Gn 46:4 - Chuj San Sebastian Bible

⁴ 'Oj in 'at et' 'a Egipto cha, 'oj woch yet' eb' en̈til yic 'oj meltzjoc pax cot eb' a slugar tic jun 'ejm xo. Ax yic 'oj a chami, a wal onnal José a 'oj 'ilnc a chami, xchi Dios 'a win Jacob cha.

Chuj San Mateo Bible

⁴ Ol in b'atn̈ej ed'oc d'a Egipto chi', axo yic ol c'och stiempoal, ol in ochn̈ej yed' eb' in̈tilal ayic ol meltzajxicot eb' d'a jun lugar tic. Axo yic ol ach chamoc, a vin̈ uninal aj José chi', ayec' vin̈ d'a a tz'ey, xchi Dios d'a vin̈.

Gn 46:4 ပူးပေါင်းရင်းမြစ်များ

Gn 28:15

'Aynn̈ej 'och et'oc, ax ach in tan̈wni pax 'a 'ajtil 'oj eq'ui, ax ach wi'n meltzjoc 'a lum lum tic jun 'ejm xo. May wal b'a'n̈ 'oj ach wactcani. 'Oj in yicl 'icha xwutj wa'n in ti 'ayach, xchi Dios 'a swaych Jacob cha.

Gn 48:21

Xlajw cha, xyaln pax 'a José 'ixtic: —Ach wunnal, an tic jab'xoj wal 'oj in chami; palta a Dios 'aychn̈ej cab' eyet'oc, a 'oj eyi'n meltzjoc pax 'a slum eb' qui mam quichmec.

Gn 50:1

Ax José 'ix 'och la'n̈joc 'a smam, caw x'oq'ui stz'ub'n can 'elt sti smam cha.

Gn 50:13

'Ix yij 'at ewin sniwnal win 'a yol yic Canaán, smucn ewin 'a yol q'uen oln q'uen 'a Macpela, atn q'uen manb'il can yuj Abraham 'a win Efrón hitita; a jun cha, x'och scampusanoc ewinac. A jun lum 'aj 'ay q'uen oln q'uen cha, ata 'ay 'a stojlal 'aj tzq'uel c'u 'a lum Mamre.

Gn 50:5

yujto a yic wan scham win in mam, 'ix yal 'ayin, to tzwac' in ti', chajtlto ata tzin muc in mam 'a jun yet'l eb' chamnc 'anma b'ob'il can yu'uj. A jun cha, ata 'ay 'a yol yic lum Canaán, yuj cha, tzin tew 'ayex, to tz'at in mucn in mam cha. Cojn tzlajw in mucn cani, tzin paxta, xchi win José.

Ex 3:17

'Ix wala to 'oj ex in col-l 'a yaln̈ jun eyailal tic, ax ex wi'n 'at 'a jun lum lum caw wal wach', caw 'ay syaxil sat, atn 'a 'aj cajn 'ec' eb' cananeo, eb' hitita, eb' amorreo, eb' ferezeo, eb' heveo yet' eb' jebuseo, xchi Dios, xa chi 'a eb'.

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.