Gn 48:14 - Chuj San Sebastian Bible

¹⁴ Ax yic xya'n 'at win Israel sc'ab' 'a yib'n̈ sjolm ewinac, jeltz'm xyutj ya'n 'at sc'ab' 'a yib'n̈ sjolm eb', yuj cha, a swach' c'ab' xc'och 'a yib'n̈ sjolm Efraín win tza'n 'unin, ax surito 'a yib'n̈ sjolm win Manasés, wach'xam a win b'ab'l 'unin.

Chuj San Mateo Bible

¹⁴ Ayic ix yac'anb'at sc'ab' vin̈ chi' d'a yib'an̈ eb' vin̈, culus ix yutejb'at sc'ab' vin̈ chi' d'a yib'an̈ eb' vin̈. Yuj chi', a svach' vin̈ ix c'och d'a yib'an̈ vin̈aj Efraín chi', axo sq'uexan̈ vin̈ ix c'och d'a yib'an̈ vin̈aj Manasés chi', vach'chom b'ab'el vinac vin̈aj Manasés chi'.

Gn 48:14 ပူးပေါင်းရင်းမြစ်များ

Gn 41:51

A win b'ab'l 'unin, xyac' José sb'ic Manasés, yujto xyal 'ixtic: A Dios x'a'n 'at satc'ojlal wuj smasnil yailal x'ec' 'a wib'an̈, yet' smasnil eb' 'ayt wuj in b'a yet'oc, xchi.

Gn 41:52

Ax win schab'l 'unin, xyac' sb'ic Efraín, yujto xyal 'ixtic: A Dios, a x'a'n eb' wunnal 'a jun lum lum 'aj wab'jnac syal tic, xchi.

Gn 48:13

Xyi'n cot pax José eb' yunnal chi schawn̈il, a win Efraín 'a swach' c'ab', ax win Manasés 'a surito, xyi'n 'at eb' 'a smam cha, yuj cha, a win Efraín xcan 'a surito win Israel, ax win Manasés xcan 'a swach' c'ab'.

Gn 48:17

Palta ax 'a José, tu xcan jun tic 'a 'a, yujto a 'a yib'n̈ sjolm win Efraín xya't swach' c'ab', yuj cha, xyi'n 'el José swach' c'ab' smam 'a yib'n̈ sjolm Efraín, xya'n q'ue 'a yib'n̈ sjolm win Manasés.

Gn 48:18

Ya' sb'a cha, xyaln win José 'ixtic: —May mamin, man̈ 'ixta'oc tzotej, a 'a yib'n̈ sjolm ni b'ab'l tic, ata tzac' q'ue a wach' c'ab', xchi José.

Salmos 110:1

A Jehová a 'ix aln 'a Wajlil 'ixtic: 'Emn̈ wocn 'a in wach' c'ab', masnto 'oj can eb' 'ajc'ojl yajch 'aych 'a yaln̈ wu'uj, xchi.

Salmos 118:16

Caw wal niwquil spoder, yuj spoder caw satjub'tac 'ix 'aj ya'n ganar owal.

Ex 15:6

Mamin Jehová, caw wal 'ay a poder, 'ix a satl eb' 'ajc'ojl cha.

Nm 2:18

Ax 'a stojlal 'aj tz'em c'u, ata 'oj 'aj scamplamento eb' soldado 'et'jnac sbandera eb' yin̈tl Efraín. A eb' soldado 'a yin̈tl Efraín cha, a Elisama yunnal Amiud a 'aych syajlilc eb', a sb'isl eb' 'ay 40,500 soldado.

Nm 8:10

Tzaln 'a eb' levita cha, to tzjaw eb' 'a wojltac an Jehová in, ax smasnil eb' syajlil junjn 'in̈tal eb' chon̈ab', tzya't eb' sc'ab' 'a sjolm eb'.

