Gn 45:1 - Chuj San Sebastian Bible

¹ Ma'ix techj yuj José, yic matz 'oc' chan̈ 'a sat smasnil ewin tzmunlj 'a yol yatut cha, yuj cha, caw 'ip x'awj cha'an̈, xyaln 'ixtic: 'Eln̈ec e masnil 'a tic, xchi. Man̈x 'a junc ewin munljum chi 'ayc' yet' José yic xyaln 'a eb' yu'tac cha, to yu'tac sb'a yet' eb'.

Chuj San Mateo Bible

¹ Majxo techaj yuj vin̈aj José chi', ijanxo tz'oc'q'ue vin̈ d'a yichan̈ masanil eb' vin̈ smunlajvum, yuj chi' te chaan̈ ix yal vin̈: Elan̈ec d'a tic, xchi vin̈. Yuj chi' man̈xo junoc eb' vin̈ munlajvum chi' ix can ta, ix yalan vin̈ d'a eb' vin̈ yuc'tac chi' to yuc'tac sb'a vin̈ yed' eb' vin̈.

Gn 45:1 ပူးပေါင်းရင်းမြစ်များ

Gn 42:24

'Ix yi'n 'el sb'a José 'a stz'ey ewinac, syamn 'och yoq'ui. Xmeltzj pax coti, 'ix paxtin jun 'ejm xo. Xlajw cha, xyi'n 'el Simeón 'a scal eb', sat wal eb' xjalx can winac.

Gn 44:34

¿Tasto wal 'oj 'at wutc wiln in mam, toto man̈ocjun ni wet'oc? Caw matz yal in c'ojl tzwa'ch in mam 'a cusc'ojlal, xchi Judá.

A Ch'an̈ Schab'l Libro Samuel 1:20

Man̈ eyal yab' eb' 'ay 'a chon̈b' Gat, man̈ eyal-l jun 'ab'x chi 'a yoltc scayeal chon̈b' Ascalón, sec wach' ma'oj tzaljoc chan̈ eb' 'ix filistea, sec wach' ma'oj b'atjoc chan̈ eb' 'ix chuc chon̈b'al chi yuj tzaljc'ojlal.

A Ch'an̈ Schab'l Libro Samuel 13:9

'Ix sb'on 'ix tas tzc'ux win 'a yol xalten, xlajw cha, 'ix 'at ya'nc 'ix sc'ux winac. Palta ma'ix yal sc'ojl win xwa'i, yuj cha, xyalni to tz'elt smasnil eb' 'anma 'ayc' yet' 'a yol n̈a cha.

Is 42:14

A Jehová a tzaln 'ixtic: Caw najtl sictac in 'aji, may tas tzwala, in 'och wa'an; palta ax ticnec, 'oj 'el waw 'icha junc 'ix 'ix wan yalj yune', caw tzc'acwi, toxn̈ej tzsi'si'ni.

Jeremías 20:9

Toto tzwala, man̈x 'oj in b'inoc sb'i Dios, man̈x 'oj wal-l spaxti pax jun 'ejmoc xo, toto xin chi, ax am tz'aji, 'icha xo c'ac' 'ixta tz'aj a paxti 'ayin. Caw tz'a in b'acl yuj tzwab'i. Tzin nib'j tzin 'och wan waln 'el a paxti cha, palta matz tac' wu'uj.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

Mt 18:15

Q'uinloc 'ay junc eyit creyenteal tz'och smul 'ayex, tzex 'at e ch'ocoj, tz'at eyal 'a 'a, chajtlto x'och smul 'ayex. Toto tzchaj yab' 'ayex, tox 'ix eyac' ganar e montn jun eyit 'anmal chi tzyal cha.

A Tas Sc'ulejnac Eb' Schecab' Jesús Hechos 10:41

Palta ma'ix sch'ox sb'a 'a smasnil 'anma'. Cojxn 'ayn̈ on̈, ata sch'ox sb'a, yujto yictax pecti', sic'b'iln̈ xon 'el yuj stestigooc on̈. On̈ wa pax yet' on̈, yic tox 'ix pitzw pax 'a scal eb' chamnac.

A Tas Sc'ulejnac Eb' Schecab' Jesús Hechos 7:13

Ax yic schecx pax 'at eb' 'a scha'ejmal, yaln José chi 'a eb', chajtlto yu'tac sb'a yet' eb'. 'Ixta 'ajnc yojcan 'el win faraón, mach eb' yit chon̈b' José cha.

1 Co 13:5

Toto yel 'ay qui chamc'ojlalec, may 'aj tzca'c sq'uixwloc junc xo mach. Tzqui nib'ej, man̈oc on̈n̈ej 'ay caln quico'. Man̈ 'utznoc tzcutjec qui c'ojol. May 'aj tzqui na'ec, tas tzcutjec ca'n qui pac 'a junc mach.