Gn 47:11 - Chuj San Sebastian Bible

¹¹ Ax José a x'a'n lum lum chi 'a smam yet' 'a eb' yu'tac, lum caw wach' 'a yol yic Egipto cha, 'icha wal xyutj win rey yaln 'a 'a. A lum 'ay 'a sla'nil Ramesés, ata xcan cajn win Jacob yet' eb' yunnal.

Chuj San Mateo Bible

¹¹ Ichato chi', ix yac'an lum luum te vach' vin̈aj José d'a vin̈ smam yed' d'a eb' yuc'tac d'a yol yic Egipto chi', aton lum ay d'a slac'anil chon̈ab' Ramesés, icha ix yutej vin̈ rey chi' yalani.

Gn 47:11 ပူးပေါင်းရင်းမြစ်များ

Gn 46:34

tzeyalni, chajtlto 'ilm ex calnelu, 'ilm ex pax wacax. Cojn no calnelu tic tzqui caj 'icha eb' qui mam quichm on̈, xe chi 'a winac, sec wach' 'oj e can 'a lum Gosén tic, yujto a ewin 'aj Egipto tic, 'ay yowlal yuj eb', toto junn̈j tz'aj eb' yet' eb' cajm calnelu, xchi José cha.

Gn 47:27

Smasnil eb' yunnal win Israel, xcan eb' 'a Egipto cha, smacn eb' yico'oc lum Gosén, ata xniwtj sb'isl eb'.

Gn 47:6

a lum slum Egipto tic, 'ayc' lum 'a yol a c'ab'. Tztac' a'n lum Gosén 'a a mam yet' 'a ewin o'tac tic. A wal lum lum caw wach' 'a yol yic Egipto tic, a cab' lum 'aj tzcan cajn ewinac. Toto 'ay eb' o'tac caw jeln 'a 'ilj noc' jun, tztac' a'n 'och ewin yilmalc no in cajb'en noc', xchi win rey cha.

Ex 1:11

Yuj cha, 'ix 'ajx 'och yilmal eb', x'ajx 'och eb' 'a munljel caw ya. 'Ix 'ajx sb'o eb' chab' niwc chon̈ab', atn Pitón yet' Ramesés. A 'a chab' chon̈b' cha, ata tzyac' win rey molxoc 'ixm trigo.

Ex 12:37

'Ix 'el eb' israel 'a Ramesés, 'ix jaw eb' 'a Sucot. 'Aym waque'oc ciente mil eb' winc smoj yoch soldadoil, matz 'och eb' 'ix yet' eb' 'unn sb'isloc.

Is 22:24

A smasnil eb' yican smam yet' eb' yin̈til, eb' 'unnab'il yet' eb' 'ichicnab'il, a tz'ochcn 'ajcuentail 'a eb' cha, caw 'al 'oj 'ajcn 'och eb' 'a 'a. Lajn 'icha yal-l tz'ajch locn nan̈loc xalu mto nan̈loc chen 'a junc ch'oc, 'ixta 'oj 'ajch eb' 'a 'a.

Nm 33:3

A 'a olajn̈e yoch b'ab'l 'uj yic jun ab'il cha, 'ix 'elt eb' israel 'a Ramesés 'a yewial xo yec' q'uin̈ yic yel eb' 'a libre. 'Ix 'elt eb' yet' sjelnal 'a sat eb' 'aj Egipto cha,

Jn 10:10

'Ay eb' 'icha junc 'elc'm tzjawi, tzyelc'n eb' smil junc calnelu. Aln tic, tzin jaw wul wac' sq'uinl eb' 'anma 'a jun 'ejmn̈ej, sec wach' caw niwn swach'c'ojlal Dios 'oj scha eb'.

Jn 10:28

An tzwac' sq'uinl eb' 'a jun 'ejmn̈ej. Yuj cha, man̈x b'a'n̈ 'oj satl eb'. May junc mach 'oj stac' yi'n 'ec' eb' 'a yol in c'ab'.

Jn 14:2

A 'a yatut in Mam, til wal lugar 'aj wach' tzon̈ 'ajc cajan. Q'uinloc may tas, tox am 'ix wal 'ayex. A ticnec, to 'oj 'at in b'o eyet'l 'aj 'oj e c'ochi.

Jn 14:23

Yuj cha, 'ix yaln pax 'a 'ixtic: —A eb' 'ay schamc'ojlal 'ayin, tzyiclni eb' tas tzwala. Yuj cha, ax in Mam, tzchamc'ojlan pax eb', ax woch cajn yet' in Mam chi 'a eb'.

Jn 17:2

Yujto ach a'jnac wopiso 'a yib'n̈ smasnil 'anma', sec wach' jantcn̈ej eb' tzac' 'ayin, tztac' wa'n sq'uinl eb' 'a jun 'ejmn̈ej.

Jn 17:24

Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.