Gn 46:5 - Chuj San Sebastian Bible

⁵ Xlajw cha, xya'n q'ue ewin yunnal Israel chi smam 'a yojl te caruaje xya' cot win rey cha. 'Ix q'ue pax eb' 'unin yet' eb' 'ix yistzil ewin chi 'a yojl te'. Xlajw cha, x'elx ewin 'a Beerseba.

Chuj San Mateo Bible

⁵ Ix lajvi chi', ix ac'jiq'ue vin̈ yuj eb' vin̈ yuninal d'a yol carreta ix yac'cot vin̈ sreyal Egipto chi'. Ix yac'anpaxq'ue eb' unin yed' eb' ix yetb'eyum eb' vin̈. Ichato chi' ix el eb' vin̈ d'a Beerseba chi'.

Gn 46:5 ပူးပေါင်းရင်းမြစ်များ

Gn 21:14

A yic caw sq'uin̈b'il to 'a yic junx c'u, 'ix yac' win Abraham pan yet' jun tz'um b'ut'n yet' a 'a 'ix Agar. Xya'n scuch 'ix, xya'n pax 'och win 'unn chi 'a yol sc'ab' 'ix. 'Ix 'at 'ix, palta man̈ checloc 'aj tzc'ochi, a 'a cusltac lum 'a yol yic Beerseba, ata 'ix satcn 'at 'ix yet' win 'unn cha.

Gn 45:19

Al 'a ewinac to tzyij ewin scaruaje 'a tic, sec tztac' yi'n cot ewin yistzil, yunnal yet' pax a mam cha.

Gn 45:21

'Ixta wal xyutj sb'a ewin yunnal win Israel cha, ax José, a x'a'n jun tzo'n̈ caruaje 'a ewinac, 'icha xyutj win rey yalni, xya'n pax win tas tzc'ux eb' 'a yol b'e.

Gn 45:27

At yic xyaln ewin smasnil tas xyal win José cha, yet' yic xyiln 'och win Jacob jun tzo'n̈ caruaje xjaw yuj ewinac, 'a 'aj tzyac' José 'ijxoc 'at smam cha, 'ixta x'aj stzalj pax chan̈ winac.

Ex 10:24

Yuj cha, 'ix ya'n win rey chi 'awtxoc cot Moisés, 'ix yaln win 'ixtc 'a eb': —Tztac' tzex 'at eyac' 'emmquilal 'a Jehová, 'ijec 'at eyistzil yet' eyunnal; cojn b'i'an, tzeyactj can e calnelu, e wacax yet' e chiwo, xchi.

Ex 10:26

Yuj cha, a smasnil no qui cajb'en noc' chi 'on̈, 'oj quic' no smasnil quet' on̈. Man̈x 'a junc no 'oj stac' scani, yujto a 'a scal no 'oj qui sic' 'elt no 'oj ca' qui xajmb'alc 'a Jehová qui Diosal on̈. Yic mantzac on̈ c'och 'a jun lugar cha, mantzac nachj 'el cu'uj, 'aj 'ay no 'oj cac' qui xajmb'alc 'a Jehová qui Diosal chi 'on̈, xchi.

A Tas Sc'ulejnac Eb' Schecab' Jesús Hechos 7:15

'Ixta 'ajnc Jacob chi sc'och 'a Egipto cha. Ata chamnac. Junjnal chamnc pax eb' qui mam quichmec ta'.

A Ch'an̈ B'ab'el Libro Samuel 12:8

A yic xc'och Jacob yet' eb' yunnal 'a Egipto, caw x'ixtx eb' yuj eb' 'aj lugar cha, yuj cha, xyaln sb'a eb' 'a Jehová. Ax Jehová schecn 'at Moisés yet' Aarón, ax eb' x'i'n 'elt eb' qui mam quichmec chi 'a Egipto, ax 'a tic xjaw cajn eb' yu'uj.