Gn 41:30 - Chuj San Sebastian Bible

³⁰ A yic 'oj lajwc uque ab'il cha, ax sjaw uque ab'il wejel. A 'a jun tiempoal cha, man̈x 'a mach 'oj nanc coti jantc sat 'awb'en ya'jnac sobra 'a Egipto tic, yujto a jun wejl cha, a 'oj lajnc 'ejm smasnil.

Chuj San Mateo Bible

³⁰ Ol lajvoc chi', ol ja uque' ab'il vejel. Ayic chi' man̈xa mach ol naancot jantac sat avb'en ix yac' sobre d'a Egipto tic ayic yec'nac uque' d'a yalan̈taxo, yujto a vejel chi' ol ixtancanb'at jun chon̈ab' tic.

Gn 41:30 ပူးပေါင်းရင်းမြစ်များ

Gn 41:21

Palta a yic xlajw schin 'ejm e no tz'on chi e no b'a'ch cha, an̈ja yilx e no', may xon x'aj e no sb'a'chb'i jab'oc. Xlajw cha, x'el in wayan̈.

Gn 41:27

Ax pax ucwn̈ no wacx caw tz'on, tu yilxi, no tza'n xq'uel cha, an̈jtona', uque ab'il tzyala; yet' pax uque 'ixm sjolm trigo caw taquin̈, uque ab'il wejl tzyala.

Gn 41:31

Caw niwquil jun wejl 'oj jawc 'a jun tiempoal cha, man̈x 'a 'aj 'oj checljoc jac tas ya'jnac sobra.

Gn 41:51

A win b'ab'l 'unin, xyac' José sb'ic Manasés, yujto xyal 'ixtic: A Dios x'a'n 'at satc'ojlal wuj smasnil yailal x'ec' 'a wib'an̈, yet' smasnil eb' 'ayt wuj in b'a yet'oc, xchi.

Gn 41:54

Xlajw cha, 'ix schan 'el yich uque ab'il niwquil wejel. 'Icha wal yutjnac José yalni, 'ixta 'ix 'aji. 'Ix jaw wejl 'a smasnil nacion̈ 'ay 'a sla'nil Egipto, ax 'a yol smacb'en, 'ay tas tzc'ux eb' 'anma'.

Gn 41:56

'A smasnil yolyib'n̈q'uinal caw 'ayx wejel; yuj cha, sjacn José smasnil sc'un̈a 'aj molb'il 'ixm trigo, schon̈n 'ixm 'a eb' 'aj Egipto, yujto caw 'ayx wejl ta'.

Gn 47:13

Caw wal 'ay wejl 'a smasnil yol yic Egipto cha, man̈x 'a 'ixm trigo, yuj cha, tzwach' niwtj chan̈ wejl 'a jun nacion̈ cha yet' 'a yol yic Canaán, junlajn xoj tzcham 'anma yuj wejel.

A Ch'an̈ Schab'l Libro Samuel 24:13

'Inye, xchi Gad, 'ix wul ya'n yojcoc 'el David, 'ix yaln 'ixtic: —¿Tzam yal a c'ojl tzjaw 'oxe'oc ab'il wejl 'a yol qui chon̈b'ec tic mto tzchaj a c'ojl tzon̈ 'at 'elc' 'oxe'oc 'uj yuj eb' 'ajc'ojl yajch 'ayn̈ec, mto a 'oxe'oc c'u yab'il tzjaw 'a yol qui chon̈b'ec tic? Na wal si'mb'il ax alni, tzlajw cha, ax 'at walnc pax 'a Dios in checn coti, xchi win Gad cha.

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

A Ch'an̈ Schab'il Libro Yic Yab'ixal Eb' Rey 8:1

Yaljnac Eliseo 'ixtc 'a 'ix pitzwnac pax yune': Q'uen̈ wa'an, 'ixc cajn 'a junc xo lugar yet' eb' cajn 'a atut, yujto tox 'ix yal Jehová to 'oj ya' cot jun niwquil wejl 'a yib'n̈ jun chon̈b' tic, uque ab'il 'oj yac'a', xchi 'a 'ix.

Salmos 105:16

'Ix ya'n jawc wejl 'a yib'n̈ lum lum cha, c'uxn 'ix yac' sat 'ejm tas tzc'ux eb'.

Pr 31:7

sec 'oj sat sc'ojl eb' 'a tas tzyutj sb'a. Man̈x 'oj sna cot eb' smeb'a'il yet' syailal.

Is 65:16

Tzann̈j mach 'a jun nacion̈ tic, to tznib'j tzchaj yaxilal, sc'an cab' 'ayn an Dios in 'a caw yel. Tzann̈j mach to tzyac' sti yuj junc tas, ya' cab' sti 'ayn an Dios in tic 'a yel. A smasnil yailal xlaj 'eq'ui, tox x'atcn 'a satc'ojlal wu'uj.

Lc 4:25

Tze na cot yab'xil win Elías pecti', chajtl 'e'nac. Nan̈l schan̈l ab'il man̈xtoc ya'jnac n̈ab', caw niwn wejl jawnc 'a yib'n̈ eb' 'anma smasnil. A 'a jun tiempoal cha, til wal eb' 'ix quit israelal chamnc yichmil,

Santiago 5:17

A 'e'nc Elías 'a pecti', 'anman̈ej win 'icha on̈c tic. A yic sleslwi 'a smasnil sc'ojol, sec matz yac' n̈ab', nan̈l schan̈l ab'il man̈x 'ic yac' n̈ab' yu'uj.