Gn 42:19 - Chuj San Sebastian Bible

¹⁹ Toto yel tzeyala wach' ex, junxn̈ej ex tzex can 'a preso tic, ax jaywn̈oc ex tzex 'at 'a e chon̈b' cha, 'ijec 'at 'ixm trigo tic, sec tzwaj eb' eyunnal cha.

Chuj San Mateo Bible

¹⁹ Tato yel vach' ex, junxon̈ej ex tzex can d'a yol preso tic, tzex b'at e masanil d'a e chon̈ab' chi', tzeyic'anb'at ixim trigo sva eb' ix eyetb'eyum yed' eyuninal van scham yuj vejel chi'.

Gn 42:19 ပူးပေါင်းရင်းမြစ်များ

Gn 40:3

'Ix ya'n win rey 'ajxc 'och eb' 'a preso 'a yatut win capitan̈ 'a 'aj 'aych José 'a preso cha.

Gn 41:56

'A smasnil yolyib'n̈q'uinal caw 'ayx wejel; yuj cha, sjacn José smasnil sc'un̈a 'aj molb'il 'ixm trigo, schon̈n 'ixm 'a eb' 'aj Egipto, yujto caw 'ayx wejl ta'.

Gn 42:11

Qui masnil on̈ junn̈j qui mam on̈, cu'tacn̈ej qui b'a on̈, wach'n̈j qui nab'en on̈, may 'aj tzca'ch qui b'a 'ilwjumal on̈, xchi ewinac.

Gn 42:18

Ax 'a schab'jial xyaln José 'a ewin 'ixtic: —An tic tzin xiw 'a Dios; toto tzeyiclj jun xwal 'ayx tic, tzex colchj 'eli.

Gn 42:20

Palta tzeyij cot win eyu'tac slajb' 'unn cha; 'ixta to b'i'an ax quilni toto yel tzeyala. To 'ixta', ma'oj e chami, xchi José 'a ewinac. Syiclni eb' s'ati.

Gn 42:26

Xya'n 'och ewin yictz e no sb'uru cha, xlajw cha, xpaxt ewinac.

Gn 42:33

Xlajw cha, xyaln win syajlil jun chon̈b' chi 'ixtic: Toto caw yel wach' ex, can cab' junc win eyu'tac tic 'a tic, tzeyi'n 'at jac 'ixm trigo 'a eb' eyunnal wan scham yuj wejl cha.

Gn 45:23

Xya'n cot win lajn̈wan̈ no b'uru 'a smam cha, caw 'al x'aj no yuj tas wach' 'ay 'a Egipto cha, xcot pax lajn̈wan̈ xo e no 'axna x'i'n cot 'ixm trigo, 'ixm pan, yet' tas tzc'uxxi yic tz'at smam 'a yol b'e.

Is 42:22

Yuj e tenmtaquil 'ix 'el'x 'at tas 'ay 'ayex, ex 'ijx 'at 'icha presoal e masnil, ex 'ajx 'ejm 'a yol lu'um. Caw ex lajw 'eli. Man̈x 'a mach ex coln 'eli. Ex 'el'x 'ati, man̈x 'a mach ex 'i'n 'ec' 'a eb' 'elc'm cha, xchi Dios.

Is 42:7

Tzin nib'j tza jac sat eb' matz uj yilni, tza coln 'elt eb' 'aych 'a preso, atn eb' preso yaj 'a scal q'uic'q'uinal.

Jeremías 37:15

Caw xcot yowl ewin 'ayin, xin ya'n ma'xoc ewinac, xin ya'n ewin 'ajxoc 'och 'a preso 'a yatut Jonatán, win 'ajtz'ib'. A yatut win cha, a x'och presoal yuj ewinac.