Gn 41:41 - Chuj San Sebastian Bible

⁴¹ An tzach wa'ch gobernadoral 'a smasnil yol yic Egipto tic, xchi winac.

Chuj San Mateo Bible

⁴¹ A in tzach vac'och gobernadoral d'a masanil yol yic Egipto tic, xchi vin̈.

Gn 41:41 ပူးပေါင်းရင်းမြစ်များ

Gn 39:22

Ax win tan̈m preso cha, a win x'a'n 'och win José yilmalc eb' yit presoal, a tzalni tas tzb'o eb'.

Gn 39:5

Atax yic xya'n 'och win Potifar José yilmalc smasnil tas 'ay 'a yatut cha, xya'n Jehová syaxilal 'a yib'n̈ smasnil tastc 'ay 'a yatut yet' 'a smunljel winac.

Gn 41:44

Yajn̈ej xyaln win rey 'a José 'ixtic: —Wach'xam an tic rey in, palta may junc xo mach tztac' ya'n mandar toto man̈oc ach tzala, xchi winac.

Gn 42:6

Ax José yajl yajch 'a Egipto cha, a tz'a'n 'elt 'ixm trigo 'a eb' manwjum tzlaj c'ochi. A yic xc'och eb' yu'tac 'a yojltac, x'em n̈ojn eb', masnto squil 'ejm eb' snan̈l sat 'a sat lu'um.

Gn 45:8

Yujto 'ixta 'ix yutj Dios in schecn cot can 'a jun lugar tic, man̈oc ex in eya'cn coti. A Dios in 'a'n 'och 'ajnab'enal 'a win rey, yic tzwa'n yajlil 'a smasnil tas 'a yatut, yet' 'a smasnil yol yic Egipto tic.

Ester 10:3

A Mardoqueo 'ix 'ochcn schab'loc 'a win rey cha. Caw wal niwn x'aj 'el'ch 'a scal eb' yit israelal, nib'b'il yuj smasnil eb' yit chon̈ab', yujto caw 'ix sayc' swach'l eb' yit chon̈b' cha. 'Ix yac' wal yip, yic wach' tzcan eb' 'a tzaljc'ojlal yet' 'a junc'ojlal.

Salmos 105:21

'Ix ya'n 'och win rey chi win José yilmalc yatut, xya'n yajlil 'a yib'n̈ smasnil tas 'ay 'a winac.

Pr 17:2

A junc checb' 'ay snab'en, 'ec'b'al yopiso 'a junc yunnal spatron̈ to may tz'ochi, 'ay pax yaln yic jun checb' chi yi'n smacl 'a tas 'ay 'a spatron̈ cha.

Pr 22:29

Toto wach' tzeyutj munljoc e b'a, 'oj eyoch munljoc 'a jun tzo'n̈ munljel niwc yel'chi, man̈oc 'a jun tzo'n̈ comn munljel 'aj 'oj e munlji.

Ec 4:14

Wach'xam meb'a win quelm cha yic x'elt 'a preso, palta x'och reyal. Ax xwilni to smasnil eb' 'anma tzalni to wach' a win quelm chi tz'ochcn reyl sjelc win 'ichm winc cha.

Dn 2:48

Xlajw cha, 'ix ya'n 'och win rey chi Daniel 'a jun 'opiso to yel xo niwn yel'chi. Caw niwn jun tzo'n̈ xo siylab' caw wach' 'ix yac' win 'a 'a. 'Ix ya'n 'och win gobernadoral 'a yol smacb'en Babilonia. 'Ix ya'n 'och pax win sat yajlil 'a yib'n̈ smasnil eb' tzyal jelnal sb'a cha.

Dn 6:3

Yajn̈j wal cha, 'ix checlj 'el Daniel 'a scal jun tzo'n̈ xo eb' yit gobernadoral cha, yujto wach'n̈j tzyutj sb'a. Yuj cha, snib'n win rey chi ya'ch 'a sat yajlil 'a snacion̈.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

A Tas Sc'ulejnac Eb' Schecab' Jesús Hechos 7:10

A coljnac can 'elt José chi 'a scal syail. Ya'jnac sjelnal 'a 'a. 'Ochnc yet'oc, sec caw wach' 'ajnc 'a sat win faraón, win sreyl Egipto. Yuj cha, ya'jnac 'och win yopiso yajlil 'a Egipto cha. An̈jtona', ya'n pax 'och win yajloc yatut.