Gn 43:5 - Chuj San Sebastian Bible

⁵ Palta toto matz a chaj 'at ni jun, man̈xtzac on̈ 'at on̈, 'icha wal xyal win chon̈m trigo cha: Toto matz eyij cot win eyu'tac slajb' 'unnto cha, man̈x ex jawc 'ayin, xchi winac, xchi Judá.

Chuj San Mateo Bible

⁵ Tato max a chab'at vin̈ qued' jun, man̈xo ol on̈ b'atlaj, icha ix aj yalan vin̈ chon̈um trigo chi': Tato max eyic'cot vin̈ eyuc'tac tzac'an unin chi', man̈xo ex javoclaj d'a vichan̈, xchi vin̈.

Gn 43:5 ပူးပေါင်းရင်းမြစ်များ

Gn 42:15

'Oj yal sb'a tas 'oj e can yuj jun tic: 'A sb'i win rey tzwaln 'ayex, may xon junc mach tztac' spax 'a tic, masnto tzjaw win eyu'tac slajb' 'unn cha.

Gn 42:20

Palta tzeyij cot win eyu'tac slajb' 'unn cha; 'ixta to b'i'an ax quilni toto yel tzeyala. To 'ixta', ma'oj e chami, xchi José 'a ewinac. Syiclni eb' s'ati.

Gn 42:38

Palta 'ix yaln win Jacob 'ixtic: —Ma'oj 'at ni wunnal tic eyet'oc. 'Ilt win José chamnc winac, toq'ue 'ay pax tz'i'n junx ni tic 'a yol b'e, ax wal tz'och e mul, yic tzin cham an 'ichm in tic yuj cusc'ojlal, xchi winac.

Gn 43:3

Palta xta'w win Judá 'a 'ixtic: —Caw wal wach' xyutj win chon̈m trigo yalni: Toto matz eyij cot win eyu'tac slajb' 'unn cha, man̈x ex jawc 'ayin, xchi winac.

Gn 43:4

Yuj cha, toto tz'at ni cu'tac tic quet' on̈, tzon̈ 'atx manj trigo chi 'on̈.

Gn 43:6

Yuj cha, xyaln win Israel 'a eb' 'ixtic: ¿Tas yuj xeyal 'a winac, toto 'ayt junx ni eyu'tac tic? Caw wal tzin eya'ch 'a cusc'ojlal tzwab'i, xchi winac.

Gn 44:23

Ach xal 'ayn̈ 'ixtic: Toto matz eyij cot winac, man̈xtzac ex jaw 'ayin, 'in xa chi.

Gn 44:25

Ax qui mam on̈, ax 'ix aln pax 'ayn̈ on̈ to tzon̈ cot manj trigo 'a tic jun 'ejm xo.

Gn 44:26

Palta on̈ ta'w 'a 'ixtic: Matz on̈ 'ati, toto matz 'at ni cu'tac slajb' 'unn tic quet' on̈. Toto matz 'at ni quet' on̈, matz tac' qui c'och 'a yojltac win yajl cha, xqui chi 'a on̈.

Ex 20:12

'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.