Gn 45:20 - Chuj San Sebastian Bible

²⁰ Man̈ 'och eb' 'a 'ilc'ojlal yuj tas 'aj 'ayc' ticnec, yujto a tas caw wach' 'ay 'a Egipto tic, a 'oj wac' 'a eb', xchi win rey 'a José cha.

Chuj San Mateo Bible

²⁰ Mocab' yac' pensar eb' vin̈ yuj tastac ay ticnaic, yujto a tas vach' ay d'a Egipto tic, a' ol vac' d'a eb' vin̈, xchi vin̈ rey chi'.

Gn 45:20 ပူးပေါင်းရင်းမြစ်များ

Gn 20:15

'Ix yaln Abimelec 'ixtic: —'Ilto, yaj lum in lum tic, libre yaj lum wu'uj, yic tza si'lni 'aj 'ay lum 'aj tza nib'j tzach can cajan, xchi win rey 'a Abraham cha.

Gn 45:18

Tzyi'n cot ewin a mam cha, yet' smasnil yunnal. A wal lum lum caw wal wach' 'a Egipto tic, a lum 'oj wac' 'a winac, a wal 'aj wach' tz'aj 'awb'en, ata wach' 'oj wa eb' yet' yunnal.

Gn 45:19

Al 'a ewinac to tzyij ewin scaruaje 'a tic, sec tztac' yi'n cot ewin yistzil, yunnal yet' pax a mam cha.

Gn 45:21

'Ixta wal xyutj sb'a ewin yunnal win Israel cha, ax José, a x'a'n jun tzo'n̈ caruaje 'a ewinac, 'icha xyutj win rey yalni, xya'n pax win tas tzc'ux eb' 'a yol b'e.

Gn 47:6

a lum slum Egipto tic, 'ayc' lum 'a yol a c'ab'. Tztac' a'n lum Gosén 'a a mam yet' 'a ewin o'tac tic. A wal lum lum caw wach' 'a yol yic Egipto tic, a cab' lum 'aj tzcan cajn ewinac. Toto 'ay eb' o'tac caw jeln 'a 'ilj noc' jun, tztac' a'n 'och ewin yilmalc no in cajb'en noc', xchi win rey cha.

Esdras 9:12

An̈jtona 'ix aln paxi, to a eb' quisl on̈, to matz tac' ca'n yi' sb'a eb' yet' eb' chuc chon̈b'al cha, an̈jtona eb' cunnal on̈ yet' yisl eb', matz tac' yi'n sb'a eb'. May xon b'a'n̈ tztac' qui colwj 'a eb' on̈ sec wach' tz'el'ch eb'. Toto tzqui yiclj jun tic on̈, caw wach' 'oj quel'ch on̈, ax qui c'uxn smasnil tas wach' tz'el 'a sat lum lum tic, ax cactn can lum yico'oc eb' quin̈tl on̈.

Ex 22:7

Q'uinloc 'ay mach tzyac' molxoc stumn yuj junc xo mach, palta ax tz'aji tz'el'x 'elt q'uen 'a yol yatut jun moljnac cha. Toto tz'ilchj jun 'elc'm cha, yowlal cha'ejm tzyutj sjeln jun tumn cha.

Is 1:19

Toto tze chaj eyab'i', 'oj e c'ux wal tas wach' tz'el-l 'a sat lum lum tic;

Is 13:18

'Oj julxoc cham eb' quelmtac 'unn yet' sjul-lab' eb' cha. May sniwnc'ojlal eb' 'a yib'n̈ eb' tz'ulc 'unn tzat 'alji, matz 'o'ch xon pax sc'ojl eb' 'a eb' cotc 'unin.

Ez 20:17

'Ix wac' niwnc'ojlal eb' yuj jun tzo'n̈ cha, ma'ix in satl eb' smasnil 'a lum cusltac lu'um.

Ez 7:4

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli to an Jehová in tic to cojn in ton Dios in.

Ez 7:9

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli, to an Jehová in, an tzwa'ch eyailal.

