Gn 43:34 - Chuj San Sebastian Bible

³⁴ A tas tzc'ux José 'a sat smexa a x'ajx 'a eb', a pax Benjamín, o'ejm to 'ec'b'al yic win x'ajx 'a yib'n̈ yic ewin yu'tac cha. 'Ixta xyutj José swa'i, xyu'n tas yet' eb' yu'tac 'a tzaljc'ojlal.

Chuj San Mateo Bible

³⁴ A vael ay d'a smexa vin̈aj José chi', a' ix ac'ji d'a eb' vin̈. Axo pax d'a vin̈aj Benjamín chi', oye'to macan̈ ec'b'al yic vin̈ ix ac'ji d'a yichan̈ yic juntzan̈xo eb' vin̈ chi'. Ichato chi' ix va eb' vin̈, ix yuc'an vino eb' vin̈ d'a tzalajc'olal.

Gn 43:34 ပူးပေါင်းရင်းမြစ်များ

Gn 35:24

A pax yunnal win yet' 'ix Raquel, atn José yet' Benjamín.

Gn 45:22

'Ix 'ajx cot junjn mojn̈ spichl ewin smasnil, yic tzjel-lab'an eb'. Ax pax 'a win Benjamín, 'oxe ciente q'uen tumn plata x'ajx 'a winac, x'ajx pax omojn̈ spichl winac.

A Ch'an̈ Schab'l Libro Samuel 11:8

Xlajw cha, xyaln 'ixtc 'a win Urías cha: 'Ixc 'iljoc 'a atut, tza b'icn oc, xchi. Cojn wal x'elt win Urías chi 'a yol sdespacho win rey cha, 'ix 'at ya'nc win rey chi can tas tzc'ux win Urías cha, a tas tzc'ux win 'a smexa, a chi 'ix yac' win siylab'il 'a win yalni.

Pr 31:6

A cab' eb' 'aych 'a syailal tz'u'n te 'an̈ cha, eb' 'aych 'a somc'ojlal,

Ec 10:19

A tas wach' sc'uxxi, wach' toni, ax 'u'l 'an̈, tzaljc'ojlal ton paxi, palta yuj jun tzo'n̈ tic, tznib'x to 'ay tumin.

Ec 9:7

Ex wit 'anma'il, ca'c tzaljoc qui c'ojl qui wa'i, tzcu'nec tas tzcuq'uej, yujto a jun tic caw wach' 'a sat Dios.

Cantares 5:1

Ach cob's 'ix to tzach 'och wistloc, tox xin 'och 'a scal te wawb'en te'. Wan in molb'tzan te 'in mirra yet' jun tzo'n̈ xo te su'q'ui sjab', wan pax in le'n no yal chab' tz'elt 'a sc'ate', wan pax wu'n yal in uva yet' in lech, xchi winac. Ex qui wach'c'ojol, wan̈ec, 'u'jec tas tzeyuq'uej, xchi eb'.

Habacuc 1:6

'Oj wi' cot eb' caldeo wul yac' owl eyet'oc. A jun tzo'n̈ 'anma cha, jun 'ejmn̈ej caw matz 'o'ch xon jac sc'ojl eb'. Cojn owl tznib'j eb', c'uxn tz'ec' yoymtoc eb' yolyib'n̈q'uinal yuj smacn 'ec' eb' lum lum to man̈ yico'oc.

Mt 11:19

Xlajw cha, in jaw an 'Ochnc in 'Anmal tic. An xo tic, tzin wan̈ej, tzwu'jn̈ej tas. Palta tzyal eb' 'ixtc wu'uj: A Jesús cha, cojn wal snib'n wa sb'a, 'u'm 'an̈ paxi. Caw swach'c'ojl sb'a yet' eb' tecm 'el tumin, yet' jun tzo'n̈ xo eb' maysch'olnil sb'eyb'al, xchi eb' wu'uj. Palta a eb' 'ay sjelnal Dios 'a 'a, tzcheclj 'el sjelnal eb' chi yuj tastc tzb'o'o, xchi Jesús 'a eb'.

Jn 2:10

'Ix yaln win 'a win 'ixtic: —A sley eb' 'anma', a jun yal uva wach', a tzyac' eb' 'u'xoc b'ab'el. Ax 'a slajub', a jun yal uva tzyal wal yu'xi, a tzyac' eb'. Palta ach tic, xa mol jun yal uva wach'. Ax ticnec wanto a'n 'elt 'u'xoc, xchi win tz'a'n cuenta cha.

A Ch'an̈ B'ab'el Libro Samuel 1:5

Palta ax 'a 'ix Ana cha, a no chib'j caw wach' tzya'cn win 'a 'ix, yujto caw wal 'ay schamc'ojlal win 'a 'ix, wach'xam may yune 'ix tzyac' Jehová.