aln can 'a a paxti'.

Salmos 123:2

Tzon̈ 'och wal q'ueln 'aych Mamin, 'icha wal yiln 'och junc win moso spatron̈, mto 'icha yiln 'och 'ix ya'mal servil junc mach 'aj tz'a'w servil, 'ixta qui tan̈wni yo'ch a c'ojl 'ayn̈ on̈.

Salmos 130:5

'A smasnil in c'ojol, tzin tan̈wni a colwal Mamin Jehová, ax a paxti tzwa'ch yipc in c'ojol.

Salmos 14:7

A cab' 'a tzaln Sión, ata tzcot qui colnb'il an̈ israel on̈c tic. A yic 'oj ya'nc pax Jehová swach'c'ojlal 'a quib'n̈ec jun 'ejm xo, caw 'oj qui tzaljec an̈ yin̈tl on̈c can Jacob tic.

Salmos 40:1

'Ix wac' techjoc in tan̈wni scolwal Jehová, 'ix smaclni yab' tas xwala.

Salmos 62:1

Cojn 'a Dios 'aj tz'ilchj junc'ojlal wu'uj, a 'a tzcot in colnb'il.

Salmos 62:5

Cojn 'a Dios 'aj tz'ilchj junc'ojlal wu'uj, cojn yipc'ojlal yaj wu'uj.

Salmos 85:7

Mamin Jehová, ch'ox wal a chamc'ojlal 'ayn̈ on̈, tzon̈ a coln pax 'eli.

Ex 15:2

A jun b'it tic a 'a Jehová tzcalec, yujto a qui Colmalec yaji, 'a 'aych quipoc. 'Ijx cab' chan̈ sb'i qui Diosalec, alx cab' wach' paxti 'a 'a, atn sDiosal eb' qui mam quichmec.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Is 25:9

A 'a yic jun c'ul cha, 'oj calc 'ixtic: Atn wal Jehová qui Diosalec tic, a ca'jnaquec 'och yipc qui c'ojol, yuj cha, on̈ scolnec. Ca'c wal tzaljoc qui c'ojol, yujto a 'on̈ colnec, 'oj qui chioc.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Is 33:2

Mamin Jehová, 'o'ch cab' wal a c'ojl 'ayn̈ on̈, caw tan̈b'ilch cuj on̈, 'ochn̈ quet' 'a junjn c'u yic 'ay qui yailal on̈, coln̈ 'el on̈.

Is 36:8

Ax ticnec jun, tzwal 'ayex to tze b'o junc e trato yet' win wajlil, atn sreyl Asiria: Q'uinloc tzwac' chab'oc mil no chej 'ayex, ¿tom tz'ilchj eb' soldado tzq'ue 'a yib'n̈ e no eyu'uj?

Is 8:17

Wach'xam tzc'ub'j 'el sb'a Jehová 'a 'ayn̈ an̈ yin̈tl on̈ Jacob tic, palta an tic, tzwa'ch 'a in c'ojol, to a yipc'ojlal yaj wu'uj.

Lm 3:25

Caw wach' Jehová 'a eb' to tzya'ch sc'ojl 'a 'a, atn eb' tzya'ch sb'a 'a yol sc'ab'.

Os 12:7

A Jehová a tzaln 'ixtic: A eb' chon̈wjum yic Efraín, a 'echtab' man̈ tz'acnoc, a tzc'anlb'ej eb', yujto caw wal tzchaj sc'ojl eb' yelc'wi.

Miqueas 7:7

Palta an xo pax an tic, a Jehová 'aych yipc in c'ojol. Cojn Dios in Colmal yaji, a yipc'ojlal yaj wu'uj, yujto 'oj yab' tas 'oj wala'.

Mt 1:21

A jun 'unn 'oj 'aljoc cha, winc 'unin. 'Oj ac' sb'ic JESÚS, yujto a 'oj colnc can 'elt eb' schon̈b' 'a yaln̈ smul, xchi jun ángel 'a José cha.

Mr 15:43

'ix c'och José 'aj chon̈b' Arimatea. Caw niwn yel'ch yopiso 'a scal eb' yit yajlil. A jun cha, tan̈b'il yoch Dios Yajlilc yu'uj. Caw te'n xyutj sb'a, 'ix c'och 'a win Pilato, sc'ann 'emt sniwnal Jesús 'a winac.

Lc 1:30

Xlajw cha, xyaln pax 'a 'ix 'ixtic: —María, man̈ ach xiwoc, yujto til wal swach'c'ojlal Dios tzyac' 'ayach.

Lc 2:25

Ax 'a jun tiempoal cha, ata 'ayc' jun winc 'a Jerusalén, Simeón sb'i. Caw tojl snab'en, an̈j 'a Dios tzyal sb'a. Caw tztan̈wj sjaw jun tiempoal, yic 'oj colchjoc eb' yit israelal. Caw 'aych pax Yespíritu Dios 'a 'a.

Lc 2:30

A yet' in sat tic, caw tzwil jun Colwjum,

Lc 23:51

Palta toxn ma'ix ya'ch sb'a win yet' ewin xb'on jun cha, yujto wan stan̈wni win swach' 'och Dios Yajlil.

Ro 8:19

Smasnil jun tzo'n̈ tastc 'ay 'a yolyib'n̈q'uinl tic, caw tztan̈wj eb', tzmaclni eb' b'a'n̈ 'oj qui checlj 'el an̈ yunnaln̈ec xo Dios tic.

Ro 8:25

Palta a jun tzca'c 'och yipc qui c'ojol, mantzac quilc yet' qui sat. Yuj cha, yowlal te'n tzcutjec qui b'a qui tan̈wniec sjawi.

Gl 5:5

An̈ec xo, yuj Yespíritu Dios, tzca'c 'och yipc qui c'ojol, chajtlto 'oj on̈ yalc Dios wach'il. Atn jun tic wan qui tan̈wniec ticnec, yujto tzca'c 'och qui c'ojl 'a 'a.

1 Ts 1:10

An̈jtona', tzyaln pax eb', chajtlto wan e tan̈wni yemx wul Yunnal Dios 'a satcha'an̈, atn Jesús. A Dios, 'a'jnac pitzwc pax 'a scal eb' chamnac. Atn tzon̈ colnec can 'el 'a yol sc'ab' jun niwn yailal 'oj jawc yuj yowl sc'ojl Dios.