Ez 9:5

Xlajw cha, xyaln pax 'ixtc 'a jun tzo'n̈ xo ewin cha: 'Ochn̈ec tza'n yuj win tic. Tzex 'at 'a yol chon̈b' tic, tze miln can eb' 'ichmtac winac, eb' quelmtac, eb' 'ix cob'stac, eb' 'ix 'ix yet' eb' 'unin. Man̈ 'o'ch e c'ojl 'a eb'. Palta ax eb' 'aych yechl wu'uj, man̈ e mil cham eb' cha. Tze chaj 'el yich e miln eb' 'ay 'a in cajnub' tic, xchi. 'Ix 'el yich smilx eb' 'ichmtac winc chi 'a sti 'elt yatut Dios.

Mt 24:17

A eb' 'ay q'ue 'a span̈nil yib'n̈ yatut, yic tz'em paxt eb', man̈x cab' 'och eb' yic' 'elt junc tas 'a yol yatut cha, yic tz'at eb' 'eloc.

Lc 17:31

A 'a jun c'u cha, a mach 'ay q'ue 'a span̈nil yib'n̈ yatut, wach'xam 'ay tas 'aycn 'a yol n̈a cha, man̈x cab' 'och yic' 'el ta. Yet' eb' 'ayb't munljel, man̈x cab' jawc eb' 'a yatut.

Dt 19:13

Man̈ 'o'ch e c'ojl 'a 'a, sec wach' 'ixta tz'aj yochwan chaml 'a yol e chon̈ab'. Toto 'ixta', caw wach' 'oj eyel'chi.

Dt 19:21

Man̈ 'o'ch e c'ojl 'a junc mach tzb'on jun tzo'n̈ tic: a mach tzc'ann cham junc mach, yowlal cham pax jun xo, toto tzpoj yol sat, mto tz'el ye, mto tz'el sc'ab', mto tz'el yoc jun cha, 'icha wal tz'aj jun cha, 'ixta tz'aj jun tz'och smul cha.

Dt 7:16

Yuj cha, a smasnil chon̈b' 'oj yac' Jehová qui Diosal 'a yol e c'ab', yowlal tze satl eb' smasnil. Man̈ 'o'ch e c'ojl 'a eb', man̈ eyac' 'ejm e b'a 'a sdiosal eb', toto ma'ay, 'icha ch'an̈ yal 'oj 'ajch 'ayex.

Josué 7:11

A eb' et chon̈b' tic to 'ix 'och smul eb', yujto ma'ix syiclj eb' tas xwala. 'Ix yel'j cot eb' tas 'ix wal to tzsatli, 'ix sc'ultac 'ij cot eb', sc'ub'n 'el eb' 'a yet'l 'aj molb'il tas yu'uj.

A Ch'an̈ B'ab'el Libro Samuel 10:22

Yuj cha, 'ix sc'anb'n eb' jun 'ejm xo 'a Jehová, toto mantzac c'och Saúl chi 'aj 'ayc' eb' cha. Palta 'ix yaln Jehová chajtlto 'ayx 'ec' win ta', cojnto 'ix sc'ub'j 'el sb'a 'a scal jun tzo'n̈ maleta.

A Ch'an̈ B'ab'el Libro Samuel 25:13

Yuj cha, 'ix yaln David 'ixtc 'a eb' winc ajun yet'oc: 'Ijc eyespada e masnil, xchi. Yuj cha, xya'n 'och ewin yespada 'a snan̈l smasnil, 'ix ya'n 'och pax David yico'. Chan̈e ciente eb' x'och tza'n yu'uj. Ax chab' ciente eb' xcancn stan̈wc syamc'ab' eb'.

A Ch'an̈ B'ab'el Libro Samuel 30:24

¿Tom 'ay mach 'oj chanc yab' jun e nab'en cha? 'Icha quic an̈ on̈ xit'c 'a owal, 'ixta pax yic eb' 'ix can stan̈wc qui yamc'ab', lajnn̈ej 'oj qui'c qui masnil, xchi.