Nm 8:18

Yuj cha, ax eb' levita tzin chaj sjelc eb' e b'ab'l 'unnal chi ticnec.

Mt 16:18

An tzwal 'ayach, ach ton Pedro ach. (A Pedro tzyal 'el'chi, q'ue'en.) A 'a yib'n̈ jun niwquil q'uen tic 'oj in b'o wiglesia. A jun wiglesia tic, toxn ma'oj lajwc yuj chamel.

Mt 19:13

Xlajw cha, 'ay jun tzo'n̈ eb' 'unn 'ix yij cot eb' 'anma 'a Jesús, sec tzyab't sc'ab' 'a sjolm eb', tzleslwi yuj eb'. Palta ax eb' scuywum xtenn 'och wan eb'.

Mt 19:15

'Ixta to b'i'an, xya'n 'at sc'ab' 'a sjolm eb'. Xlajw cha, x'atx 'a jun lugar cha.

Mt 6:5

A yic tzex leslwi, caw matz tac' tzex leslwi 'icha eb' chab'sat yaji. Yujto a eb' cha, ton̈j tznib'j eb' tzq'ue lin̈n leslwoc 'a yol jun tzo'n̈ scapiya, yet' 'a 'aj tzchaj sb'a caye, sec tzlaj yal eb' 'anma wach'l eb'. Wal yel tzwal 'ayex, a yic tzyaln eb' 'anma wach'l eb' cha, atn spac yic eb' chi wan laj schan 'a eb'.

Lc 13:13

Xlajw cha, 'ix stzayn 'och sc'ab' 'a 'ix. Yajn̈j wal cha, 'ix tojlb'i pax snan̈l 'ix, yuj cha, syamn 'och 'ix yaln wach' paxti 'a Dios.

Lc 4:40

Ax 'a yic yemc'ual, c'uxn x'ijx cot eb' ya'ay 'a 'aj 'ayc' Jesús. Chucchc yab'ilal tz'i'n junjn eb'. 'Ix stzayn 'och sc'ab' 'a junjn eb'. 'Ixta to b'i'an, xlaj b'ox can eb' yu'uj.

A Tas Sc'ulejnac Eb' Schecab' Jesús Hechos 13:3

Yuj cha, 'ix 'och eb' 'a c'ajb'c'ojlal, 'ix leslwi eb'. Xlajw cha, 'ix ya'n 'at eb' sc'ab' 'a sjolm Bernabé yet' Saulo, 'ix schecn 'at eb'.

A Tas Sc'ulejnac Eb' Schecab' Jesús Hechos 6:6

Xlajw si'x 'el eb', 'ix 'ijx 'at eb' 'a yojltac eb' schecb' Jesús. Ax eb' schecb' Jesús cha, 'ix leslwi eb'. 'Ix ya'n 'at eb' sc'ab' 'a sjolm eb'.

Dt 34:9

Ax Josué yunnal win Nun, 'ix schaj can sjelnal 'a Moisés, yujto ya'jnac can Moisés chi yopiso 'a 'a, ax eb' yit israelal, yiclum xyutj sb'a eb' 'a Josué, 'icha yutjnac Jehová yaln can 'a Moisés yic 'ayt 'ec' yet' eb' yit chon̈b' cha.

1 Ti 4:14

A yic ya'n 'at eb' anciano sc'ab' 'a a jolom, ata ya'jnac Dios opiso, sec tznachj 'el o'oj, tas tzotj a'n servil 'a 'a. A 'a'jnac nachjc 'el yuj eb', to 'ixta 'oj ach yutoc. Yuj cha, caw man̈ actc can jun opiso cha.

1 Ti 5:22

Man̈ a comn 'a'c 'och yopiso junc mach muc'uc, yic mantzac a b'eyc'ojlej. Toto tz'och smul, caw locn ach yet' 'a smul chi 'a sat Dios. Caw tzej 'el a b'a 'a junc tzann̈j maysch'olnil.