Gn 44:20 - Chuj San Sebastian Bible

²⁰ Yuj cha, xcaln 'ayach to 'ayt 'ec' qui mam on̈, cojn b'i'an to caw 'ichm winc xo; 'ayt pax junx win cu'tac on̈, slajb' 'unn winac, caw 'ichm winc xo win qui mam chi 'on̈, yic x'alj junx win cu'tac chi 'on̈. Al junx win junn̈j snun yet' winac, chamnc xo winac, yuj cha, caw tzalj qui mam yet' win on̈, yujto cojxn winac, xqui chi 'on̈.

Chuj San Mateo Bible

²⁰ Yuj chi', ix calan d'ayach to aytoec' vin̈ co mam, an̈ejto te icham vinacxo vin̈. A junxo vin̈ cuc'tac tzac'an unin, d'a yicham vinaquilxo vin̈ co mam chi' ix alji vin̈. Axo junxo vin̈ junn̈ej snun vin̈ yed'oc, chamnacxo vin̈, yuj chi' te xajan vin̈ yuj vin̈ co mam chi', yujto axon̈ej vin̈.

Gn 44:20 ပူးပေါင်းရင်းမြစ်များ

Gn 35:18

Palta yic wan xo xcham 'ix, jab'xoj tz'el-l yalni, xya'n 'ix sb'ic can jun 'unn chi Benoni; palta ax win Jacob, Benjamín xyac' win sb'ioc.

Gn 37:19

Xlaj yal-lanc eb' 'a 'ixtic: —'Iltec sjaw win waychnum.

Gn 37:3

Caw wal nib'b'il José yuj smam 'a yib'n̈ jun tzo'n̈ xo eb' yu'tac, yujto 'ichm winc xo win Jacob yic x'alj winac, yuj cha, sb'on win Jacob chi jun spichl winac, to yel xo wach' yilxi.

Gn 42:13

Xyaln pax ewin 'ixtic: —Ma'ay, an̈ tic on̈ mamin, lajchwan̈ qui b'ey on̈, cu'tacn̈ej qui b'a on̈, junn̈j qui mam on̈, ata cajn on̈ 'a Canaán. A win cu'tac slajb' 'unn on̈, 'aycn win yet' qui mam on̈, ax junx winac, man̈x 'a win 'ayc' quet' on̈, xchi ewinac.

Gn 42:36

Yuj cha, xyaln win smam ewin chi 'ixtic: —Caw tu tzin eyutj tzwab'i. Man̈x 'a junc wunnal tzcan eyu'uj, win José man̈x 'ayc 'ec' winac; an̈jtona 'ixta pax win Simeón, tze nib'n pax tzeyij 'at ni Benjamín tic. A mach tzyab' syail, an toni, xchi Jacob.

Gn 42:38

Palta 'ix yaln win Jacob 'ixtic: —Ma'oj 'at ni wunnal tic eyet'oc. 'Ilt win José chamnc winac, toq'ue 'ay pax tz'i'n junx ni tic 'a yol b'e, ax wal tz'och e mul, yic tzin cham an 'ichm in tic yuj cusc'ojlal, xchi winac.

Gn 49:8

Ach wunnal Judá, caw wal 'oj alxoc wach' paxti 'aych yuj eb' o'tac; 'oj och pitz'n 'a sjaj eb' 'ajc'ojl yajch 'ayach, ax yem n̈ojn eb' o'tac tic 'a ojltac.

Lc 7:12

Ax yic wan sc'och eb' 'a jun chon̈b' cha, 'ix yiln eb' wan s'at jun xi'lb'a mucxoc yuj eb' 'anma chi ta'. Til wal eb' 'aj chon̈b' chi wan s'at yet'oc. A win xcham cha, yune jun 'ix chamnc yichmil, cojn jun c'otn̈ yune 'ix cha.