Gn 41:34 - Chuj San Sebastian Bible

³⁴ Tza sayn pax jaywn̈oc ewin tz'och yajlil 'a junjn chon̈ab', tzmolb'tzan chan̈ eb' yic yomacn̈il sat 'awb'en tzyac' lum lum tic 'a junjn ab'il, masnto 'oj tz'acw uque ab'il yic tzya'n sobra sat 'awb'en.

Chuj San Mateo Bible

³⁴ Tza sayanpax jayvan̈ocxo eb' vin̈ ol och yajalil, sb'at eb' vin̈ d'a masanil yol nación yic tz'ec' eb' vin̈ smol chab' almul d'a junjun quintal avb'en tz'el d'a sat luum chi' d'a junjun ab'il, masanto slajvi uque' ab'il ol ste aq'uej sat avb'en chi'.

Gn 41:34 ပူးပေါင်းရင်းမြစ်များ

Gn 41:33

Yuj cha, a ticnec b'i'an, say junc winc caw jelan, 'a'm nab'en. A tza'ch yajlil 'a smasnil yol yic Egipto tic.

Gn 41:35

Smolb'tzoc cab' ewin 'ixm trigo yic jun tzo'n̈ ab'il 'oj jawc cha, tzcan 'ixm 'a yol a c'ab' mamin rey. Tza'n molxoc 'ixm 'a junjn chon̈ab', sec 'ay tas 'oj sc'ux eb' 'anma smasnil.

Gn 47:24

A tzyal jantc tzeyij 'a lu'um, tzeyac' 'ixm yomacn̈il 'a win rey, ax 'ixm schan̈ macn̈il, ata 'oj 'eltoc 'ixm 'in̈t 'oj eyawoc, a pax 'ixm 'oj e wa yet' eyunnal yet' smasnil mach 'ayc' eyet'oc, xchi 'a eb'.

Gn 47:26

'Ixta xyutj José ya'n 'elt jun ley cha, to a yomacn̈il sat 'awb'en, yic win rey tz'aji. 'Ixta x'ajcn jun ley chi 'a smasnil yol yic Egipto. Cojn ewin ya'mal 'och sti eb' 'anma 'a sdiosal, matz yac' yu'm slum chi 'a win rey, yujto a slum ewinac, may xon 'aj 'ochnc lum yico'oc win rey cha.

2 Cr 34:12

A jun tzo'n̈ winc cha, caw wal wach' 'ix yutj eb' sb'on jun munljel cha. A mach tzjucb'tzan eb', a eb' levita, atn Jáhat yet' Abdías, yin̈tl Merari eb'; yet' Zacarías yet' Mesulam, yin̈tl Coat eb'. A eb' tic sat yajl yaji. Ax jun tzo'n̈ xo eb' levita 'ajcuenta 'a b'it yet' 'a syamc'ab'il yic b'it, yajl pax yaj eb' 'a eb' cuchm 'icatz, yet' 'a jun tzo'n̈ xo eb' tzmunlji. 'Ay pax eb' 'ajtz'ib', 'ay pax eb' 'ilm munljel, 'ay pax eb' tan̈m spuertail yatut Dios.

Nehemías 11:9

A Joel yunnal Zicri, a sat yaj sjucb'tzan eb'; ax Judá yunnal Senúa, a schab'l yaj sjucb'tzan eb' chon̈b' cha.

Job 5:20

A yic 'oj laj cham 'anma yuj wejel, 'oj a colx 'el 'a yol sc'ab' chaml chi yu'uj; ax yic 'oj jawc owl 'a yib'n̈ eb' 'anma', 'oj a colx 'el yuj 'a scal owl cha.

Salmos 33:19

sec tzcolx 'el eb' 'a yol sc'ab' chaml yu'uj. Tzya'n pax tas tzc'ux eb' 'a yic stiempoal 'ay wejel.

Pr 22:3

A mach 'ay snab'en, tzyil tas 'ay smay, yajn̈ej tzcoln sb'a 'a 'a; ax junc may snab'en, ton̈j tzwach' 'at 'a yojltac, masnto tz'ejm yuj yailal.

Pr 27:12

Toto 'ay e nab'en, tzeya'ilj e b'a 'a tas 'ay smay, tze col e b'a 'a 'a. Ax toto may e nab'en, ton̈j 'ipn e 'at 'a eyojltac, masnto tzex 'em yuj yailal.

Nm 31:14

Palta 'ix cot yowl Moisés 'a eb' yajl yaj 'a junjn mil soldado, yet' 'a eb' yajl yaj 'a junjn ciente eb' xit' 'a owl cha.

Lc 16:5

Xlajw cha, xlaj yawtn cot win junjn eb' 'ay sjelb' 'a win spatron̈ cha. 'Ix sc'anb'n win 'a win xb'ab'l c'ochi: ¿Jantc a jelb' 'a win in patron̈? xchi winac.