Gn 46:3 - Chuj San Sebastian Bible

³ Xyaln Dios 'a 'ixtic: —An ton tic a Diosal in, sDiosal in pax a mam, man̈ ach xiw a 'at 'a Egipto, yujto ata 'oj wa'ch eb' en̈tl niwc chon̈b'al.

Chuj San Mateo Bible

³ Ix yalan Dios d'a vin̈ icha tic: —A in ton a Diosal in yed' vin̈ a mam, man̈ ach xiv a b'at d'a Egipto chi'. Yacb'an ayex ec' ta' ol in b'o jun nivan chon̈ab' d'a in̈tilal.

Gn 46:3 ပူးပေါင်းရင်းမြစ်များ

Gn 12:2

A en̈til, a 'oj 'och niwc chon̈b'al wu'uj. 'Oj in ch'ox in wach'c'ojlal 'ayach. Yel xo wal 'oj a b'inaxi, o'oj ax schan eb' 'anma yaxilal.

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

Gn 15:13

Xlajw cha, xyaln Jehová 'a 'ixtic: —Yowlal tzojquej 'eli to a eb' en̈til, chuc chon̈b'al 'aj 'oj c'och cajn eb', mosoal 'oj 'ajch eb', man̈ yico'oc sb'a eb'. Chan̈e ciente ab'il 'oj 'ixtxoc eb' si'mb'il.

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Gn 18:18

yujto a 'oj 'och smamc jun niwquil chon̈b' to caw 'ay yip. Tox 'ix wac' in ti 'a 'a; to yu'uj ax schan smasnil chon̈b' 'a yolyib'n̈q'uinl tic in yaxilal.

Gn 22:17

to tzwalcn 'el in wach' paxti 'a eb'an̈. 'Oj wic' wal chan̈ sb'isl en̈til. 'Icha wal sb'isl c'anal 'a satcha'an̈, 'icha pax yarenail sti a mar, 'ixta 'oj 'aj eb'. Ax ya'n pax ganar eb' 'a eb' 'ajc'ojl yajch 'a 'a.

Gn 35:11

xyaln 'a 'ixtic: An ton Dios in, tztac' wuj smasnil, til wal 'oj 'ajl onnal, til wal pax 'oj 'aj en̈til. A 'aych 'oj pitzwc 'elt jun niwquil nacion̈, axta 'oj 'elx jun tzo'n̈ xo nacion̈, a 'a scal en̈tl cha, ata 'oj 'eltoc eb' rey.

Gn 47:27

Smasnil eb' yunnal win Israel, xcan eb' 'a Egipto cha, smacn eb' yico'oc lum Gosén, ata xniwtj sb'isl eb'.

Gn 48:16

A jun ángel in coln 'a tas 'ay smay, yal cab' wach' paxti 'a yib'n̈ ewin quelm 'unn tic. To yujn̈ej ewinac, ax sb'inax cot in b'i b'aq'uin̈, yet' sb'i in mam 'ichm Abraham, yet' pax sb'i in mam Isaac. Niwn cab' 'oj 'aj sb'isl yunnal eb'. 'Oj yac' eb' niwtjoc 'anma 'a sat lum lu'um, xchi winac.

Gn 48:19

Palta ma'ix yal sc'ojl smam cha, xlajw cha, xyaln 'ixtic: —Wojc xo ach wunnal, a ni tic niwn nacion̈ 'oj 'el 'a eb' yin̈tl ni b'aq'uin̈, palta ax ni tza'n tic, yel xo wal caw niwquil 'oj 'aj 'el'ch ni b'aq'uin̈. A eb' yin̈tl na, til wal nacion̈ 'oj 'aj 'el'ch eb', xchi winac.

Ex 1:12

Caw wal tz'ixtx eb' israel chi yuj ewin 'aj Egipto cha, palta yel xo wal xq'uib' pax sb'isl eb'. Yuj cha, caw tzxiw pax eb' 'aj Egipto chi 'a eb'.

Ex 14:13

'Ix ta'w Moisés 'ixtc 'a eb' 'anma cha: —Man̈ ex xiwoc, te'wtzejc e b'a, 'oj eyila' tas 'oj yutc colwjoc sb'a Jehová quet'ec, yujto man̈x 'a xon b'a'n̈ 'oj eyilch jun tzo'n̈ 'aj Egipto tic, cojxn̈ej ticnec tzeyilcn 'och eb'.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Jeremías 40:9

'Ix ya'n can Gedalías chi sti 'a eb' 'ixtic: Man̈ ex xiw eya'n 'och e b'a 'a yol sc'ab' eb' 'aj Babilonia. Cann̈ec cajn 'a tic, 'a'c 'och e b'a 'a yol sc'ab' win sreyl Babilonia cha, sec wach' 'oj eyel'chi.

A Tas Sc'ulejnac Eb' Schecab' Jesús Hechos 27:24

'Ix yaln jun ángel chi 'ayn 'ixtic: Pablo, man̈ ach xiwoc, yujto yowlal 'oj a c'och 'a yojltac win yajl 'a Roma. Ojn̈ej, ax scoln 'el Dios eb' 'ayc' et' 'a yol te barco tic smasnil, xchi jun ángel chi 'ayin.

A Tas Sc'ulejnac Eb' Schecab' Jesús Hechos 7:17

Ax yic wan sjaw stiempoal tz'el'ch tas yaljnac can Dios 'a Abraham cha, yic ya'n can sti 'a 'a, 'ix q'uib' chan̈ sb'isl eb' yin̈tl 'a Egipto cha. Caw niwn x'aj sb'isl eb' ta'.

Dt 1:10

Yujto til wal cunnal tzyac' Jehová qui Diosalec, ax ticnec, caw tzniwtj jun qui chon̈b'ec tic cujec, til wal tz'aj qui b'islec 'icha c'anal 'ay 'a satcha'an̈.

Dt 10:22

A yic xc'ochcn eb' qui mam quichmec 'a Egipto, cojn 70 sb'isl eb', palta ax ticnec, xniwtj qui b'islec yuj Jehová qui Diosalec. Lajn xo wal qui b'islec 'icha c'anal 'ay 'a satcha'an̈, xchi Moisés.

Dt 26:5

Tzlajw cha, tzeyaln jun tzo'n̈ xo paxti tic 'ixtc 'a sat Jehová qui Diosalec: A eb' qui mam quichmec, arameo eb', jaywn̈ej wal sb'ey eb'; ton̈j 'e'lb'a yec' eb', 'ijn xcham eb' yuj wejel; yuj cha, x'atcn eb' 'a Egipto yet' jaywn̈ yunnal, ata xcan cajn eb' ta'. Axta 'ix 'och eb' niwquil chon̈b'al, caw jeln x'aj eb', caw niwn pax x'aj sb'isl eb'.