Gn 46:2 - Chuj San Sebastian Bible

² A 'a yic jun 'ac'wl cha, waychil xpaxtin Dios yet'oc, xyaln 'ixtic: Jacob, xchi. Xta'w win 'a 'a: —Waj 'a tic Mamin, xchi.

Chuj San Mateo Bible

² A d'a jun ac'val chi', ix lolon Dios d'a vin̈ d'a svayich, ix avtaj vin̈ yuuj: —Jacob, xchi. Ix tac'vi vin̈: —Oy, ina vajec' tic Mamin, xchi vin̈.

Gn 46:2 ပူးပေါင်းရင်းမြစ်များ

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

Gn 15:13

Xlajw cha, xyaln Jehová 'a 'ixtic: —Yowlal tzojquej 'eli to a eb' en̈til, chuc chon̈b'al 'aj 'oj c'och cajn eb', mosoal 'oj 'ajch eb', man̈ yico'oc sb'a eb'. Chan̈e ciente ab'il 'oj 'ixtxoc eb' si'mb'il.

Gn 20:3

Ax 'a jun 'ac'wal, 'ix waychni Abimelec, to a Dios 'ix aln 'a 'ixtic: 'Oj a chami, yujto a 'ix 'ix x'at ac' cotoc yic tz'och 'ix estzilc alni, 'ay yichmil 'ix, xchi 'a winac.

Gn 22:1

'Ix 'ec' jun tiempoal, 'ix 'ajx prowal win Abraham yuj Dios, toto caw yel tzya'ch win sc'ojl 'a 'a, x'awtx cot win yuj Dios, 'ix ta'w win 'a 'ixtic: —Waj 'a tic Mamin, xchi.

Gn 22:11

Ax jun yángel Jehová, a 'ix 'awj 'emt 'a satcha'an̈, 'ix yaln 'ixtic: —Abraham, Abraham, xchi. —¿Tas tzal Mamin? xchi win 'a 'a.

Gn 31:11

Ax 'a jun in waych cha, in yawtj jun yángel Dios, in ta'w 'a 'a: Waj 'a tic, xin chi 'a 'a.

2 Cr 26:5

Xyal sb'a 'a Dios, a yic pitznto win Zacarías, atn win xcuyn 'a yic Dios, caw niwn yel'ch Dios 'a sat. Ya' sb'a tzyac' servil Jehová, 'ix 'ijx q'ue'ch yu'uj.

Job 4:13

A 'a 'ac'wal, 'a yic yorail tzcot swayn̈ eb' 'anma', ata x'och jun in waych tu yilxi.

Dn 2:19

Ax 'a yic jun 'ac'wl cha, 'ix ya'n Dios swaychoc Daniel jun paxti to caw c'ultac yaj cha. Yuj cha 'ix yaln win swach' paxti 'a Dios 'aj satcha'an̈.

Zacarías 1:8

'Ay jun 'ac'wal, 'ix ch'oxx wil jun tic 'a 'icha waychil: 'Ix wil jun 'icha winc 'ay q'ue 'a yib'n̈ jun chac chej. Lin̈n 'och wan no 'a jun pan̈n 'a scal jun tzo'n̈ te tzcuch arrayán. Ax 'a spatquil jun cha, 'ay nan̈l xo no chej 'ayq'ui, 'ay eb' 'ay q'ue 'a yib'n̈ e no'. Chucchc yilx e no', 'ay no chac, 'ay no sacpunac, 'ay pax no sac.

Nm 12:6

'ix yaln 'a eb' 'ixtic: 'Ab'c tas 'oj wal 'ayex: A yic tzwa'n cot junc in checb' 'a e cal, an tzin ch'ox in b'a 'a 'a, tzin paxtin pax 'a 'icha waychil 'a 'a.

Nm 24:4

Tzwab' tas tzyal Dios, 'icha waychil tzwutj wiln Dios tztac' yuj smasnil. Man̈xtzac in na tas tzin 'aji, palta wach' wiln yet' in sat.

A Tas Sc'ulejnac Eb' Schecab' Jesús Hechos 10:13

Xlajw yeml jun cha, 'ix yab'n Pedro yoch jun paxti', xyaln 'ixtic: —Pedro, q'uen̈ wa'an. Ma'cham jun tzo'n̈ noc' tic, tza chini, xchi.

A Tas Sc'ulejnac Eb' Schecab' Jesús Hechos 10:3

Ax 'a jun 'el, 'a yic am a las tres, 'icha to waychil x'aj yilni. 'Ay jun yángel Dios 'ix 'och 'a yol jun cuarto 'aj 'ayc' winac. 'Ix yaln jun ángel chi 'a win 'ixtic: —Cornelio, xchi.

A Tas Sc'ulejnac Eb' Schecab' Jesús Hechos 16:9

Ax 'a jun 'ac'wal, 'icha waychil x'aj yiln Pablo jun winc 'aj Macedonia, lin̈n 'ec' win xyila. 'Ix tew 'och win 'ixtc 'a 'a: Cotn̈ quet' 'a Macedonia tic on̈, colwjan̈ 'ayn̈ on̈, xchi win 'a 'a.

A Tas Sc'ulejnac Eb' Schecab' Jesús Hechos 9:10

Ax 'a Damasco cha, 'ay jun creyente Ananías sb'i. Ax Cajlil, 'icha waychil xyutj yaln 'a 'ixtic: —Ananías, xchi. —Waj 'a tic Mamin, xchi.

A Tas Sc'ulejnac Eb' Schecab' Jesús Hechos 9:4

Yuj cha, 'ix telw win 'a sat lu'um. 'Ix yab'n win yoch jun paxti'. 'Ix yaln 'ixtc 'a winac: —Saulo, Saulo, ¿tas yuj tzin a pech b'eyc'oc? xchi 'a winac.

Jueces 7:2

'Ix yaln Jehová 'ixtc 'a Gedeón: Yel xo wal niwn eb' 'anma tic ajun et'oc yuj cha, matz tac' wa'n eb' madianita 'a yol e c'ab'. Q'uinloc tzwac' eb', ax am tz'aji, tzcob' eyalnoc to yuj e jelnal tzeya'n ganar e coln e b'a e ch'ocoj.

Jueces 7:9

A 'a jun 'ac'wl cha, 'ix yaln Jehová 'ixtc 'a Gedeón: Lem, 'ixc muc'uc, 'at 'a'c owl yet' eb' madianita cha, yujto an tzwac' eb' 'a yol e c'ab'.

A Ch'an̈ B'ab'el Libro Samuel 3:10

Ax Jehová 'ix c'ochx 'a Samuel, 'ix 'och wan ta', 'ix yaln 'icha 'ix yutj yaln 'a yic b'ab'el: ¡Samuel! ¡Samuel! xchi. —Paxtinan̈ Mamin, tic tzin maclj an a checb' in tic, al tas tzal 'ayin, xchi Samuel cha.

A Ch'an̈ B'ab'el Libro Samuel 3:4

'ix 'awtx Samuel yuj Jehová 'ixtic: —¡Samuel! xchi. —¡Waj 'a tic! xchi winac.