Gn 44:16 - Chuj San Sebastian Bible

¹⁶ Xta'w win Judá 'ixtic: —¿Tasto wal tzcutj ta'wc qui b'a 'aych mamin? ¿Tasto wal tzcutj calni to wach'n̈ on̈? A Dios tox 'ix 'ilchj qui mul yuj on̈. A ticnec caj 'a ojltac on̈, tztac' tzon̈ 'ochcn a checb'oc yet' win 'aj x'ilchj q'uet a vaso cha, xchi winac.

Chuj San Mateo Bible

¹⁶ Ix tac'vi vin̈aj Judá icha tic: —Mamin, ¿tasto val ol aj co tac'vi d'ayach? ¿Tasto ol cutoc quilanoch co b'a tato vach' on̈ calani? Ay co mul d'a yichan̈ co Mam Dios, tic ayon̈ ec' d'a ichan̈. Syal tzon̈ och a checab'oc yed' vin̈ b'aj ix ilchajelta q'uen copa chi', xchi vin̈.

Gn 44:16 ပူးပေါင်းရင်းမြစ်များ

Gn 37:7

'Ix in waychej to qui masnilec tzon̈ polwec trigo, junjn on̈ec tzqui jalc junjn yuchn̈ qui trigo cha, ax 'ixm wic cha, xq'ue lin̈n 'ixim, x'och pax oyn 'ixm eyic chi 'a stz'ey 'ixm wic cha. Xlajw cha, x'ejm n̈ojn eb' 'ixm 'a yojltac 'ixm wic cha, xchi José.

Gn 37:9

Xlajw cha, x'och junx swaych José, an̈jtona', xyaln pax yab' eb' yu'tac cha, xyaln 'a eb' 'ixtic: —'Ay wal junx in waych x'ochi. A 'a jun in waych cha, xwila to a c'u yet' 'uj yet' uxlche c'anal x'em n̈ojn eb' 'ayin, xchi José.

Gn 44:17

Xyaln pax José 'ixtic: —Ma'ay, cojn win 'aj x'ilchj q'uet q'uen in vaso cha, cojn win tzcan in checb'oc. Ax xo tic, paxn̈ec 'a tzaljc'ojlal 'a e chon̈b' 'a 'aj 'aycn e mam, xchi.

Gn 44:32

An wal xwa'ch in b'a wiln ni 'a in mam cha, xwaln 'ixtc 'a 'a: Toto man̈x 'oj jawc ni wu'uj, caw wal tu tzin can 'a a sat 'a jun 'ejmn̈ej, xin chi 'a 'a.

Gn 44:9

A junc mach 'aj tz'ilchj q'uet jun vaso cha, tztac' cab' schami, an̈ xo qui masnil tzon̈ 'atcn e checb'oc, xchi ewinac.

A Ch'an̈ B'ab'el Libro Yic Yab'ixal Eb' Rey 17:18

Yuj cha, 'ix yaln 'ix 'a Elías 'ixtic: —¿Tas waj et' ach schecb' Dios? ¿Tom yuj a'n in na cot in mul, yuj cha, xcham jun wune tic? xchi 'ix.

Esdras 9:10

Ax ticnec ach qui Diosal on̈, ¿tas wal wach' caln 'aych on̈, yujto tox 'ix 'och qui mul on̈? Ma'ix qui yiclj a checnb'il on̈,

Esdras 9:15

Mamin Jehová, qui Diosal ach an̈ israel on̈ tic on̈, caw wach' a nab'en 'ayn̈ on̈. 'Ix 'el 'a a c'ojol, to pitzn on̈ jaywn̈ xo on̈ colchj can 'el tic. Yuj cha, tzcaln q'uet qui mul 'a ojltac on̈, caw wal man̈ smojc tzon̈ 'och 'a ojltac yuj jun tic, xchi Esdras 'a slesal.

Job 40:4

¿Tas wal 'oj wutc in ta'wi, toc 'ay jac xon wel'chi? Yel xo wach' to sictac tzin cani.

Pr 17:15

Toto tz'ajx niwnc'ojlal mach 'ay smul, mto tz'ajx 'och yailal 'a yib'n̈ junc may smul, a wal chab' tic, caw wal matz nib'j Jehová.

Pr 28:17

A mach tz'och smul smiln cham yit 'anma'il, man̈x cab' 'och wan 'a yet'ul, masnto tzc'och 'a 'aj 'ay sjul-l eb' chamnc 'anma'; may cab' mach tzyamn 'och wa'an.

