Gn 43:27 - Chuj San Sebastian Bible

²⁷ Xlajw cha, sc'anb'n José 'a eb', toto tzaljc'ojlal yaj eb', xyaln 'ixtc 'a eb': ¿Wach'm sc'ojl e mam chi jun, win 'ichm winc eyaljnac 'ayin? ¿Pitzn to am winac? xchi 'a eb'.

Chuj San Mateo Bible

²⁷ Ix lajvi chi' ix sc'anb'an vin̈ d'a eb' vin̈ tato vach'n̈ej sc'ol eb' vin̈, ix yalan vin̈: —¿Janic' sc'ol vin̈ e mam, vin̈ te ichamxo ix eyal d'ayin? ¿Pitzan tom vin̈? xchi vin̈ d'a eb' vin̈.

Gn 43:27 ပူးပေါင်းရင်းမြစ်များ

Gn 37:14

—Wach' tzach 'ati, 'at 'ilto tas yaj eco, yet' e no calnelu cha, toto wach' e no', tzlajw cha, tzach meltzj muc'uc yic tzwul alnc wab'i', xchi winac. Xchecn 'at Israel win José 'a lum span̈nil Hebrón. Ax yic xc'och José 'a yol yic Siquem,

Gn 41:16

Xta'w José chi 'ixtic: —Man̈ munoc wico' tznachj 'el wu'uj, palta a Dios 'oj alnoc tas tzyal 'el'ch a waych cha, yic tz'och a wach'loc, xchi José cha.

Gn 42:11

Qui masnil on̈ junn̈j qui mam on̈, cu'tacn̈ej qui b'a on̈, wach'n̈j qui nab'en on̈, may 'aj tzca'ch qui b'a 'ilwjumal on̈, xchi ewinac.

Gn 42:13

Xyaln pax ewin 'ixtic: —Ma'ay, an̈ tic on̈ mamin, lajchwan̈ qui b'ey on̈, cu'tacn̈ej qui b'a on̈, junn̈j qui mam on̈, ata cajn on̈ 'a Canaán. A win cu'tac slajb' 'unn on̈, 'aycn win yet' qui mam on̈, ax junx winac, man̈x 'a win 'ayc' quet' on̈, xchi ewinac.

Gn 43:7

Palta 'ix yaln ewin 'ixtic: —Sc'anb'j winac tas caj on̈, mach 'ayn̈ yin̈tl on̈, sc'anb'n pax win 'ayn̈ 'ixtc on̈: ¿Pitzn tom pax e mam? ¿'Ayt am pax junc eyu'tac? xchi. Yuj cha, xcaln 'a on̈, to 'ayt 'ec' qui mam, 'ayt pax junx cu'tac, xqui chi 'on̈. ¿Toc wal cojc on̈ toto tzyal winac, to tzquij 'at ni cu'tac tic on̈? xchi ewinac.

Gn 45:3

Xyaln José 'a eb' yu'tac chi 'ixtic: —An ton tic José 'in. ¿Yelm wali pitzn to qui mamc cha? xchi winac. Caw xiw chan̈ eb' yu'tac chi 'a yojltac; man̈xtzac stac' xon spacn ewin 'a win yuj xiwlal.

A Ch'an̈ Schab'il Libro Yic Yab'ixal Eb' Rey 4:26

Tzin tew 'ayach, 'ixc 'at chaj 'ix, carela a 'ati, tzlajw cha, tza c'anb'n 'a 'a, wach'm a c'ojol, wach'm sc'ojl win echmil, wach'm pax sc'ojl win a yune 'unin, xa chi 'a 'ix, xchi Eliseo 'a winac. 'Ixtnta 'ix yutj win Giezi yaln 'a 'ix. 'Ix yaln 'ix chajtlto wach'n̈ej.

1 Cr 18:10

yuj cha, 'ix schecn 'at yunnal, atn Adoram, xyi'n 'at win oro, plata yet' bronce 'a rey David, yic tz'at 'ajxc stzatzl sc'ojl yu'uj. Xyaln pax swach' paxti 'a 'a, yujto 'ix yac' ganar ya'n owl yet' Hadad-ezer cha. A Toi cha, ya'jnac pax owl yet' rey Hadad-ezer chi 'a yic yaln̈taxi.

Ex 18:7

Yajn̈j wal cha, 'ix 'elt Moisés 'a yol smantiado 'at scha sn̈i', 'ix 'em n̈ojn sc'och 'a yojltac sn̈i cha, stz'ub'n 'elt sti'. Ax yic xlajw sc'anb'lan eb' sc'ojol, 'ix 'och eb' 'a yol smantiado Moisés.

Jueces 18:15

Xlajw cha, 'ix 'at eb' 'ilm lum chi 'a yatut jun quelm levita cha, atn 'a yatut Micaía. 'Ix c'och eb', xya'n eb' stzatzl sc'ojol.

A Ch'an̈ B'ab'el Libro Samuel 17:22

Yajn̈j cha, xya'n can David 'ab'enal tastc yet' chi 'a yol sc'ab' jun win tztan̈wni tastc 'ayc' 'a scamplamento cha. Caw carela x'at 'a 'aj 'ay eb' soldado cha. Ax yic xc'och 'a eb', 'ix sc'anb'n 'a eb' yu'tac cha, yic tzyab'ni toto wach' sc'ojl eb'.

A Ch'an̈ B'ab'el Libro Samuel 25:5

Yuj cha, 'ix schecn 'at lajn̈wan̈ eb' winc 'ayc' yet'oc yic tz'at 'ajxc stzatzl sc'ojl Nabal chi yu'uj, 'ix yaln 'ixtc 'a eb':