Gn 42:13 - Chuj San Sebastian Bible

¹³ Xyaln pax ewin 'ixtic: —Ma'ay, an̈ tic on̈ mamin, lajchwan̈ qui b'ey on̈, cu'tacn̈ej qui b'a on̈, junn̈j qui mam on̈, ata cajn on̈ 'a Canaán. A win cu'tac slajb' 'unn on̈, 'aycn win yet' qui mam on̈, ax junx winac, man̈x 'a win 'ayc' quet' on̈, xchi ewinac.

Chuj San Mateo Bible

¹³ Ix tac'vi eb' vin̈ icha tic: —Maay mamin, a on̈ a checab' on̈ tic, lajchavan̈ on̈, cuc'tacn̈ej co b'a, junn̈ej co mam, cajan on̈ d'a Canaán. A vin̈ cuc'tac tzac'an unin, aycan vin̈ yed' vin̈ co mam chi', ay junxo vin̈, man̈xo ayoc ec'laj vin̈, xchi eb'.

Gn 42:13 ပူးပေါင်းရင်းမြစ်များ

Gn 37:30

Xlajw cha, xc'ochx mu'c 'a eb' yu'tac cha, xyaln 'a eb' 'ixtic: —Man̈x 'a win cu'taquec 'ayc' 'a yol xab'. ¿Tas wach' tzwutj in b'a ticnec? xchi winac.

Gn 42:11

Qui masnil on̈ junn̈j qui mam on̈, cu'tacn̈ej qui b'a on̈, wach'n̈j qui nab'en on̈, may 'aj tzca'ch qui b'a 'ilwjumal on̈, xchi ewinac.

Gn 42:12

—Man̈ yelc tzeyal ax tic, ton̈j tzwul eyila', toto 'ay 'aj wach' yoxt eb' 'ajc'ojl 'a jun chon̈b' tic, xchi José 'a eb'.

Gn 42:14

'Ix yaln pax José 'ixtc 'a eb': —Caw yel tas xwal 'ayex, ax tic, ton̈j 'ilwjum ex.

Gn 42:32

lajchwan̈ qui b'eyi, junn̈j pax qui mam, jun win cu'tac on̈ man̈x 'a win 'ayc' quet'oc, ax junx win slajb' 'unin, 'aycn win yet' qui mam 'a Canaán, xqui chi 'a on̈.

Gn 42:36

Yuj cha, xyaln win smam ewin chi 'ixtic: —Caw tu tzin eyutj tzwab'i. Man̈x 'a junc wunnal tzcan eyu'uj, win José man̈x 'ayc 'ec' winac; an̈jtona 'ixta pax win Simeón, tze nib'n pax tzeyij 'at ni Benjamín tic. A mach tzyab' syail, an toni, xchi Jacob.

Gn 42:38

Palta 'ix yaln win Jacob 'ixtic: —Ma'oj 'at ni wunnal tic eyet'oc. 'Ilt win José chamnc winac, toq'ue 'ay pax tz'i'n junx ni tic 'a yol b'e, ax wal tz'och e mul, yic tzin cham an 'ichm in tic yuj cusc'ojlal, xchi winac.

Gn 43:29

Ax yic xyiln 'och José chi win Benjamín, atn win yu'tac winac, win junn̈j snun yet'oc, yuj cha, xyaln 'ixtic: —¿Am ni eyu'tac slajb' 'unn xeyal 'ayn tic? Ya' cab' qui Mam Dios swach'c'ojlal 'a eb'n̈ mam, xchi 'a winac.

Gn 43:7

Palta 'ix yaln ewin 'ixtic: —Sc'anb'j winac tas caj on̈, mach 'ayn̈ yin̈tl on̈, sc'anb'n pax win 'ayn̈ 'ixtc on̈: ¿Pitzn tom pax e mam? ¿'Ayt am pax junc eyu'tac? xchi. Yuj cha, xcaln 'a on̈, to 'ayt 'ec' qui mam, 'ayt pax junx cu'tac, xqui chi 'on̈. ¿Toc wal cojc on̈ toto tzyal winac, to tzquij 'at ni cu'tac tic on̈? xchi ewinac.

Gn 44:20

Yuj cha, xcaln 'ayach to 'ayt 'ec' qui mam on̈, cojn b'i'an to caw 'ichm winc xo; 'ayt pax junx win cu'tac on̈, slajb' 'unn winac, caw 'ichm winc xo win qui mam chi 'on̈, yic x'alj junx win cu'tac chi 'on̈. Al junx win junn̈j snun yet' winac, chamnc xo winac, yuj cha, caw tzalj qui mam yet' win on̈, yujto cojxn winac, xqui chi 'on̈.

Gn 44:28

jun winac, jun 'ejmn̈ej satnc 'ejmi, man̈x 'a 'aj xwil xon sat winac, 'ay am wal junc no calte'al noc' xchin 'ejmi.

Gn 45:26

A yic xjaw eb' 'a smam cha, xyaln ewin 'a 'a, chajtlto 'ayc' win José, yajl yaj win 'a smasnil yol yic Egipto. Caw sat sc'ojl win Jacob yab'ni, matz ya'ch 'a sc'ojol, 'a tas tzyal ewinac.

Jeremías 31:15

Tzyaln Jehová 'ixtic: Caw tz'ab'x yoch 'aw 'a chon̈b' Ramá, 'ay mach caw wal ji'jmtac yoc' yuj yailal. A 'ix Raquel caw wal tz'oc' 'ix yuj eb' yune', man̈xtzac snib'j 'ix tz'ajx sniwnal sc'ojol, yujto man̈x 'a eb' yune 'ix 'ayq'ui.

Lm 5:7

A eb' qui mam quichm on̈, a eb' 'ochnc smul, palta chamnc xo eb'. Ax ticnec, a 'a quib'n̈ tzjaw yailal yuj smul eb' cha.

Mt 2:16

Ax win Herodes cha, 'ix yilni to man̈x 'ic 'ec' eb' mago chi 'a winac. Ton̈j 'ix yixtj can paxti eb' winac. Yuj cha, caw xcot yowal, 'ix ya'n win milxc cham jantcn̈ej eb' cotc winc 'unn 'ay 'a chon̈b' Belén, yet' eb' 'ay 'a sla'nil jun chon̈b' cha. 'Ix cham eb' 'ayx schab'l ab'il, yet' eb' mantzac 'el 'a schab'l ab'il. Yujto 'ixta stiempoal ye'cn eb' mago chi 'a winac.

Mt 2:18

Caw tz'ab'x yoch 'aw 'a chon̈b' Ramá, 'ay mach caw wal ji'jmtac yoc' yuj yailal. A 'ix Raquel caw wal tz'oc' 'ix yuj eb' yune', man̈xtzac snib'j 'ix tz'ajx sniwnal sc'ojol, yujto man̈x 'a eb' yune 'ix 'ayq'ui, xchi can Jeremías.