Gn 43:23 - Chuj San Sebastian Bible

²³ Xyaln win mayltoma chi 'ixtic: —Man̈ ex 'och 'il yuj jun cha, man̈ ex xiwoc. A e Diosal yet' e mam, a x'a'n 'ejm q'uen 'a yol sti e coxtl chi jun 'ejm xo. An xin chaj q'uen e tumn xeyac' stojloc 'ixm e trigo xeyij cha, xchi win 'a ewinac. Xlajw cha, xyi'n 'elt win mayltoma win Simeón 'a preso, x'el-l win 'a 'aj 'ayc' eb' 'u'tacab'il cha.

Chuj San Mateo Bible

²³ Ix yalan vin̈ chi' icha tic: —Man̈ eyac' pensar yuj jun chi'. Man̈ ex xivoc. A sDiosal e mam yed' ex paxi, a ix ac'anem q'uen d'a sti' e coxtal chi'. A in ix in cha q'uen tumin ix eyac' stojoloc ixim e trigo ix eyic' chi', xchi vin̈ d'a eb' vin̈. Ix lajvi chi', ix ic'jielta vin̈aj Simeón d'a yol preso yuj vin̈ yilumal chi', ix elul vin̈ b'aj ayec' eb' yuc'tac chi'.

Gn 43:23 ပူးပေါင်းရင်းမြစ်များ

Gn 42:24

'Ix yi'n 'el sb'a José 'a stz'ey ewinac, syamn 'och yoq'ui. Xmeltzj pax coti, 'ix paxtin jun 'ejm xo. Xlajw cha, xyi'n 'el Simeón 'a scal eb', sat wal eb' xjalx can winac.

Gn 42:28

Xyaln win 'a ewin yu'tac chi 'ixtic: —'Iltec wali, xya'x meltzjoc ewin q'uen in tumin, 'ay 'ejm q'uen 'a sti 'in coxtl tic, xchi winac. Caw x'ib'x eb' smasnil yuj xiwlal, xyaln junjn eb' 'a 'ixtic: —¿Tas yuj 'ixta tzon̈ yutjec Dios? xchi ewinac.

Gn 42:36

Yuj cha, xyaln win smam ewin chi 'ixtic: —Caw tu tzin eyutj tzwab'i. Man̈x 'a junc wunnal tzcan eyu'uj, win José man̈x 'ayc 'ec' winac; an̈jtona 'ixta pax win Simeón, tze nib'n pax tzeyij 'at ni Benjamín tic. A mach tzyab' syail, an toni, xchi Jacob.

Gn 43:14

A Dios tztac' yuj smasnil, a 'oj 'och 'a snab'en jun winc cha, ax ya'n 'elt ni eyu'tac Simeón, sec wach' 'oj 'aj pax smeltzj ni eyu'tac Benjamín tic eyet'oc. An xo pax an tic, wach'xam tzin can 'a man̈x 'a wunnal, xchi win Israel cha.

Gn 43:22

An̈jtona', chuc xquij cot pax q'uen tumn tzcac' mannc 'ixm trigo chi ticnec. Man̈ cojcoc on̈, mach x'a'n 'ejm q'uen 'a yol sti qui coxtl cha, xchi ewinac.

1 Cr 12:18

'Ix 'och Yespíritu Dios 'a Amasai syajlil eb' 30 cha, 'ix yaln 'ixtc: ¡Ach David yunnal Isaí, ec caj on̈, 'oj qui can et'oc! ¡Junc'ojlal cab' aji! ¡Junc'ojlal cab' aj yet' eb' xcolwj et'oc, yujto a qui Diosalec a xcolwjn̈ej pax et'oc! xchi. 'Ix schaj David eb', 'ix ya'n 'och eb' capitan̈il 'a scal eb' syajlil eb' soldado cha.

1 Cr 12:19

An̈jtona', 'ix ya'ch sb'a jun tzo'n̈ eb' yin̈tl Manasés yet' David, yic 'ijn cob' s'at eb' yet' eb' filisteo yic ya'n eb' owl yet' Saúl. Palta ma'ix colwj yet' eb', yujto a yic syamn sb'a eb' syajlil eb' filisteo cha, 'ix schecn meltzjc eb' David 'a Siclag. 'Ix yaln eb' 'ixtic: ¡'Ay smay tzon̈ smil cham winac, ax yet' Saúl chi tz'ochi, atn syajlil win cha! xchi eb'.

Esdras 4:17

Xlajw cha, xya'n 'at win rey chi spac spaxti eb' cha, xyaln win 'ixtic: Ach comandante Rehum yet' ach 'ajtz'ib' Simsai, yet' pax jun tzo'n̈ xo eb' eyitb'eym cajn 'a Samaria, yet' jun tzo'n̈ xo chon̈b' 'a sc'axpil 'ec' a cha, tzwac' stzatzl e c'ojol, junc'ojlal cab' eyaji.

Lc 10:5

A yic tzex laj c'och 'a junjn n̈a, tze b'ab'l 'a'j stzatzl sc'ojl eb', tzeyaln 'ixtc 'a eb': 'Ay cab' junc'ojlal 'a yojl jun n̈a tic, xe chi.

Lc 24:36

Wanto yaln eb' jun tzo'n̈ cha, 'ax yiln eb', 'ayx 'ec' Jesús 'a scal eb'. —'Ay cab' e junc'ojlal, xchi 'a eb'.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

Jn 20:19

An̈ja 'a jun domingo chi 'a sq'uic'b'alil, 'ix syam sb'a eb' scuywum Jesús. Caw sin̈n̈i xyutj eb' sch'apn jun n̈a cha, yujto tzxiw eb' 'a ewin 'aj Judea cha. Ax xyiln eb', 'ayx 'ec' Jesús 'a scal eb'. 'Ix yaln 'a eb' 'ixtic: —Junc'ojlal cab' eyaji, xchi 'a eb'.

Jn 20:21

'Ix yaln pax jun 'ejm xo 'ixtc 'a eb': —Junc'ojlal cab' eyaji. 'Icha in yutj qui Mam Dios in schecn coti, 'ixta tzex wutj ex in checn can 'ati, xchi 'a eb'.

Jn 20:26

Yucb'ixial xo, 'ix syamn pax sb'a eb' jun 'ejm xo 'a yol n̈a cha. 'Ayx 'ec' Tomás chi yet' eb'. Caw sin̈n̈i yaj sch'apx te n̈a cha, palta ax xyiln eb', 'ayx 'ec' Jesús 'a scal eb'. 'Ix yaln 'a eb' 'ixtic: —Junc'ojlal cab' eyaji, xchi.

Jueces 19:20

'Ix ta'w win 'ichm winc chi 'ixtc 'a winac: —Junc'ojlal cab' aji. An 'oj wac' smasnil tastc 'ay tz'och o'oj. Matz yal in c'ojl to 'oj a can 'a plas 'a jun 'ac'wl tic, xchi winac.

Jueces 6:23

Palta xta'w Jehová 'ixtc 'a 'a: —Man̈ 'ach xiwoc, ma'oj a chami, xchi.

A Ch'an̈ B'ab'el Libro Samuel 25:6

Tzeyal 'a win 'ixtic: Junc'ojlal cab' aji, yet' smasnil onnal yet' pax smasnil tastc 'ay 'ayach.