Gn 49:14 - Chuj San Sebastian Bible

¹⁴ Ach xo ach tic Isacar, lajn ach wal 'icha junc no b'uru caw 'ay yip, tz'ilj 'a yol scolal.

Chuj San Mateo Bible

¹⁴ A achxo tic ach Isacar, lajan ach icha junoc noc' b'uru cuchum icatz syic' yip d'a yol macte'.

Gn 49:14 ပူးပေါင်းရင်းမြစ်များ

Gn 30:18

Xyaln 'ix Lea chi 'ixtic: Isacar 'oj sb'ic win 'unn tic, spactzej Dios 'ayin, yujto xwac' 'ix in checb' 'a win wichmil tic, xchi 'ix.

Gn 49:15

A yic tzyiln 'ochi, to caw wal wach' jun lugar 'aj caw wach' yilj cha, yuj cha, tzya'n 'och yich spatquil 'a yaln̈ 'icatz, man̈x 'a tas tzyala yic tz'och 'a yaln̈ 'ictz caw 'al.

1 Cr 12:32

'A eb' yin̈tl Isacar, 'ay chab' ciente eb' yajal, 'ix jaw eb' yet' smasnil eb' winc tzyac' mandar. A jun tzo'n̈ eb' tic, caw wal tznachj 'el yuj eb' tas yowlal tzb'o chon̈b' Israel, b'a'n̈ pax 'oj 'el'choc.

Salmos 68:13

atn jun tzo'n̈ yechl no 'uch 'u'nc sc'axl yuj q'uen plata yet' q'uen oro. ¿Tas yuj 'ayx ma'ix eyactj eyiln no e calnelu yic tzex 'at eyac' owal? xchi eb' 'ix.

Salmos 78:70

Si'n 'elt jun schecab' atn win David, win 'ilm calnelu.

Nm 32:16

Xlajw cha, snitzn 'ochch sb'a eb' 'a stz'ey Moisés, 'ix yaln eb' 'a 'ixtic: —Ton̈j tzqui b'ocn scol-l qui calnelu 'a tic, scol-l qui wacax yet' pax schon̈b' eb' 'ix quistzil on̈, yet' eb' cunnal on̈.

Dt 33:18

'Ix yaln 'ixtc 'a yib'n̈ eb' yin̈tl Zabulón, yet' 'a yib'n̈ eb' yin̈tl Isacar: Tzaljan̈c ex yin̈tl Zabulón, 'a 'ajtil tzex laj 'eq'ui, an̈jtona ex yin̈tl Isacar, tzaljan̈c 'a eyatut.

Jueces 10:1

A yic chamnc xo Abimelec, 'ay jun win yin̈tl Isacar 'ix 'ochx can scol chon̈b' Israel. A win tic, Tola sb'i, yunnal jun win tzcuch Fúa, yixchicn win Dodo. A win Tola cha, ata cajn win 'a chon̈b' Samir 'a eb' lum jolmctac witz 'a yol smacb'en eb' yin̈tl Efraín.