Gn 47:24 - Chuj San Sebastian Bible

²⁴ A tzyal jantc tzeyij 'a lu'um, tzeyac' 'ixm yomacn̈il 'a win rey, ax 'ixm schan̈ macn̈il, ata 'oj 'eltoc 'ixm 'in̈t 'oj eyawoc, a pax 'ixm 'oj e wa yet' eyunnal yet' smasnil mach 'ayc' eyet'oc, xchi 'a eb'.

Chuj San Mateo Bible

²⁴ Ato syala' jantac tzeyic' d'a luum, tzeyac'an chab' almul d'a junjun quintal d'a vin̈ rey, axo d'a ixim vajxaque' almul, ata' ol elta ixim in̈at ol eyavej, an̈ejtona' ata' ol elta ixim ol e va yed' eyuninal yed' masanil mach ayec' eyed'oc, xchi vin̈.

Gn 47:24 ပူးပေါင်းရင်းမြစ်များ

Gn 14:20

Alx cab' wach' paxti 'a Dios to Cojxn Niwn Yel'chi, a 'ix colwj et'oc, yuj cha, xa'n ganar eb' 'ajc'ojl yajch 'ayach, xchi 'a Abram cha. Xlajw cha, 'ix yi'n 'el Abram junjn 'a junjn lajn̈e 'a smasnil tastc 'ix 'at yi'cn 'ec' 'a eb' rey cha, 'ix ya'n 'a Melquisedec.

Gn 14:21

Ax win sreyl Sodoma cha, 'ix yaln win 'a Abram 'ixtic: —Cojn eb' 'anma tzac' meltzjoc 'ayin, ax smasnil tastac, tzcan 'ayach, xchi 'a Abram.

Gn 28:22

A 'aj 'ix in lin̈cn chan̈ jun q'uen q'uen tic, 'icha to yatut Dios tz'ajcni. A smasnil tas 'oj yac' 'ayin, 'oj wi'l junjn 'a junjn lajn̈e', ax wa'n 'a 'a, xchi.

Gn 41:34

Tza sayn pax jaywn̈oc ewin tz'och yajlil 'a junjn chon̈ab', tzmolb'tzan chan̈ eb' yic yomacn̈il sat 'awb'en tzyac' lum lum tic 'a junjn ab'il, masnto 'oj tz'acw uque ab'il yic tzya'n sobra sat 'awb'en.

Gn 47:23

Yajn̈ej xyaln José 'a eb' 'anma chi 'ixtic: —A ticnec yic ex xo win rey yet' e lu'um, yujto ex in mancn 'och yico'oc winac. Yaj eyin̈at yic tzeyawn lum lum cha.

Gn 47:25

Yuj cha, xta'w eb' 'anma chi 'ixtic: —Caw wal wach' a nab'en mamin, man̈ on̈ a cha chamoc. A ticnec tzon̈ 'ochcn schecb'oc win rey, xchi ewinac.

Salmos 112:5

A eb' 'anma wach' snab'en, yet' schamc'ojlal eb' tzya'n eb' junc tas majnil, ax smasnil tas tzb'o eb', wach'n̈j tz'aj 'el'chi.

Salmos 41:1

Wach' yic eb' tznan eb' meb'a', yujto a Jehová a 'oj colnc 'el eb' 'a yic stiempoal 'ay yailal.

Lv 27:30

A slajn̈c'ajil sat 'awb'en tzyac' lum lu'um, a jun tzo'n̈ cha, wicn̈ej yaj an Jehová in.

Lv 27:32

A yic sb'isx no cajb'en noc' 'a junjn ab'il, a junjn lajn̈wan̈ no', ata tz'ijx 'el junjn wic an Jehová in, atn no wacax, no calnelu yet' no chiwo, atn no chi tz'ajx diesmoal 'ayin.

Nm 18:21

A 'a eb' levita, ata tzwac' sdiesmoal sat 'awb'en tzyac' eb' eyit israelal 'ayn yuj smunljel, atn tzwac' stojloc eb' yic tzmunlj 'och eb' 'a in Mantiado cha.

Dt 14:22

'A junjn ab'il, yowlal tzeyij can 'el sdiesmoal sat smasnil eyawb'en tze molo.

Dt 26:12

A 'a junjn yoxxil ab'il, tzeya'n sdiesmoal smasnil eyawb'en 'a eb' yin̈tl Leví, 'a eb' chuc chon̈b'al 'ayc' 'a e cal, 'a eb' meb'a 'unn chamnc smam, yet' 'a eb' 'ix 'ix chamnc yichmil, sec wach' 'ay tas tzc'ux eb' 'a yol e chon̈ab',