Gn 43:8 - Chuj San Sebastian Bible

⁸ Xyaln pax win Judá 'ixtc 'a smam. —Toto matz a nib'j tzon̈ chamc yuj wejel, chaj 'at ni cu'tac tic quet' on̈, toto 'ixta', tic tzon̈ 'at mu'c on̈, sec wach' ma'oj qui chamc yuj wejel, yet' pax eb' cunnal on̈.

Chuj San Mateo Bible

⁸ Ix yalanxi vin̈aj Judá d'a vin̈ smam chi': —Tato max yal a c'ol tzon̈ cham yuj vejel co masanil, chab'at vin̈ cuc'tac tic qued'oc. A in tzin tec'b'ej in b'a in tan̈van vin̈, tato icha chi', tic tzon̈ b'at d'a elan̈chamel.

Gn 43:8 ပူးပေါင်းရင်းမြစ်များ

Gn 42:2

Xwab' speclal to a 'a Egipto caw wal 'ay 'ixm trigo. 'Ixquec 'at mannc qui trigo ta', sec wach' matz on̈ chamc yuj wejel, xchi.

Gn 42:38

Palta 'ix yaln win Jacob 'ixtic: —Ma'oj 'at ni wunnal tic eyet'oc. 'Ilt win José chamnc winac, toq'ue 'ay pax tz'i'n junx ni tic 'a yol b'e, ax wal tz'och e mul, yic tzin cham an 'ichm in tic yuj cusc'ojlal, xchi winac.

Gn 44:20

Yuj cha, xcaln 'ayach to 'ayt 'ec' qui mam on̈, cojn b'i'an to caw 'ichm winc xo; 'ayt pax junx win cu'tac on̈, slajb' 'unn winac, caw 'ichm winc xo win qui mam chi 'on̈, yic x'alj junx win cu'tac chi 'on̈. Al junx win junn̈j snun yet' winac, chamnc xo winac, yuj cha, caw tzalj qui mam yet' win on̈, yujto cojxn winac, xqui chi 'on̈.

Gn 44:26

Palta on̈ ta'w 'a 'ixtic: Matz on̈ 'ati, toto matz 'at ni cu'tac slajb' 'unn tic quet' on̈. Toto matz 'at ni quet' on̈, matz tac' qui c'och 'a yojltac win yajl cha, xqui chi 'a on̈.

Gn 45:19

Al 'a ewinac to tzyij ewin scaruaje 'a tic, sec tztac' yi'n cot ewin yistzil, yunnal yet' pax a mam cha.

Gn 50:21

Yuj cha, man̈ ex xiw yuj jun cha; an 'oj wac' tas 'oj e c'ux yet' eyunnal, xchi José 'a eb' yu'tac cha. 'Ixta xyutj José ya'n sniwnal sc'ojl eb', yujto caw wach' xyutj paxtinc sb'a 'a eb' yet' schamc'ojlal.

Gn 50:8

'Ix cot smasnil eb' yunnal win Jacob, yet' yunnal win José, yet' smasnil yunnal ewin yu'tac winac. Cojxn eb' cotc 'unn xcan yet' scajb'en noc' eb' 'a lum Gosén.

A Ch'an̈ Schab'il Libro Yic Yab'ixal Eb' Rey 7:13

Xlajw cha, 'ix ta'w jun 'a eb' schecb' chi 'ixtic: —'At cab' jaywn̈oc winc 'at yila', yet' own̈oc no chej 'ix can 'a chon̈b' tic, ax quilni tas jun 'ix 'uj cha, tom 'oj meltzjoc to eb', mto man̈xo. Yujto lajan, 'ay smay 'a 'aj tz'at eb' cha, 'ixta an̈ tzon̈ canc 'a tic, xchi winac.

A Ch'an̈ Schab'il Libro Yic Yab'ixal Eb' Rey 7:4

Toto tzon̈ 'ochc 'a yol chon̈b' tic, 'oj qui chamc yuj wejl ta'. An̈jtona', toto tzon̈ canc pax chotn 'a tic, 'oj qui chamc xon paxi. A ticnec, coyc 'a scamplamento eb' sirio, toq'ue tzon̈ ya'c niwnc'ojlal eb', sec pitzn on̈ec. Toto tzon̈ smilc cham pax eb' jun, toxn to 'oj qui chamec, xchi eb'.

Esdras 8:21

Xlajw cha, xwaln 'ixtc 'a eb' wit chon̈b' cha: To tzon̈ 'ochc 'a c'ajb'c'ojlal 'a sti a Ahavá, sec wach' tzquijec 'ejm qui b'a 'a yojltac qui Diosalec. Tzqui c'annec 'a 'a, to tzon̈ yijec b'ey 'a wach' yet' eb' cunnalec yet' smasnil tas 'ay 'ayn̈ec.

Salmos 118:17

Ma'oj in cham muc'uc, palta pitzn in to, sec 'oj wal-li to satjub'tac tas tzb'o Jehová.

Ex 20:12

'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.

Nm 14:31

Palta ax eb' eyunnal xeyal to tzcan 'a yol sc'ab' eb' 'ajc'ojl cha, 'oj wi'ch eb' 'a sat lum lum chi tze patquilj can 'el cha, sec ax eb' 'oj yac' tzaljoc sc'ojl 'a sat lu'um.

Dt 33:6

'Ix syamn 'och Moisés yaln can wach' paxti 'a yib'n̈ eb' yin̈tl Rubén 'ixtic: 'Ay cab' sq'uinl eb' yin̈tl Rubén, may cab' b'a'n̈ tzsatl eb', man̈ 'emtoc cab' sb'isl eb', xchi.