Is 27:9

Palta 'ixtc wal 'oj yutc Dios yi'n 'el smul eb' yin̈tl Jacob. Choc' 'oj yutc can eb' jun tzo'n̈ yet'l sdiosal eb', 'icha cab' tz'aj yulb'x 'ejm q'uen tan̈ 'a yic tzpolxi; 'ixta cab' tzyutj can eb'. Man̈x 'a junc te te sch'oxnb'il comn dios Asera tzcani, man̈xtzac yactj can pax eb' jun tzo'n̈ yet'l xajmb'al 'aj tz'a incienso yuj yijx chan̈ scomn diosal.

Is 5:3

Yuj cha, 'ix yaln win 'aj munljel chi 'ixtic: Ex 'aj Jerusalén yet' ex 'aj Judá, a ticnec alc wab'i', mach 'ay spaltail, ¿tom a 'in mto a te 'awb'ente tic?

Dn 9:7

Ach tic Mamin, caw tojl a nab'en. An̈ xo an̈ israel on̈ tic on̈, caw q'uixweltac quec' tzcab' on̈. 'Icha wal eb' cotnc 'a Judá yet' 'a Jerusalén, yet' jun tzo'n̈ xo eb' quit israelal cajn 'a lac'an, yet' 'a caw najat, on̈ a sactzicj can 'ati, yujto 'ix 'och qui tenmtacl 'ayach.

Nm 32:23

Palta toto matz 'el'ch tas wan eyaln tic, eyojc xon wal b'i'an, to tz'och e mul 'a yojltac Jehová, 'ay jun c'ual, ax ya'n eyailal yuj e mul cha.

Mt 7:2

Yujto 'icha wal tzeyutj e b'eyc'ojlan eb' eyit 'anma'il, 'ixta 'oj ex yutc Dios ex sb'eyc'ojlan jun xo. A wal eyechtab' tzeya'lb'ej, a 'oj 'a'lb'axc 'ayex, tzyal 'el'chi to 'icha wal tzeyutj e b'eyc'ojlwi, 'ixta 'oj eyaj e b'eyc'ojlax jun xo.

Lc 12:2

Yujto jantcn̈ej tas c'ub'b'il 'el ticnec, c'uxn 'oj checljoc 'eli. Yet' jantcn̈ej tas c'ultac yaji, c'uxn 'oj 'ajxoc 'ojcaxc 'eli.

A Tas Sc'ulejnac Eb' Schecab' Jesús Hechos 2:37

Yic xyab'n eb' israel chi jun tzo'n̈ tic, caw x'och pitz'n cusc'ojlal 'a spixn eb'. 'Ix sc'anb'n eb' 'ixtc 'a Pedro yet' 'a jun tzo'n̈ xo eb' schecb' Jesucristo: —Ex quit chon̈ab', ¿tas wal 'oj cutc qui b'a tze na ticnec on̈? xchi eb'.

Dt 25:1

Toto 'ay chawn̈oc 'anma tzyac' owal, yowlal tz'at eb' sb'oyaj sb'a 'a sat eb' juez; a jun may smul cha, a tzcolchj cani, ax jun 'ay smul cha, tzcann̈j 'a yib'an̈.

Josué 7:1

Palta 'ay jun win tzcuch Acán, yin̈tl can Judá, yunnal win Carmi, yixchicn Zabdi, schab'l 'ichicn Zera. 'Ix yij 'at win jun tzo'n̈ tas to 'ay yowlal yijx 'ati, atn jun tzo'n̈ to tz'ajx lajwoc. Ax x'aji, 'ix locchj c'och smasnil eb' yin̈tl Israel yab'n syal yuj smul jun winc cha, yujto 'ix yij 'at jun tzo'n̈ tas to 'ay yowlal, yuj cha, caw wal 'ix cot yowl Jehová 'a yib'n̈ eb' chon̈ab'.

Josué 7:18

Junjn eb' winc cha 'ix jaw eb' 'a yojltac Josué. A 'a scal ewin cha, ata x'elt can win Acán, win yunnal Carmi, yixchicn Zabdi, schab'l 'ichicn Zera 'a eb' yin̈tl Judá.

Jueces 1:7

Yuj cha, xyaln Adoni-bezec 'ixtic: A 'a yic yaln̈taxi, in tzu'jnac 'el snun sc'ab' yet' snun yoc 70 eb' rey, x'och eb' sic' sc'ajl schib'l woch 'a yaln̈ in mexa. 'Icha wal wutjnac eb' rey cha, 'ixta wal xyutj Dios ya'n spac 'ayn ticnec, xchi. Xlajw cha, xyi'n 'at eb' 'a Jerusalén, axta xchami.