Gn 47:15 - Chuj San Sebastian Bible

¹⁵ Xlajw stumn eb' 'aj Canaán, 'ixta pax eb' 'aj Egipto xlajw stumn eb', yuj cha x'at eb' yal sb'a 'a José, xyaln eb' 'ixtic: —A ticnec mamin, na'a tas tzon̈ otej, tox xlajw qui tumn on̈, 'ac' tas tzqui c'ux on̈, sec wach' matz on̈ cham yuj wejel, xchi ewinac.

Chuj San Mateo Bible

¹⁵ Axo yic ix lajviel q'uen tumin d'a Egipto yed' d'a Canaán chi', ix b'at yalan eb' vin̈ aj Egipto chi' d'a vin̈aj José icha tic: —A ticnaic mamin, na'a tas tzon̈ aji. Toxo ix lajvib'at q'uen co tumin, ac' tas sco va'a, yic vach' max on̈ chami, xchi eb' vin̈.

Gn 47:15 ပူးပေါင်းရင်းမြစ်များ

Gn 41:36

Ax smasnil 'ixm trigo 'oj molxoc can cha, a 'oj swa eb' 'anma', sec wach' may eb' 'oj cham yuj wejl 'a smasnil yol yic Egipto tic, yic 'oj jawc jun uque ab'il wejl cha, xchi José.

Gn 47:16

'Ix yaln José 'a ewin 'ixtic: —Toto man̈x 'a e tumin, 'ijec cot e cajb'en noc', tztac' wa'n e trigo sjelc e no', xchi winac.

Gn 47:24

A tzyal jantc tzeyij 'a lu'um, tzeyac' 'ixm yomacn̈il 'a win rey, ax 'ixm schan̈ macn̈il, ata 'oj 'eltoc 'ixm 'in̈t 'oj eyawoc, a pax 'ixm 'oj e wa yet' eyunnal yet' smasnil mach 'ayc' eyet'oc, xchi 'a eb'.

Salmos 37:3

Ca'c 'och Jehová yipc qui c'ojol. Qui b'oc tas wach', toto 'ixta', 'oj qui canc cajn 'a sat lum lum tic; 'oj 'ajxocn̈ej tas tzqui c'ux 'a junc'ojlal.

Is 33:16

A eb' cha, 'oj 'aj cajn eb' 'a junc chon̈b' q'uenn̈ej smuroal, ata 'oj scol sb'a eb', 'ayn̈j tas tzc'ux eb', 'ayn̈j pax tas tzyu'j eb'.

Mt 6:11

Tzac' tas tzqui c'ux 'a jun c'u tic on̈.

Jueces 8:5

Ax yic xc'och eb' 'a Sucot, 'ix yaln Gedeón chi 'ixtc 'a eb' 'aj lugar cha: —Comnoc wal tz'el 'a e c'ojl e siyn jac tas tzc'ux eb' ajun wet' tic, yujto caw tz'el yip eb' yuj c'unb'lal, to tzqui pech eb' sreyl eb' madianita on̈, atn win Zeba yet' win Zalmuna, xchi.

Jueces 8:8

Xlajw cha, 'ix 'atx eb' 'a junx chon̈b' tzcuch Peniel, 'ix sc'ann tas tzc'ux eb' ajun yet' cha, 'icha wal xyutj yaln 'a eb' 'aj Sucot, 'ixta 'ix yutj yaln pax 'a eb'. Ax eb' 'aj Peniel cha, 'icha xyutj eb' 'aj Sucot yalni, 'ixta pax xyutj eb' yaln 'a 'a.

A Ch'an̈ B'ab'el Libro Samuel 21:3

A ticnec, ¿'aym jac tas wach' tzqui c'ux 'ayach? 'Ac' o'e'oc in pan, mto 'ay junc xo tas 'ayc' 'ayach, 'ac' jac wico', xchi David cha.

A Ch'an̈ B'ab'el Libro Samuel 25:8

Tztac' tza c'anb'j jun tzo'n̈ tic 'a eb' a checb' cha, 'oj yal eb' 'ayach chajtlto yel. Sc'ul wal a nan a q'uin̈ on̈ jaw on̈, yuj cha, tztew David 'ayach, to tzon̈ 'a chaj 'a tzaljc'ojlal. Tza'n tastc 'ay 'a yol a c'ab' 'ayn̈ on̈, yet' 'a jun a wach'c'ojl cha, xe chi 'a 'a, xchi David.