Gn 41:26 - Chuj San Sebastian Bible

²⁶ A tzyal 'el'ch ucwn̈ no wacx caw b'a'ch cha, uque ab'il tzyala; an̈jtona', 'ixta pax uque sjolm 'ixm trigo caw wach' cha, junn̈j tas tzyala.

Chuj San Mateo Bible

²⁶ A val syalelc'och noc' ucvan̈ vacax b'aq'uech chi', uque' ab'il sch'oxo'. An̈eja' uque' sjolom ixim trigo te vach' chi', an̈ejtona' chi' syala'.

Gn 41:26 ပူးပေါင်းရင်းမြစ်များ

Gn 2:24

Yuj cha, a eb' winac, yowlal tzyactj can eb' smam snun, sec junxn̈ej tz'ajcn eb' yet' yistzil, 'icha wal to junxn̈ej niwnal tz'ajcn eb' schawn̈il.

Gn 40:12

Xyaln José 'a win 'ixtic: —'Ixtc tzyal 'el'ch a waych tic: A 'oxe sc'ab' uva xel cha, 'oxe c'u tzyala.

Gn 40:18

Yuj cha, xyaln José 'a win 'ixtic: —A tzyal 'el'ch jun a waych cha; a 'oxe xuc cha, 'oxe c'u tzyala.

Gn 41:2

A 'a yojl a cha, ata xq'uel ucwn̈ no wacx caw wal wach' yilxi, caw b'aq'uech, tzlaj slonc no te c'ultc 'a sti a cha.

Gn 41:25

Yuj cha, xyaln José 'a win rey chi 'ixtic: —A chab' a waych xa waychej cha, junn̈j tas tzyal 'el'chi. A Dios tz'a'n a waychoc mamin rey tas nab'il xo yu'uj.

Gn 41:27

Ax pax ucwn̈ no wacx caw tz'on, tu yilxi, no tza'n xq'uel cha, an̈jtona', uque ab'il tzyala; yet' pax uque 'ixm sjolm trigo caw taquin̈, uque ab'il wejl tzyala.

Gn 41:29

'Oj jawc uque ab'il to caw wach' 'oj 'aj sat 'awb'en 'a smasnil yol yic Egipto tic.

Gn 41:47

Ax 'a yol uque ab'il cha, til wal xyac' sobra smasnil sat 'awb'en.

Gn 41:5

Xwayx win rey chi jun 'ejm xo, 'ix 'och junx swaych winac. Ax xyiln pax win 'a swaych cha, 'ay jun ch'inn̈ 'ixm trigo xq'uib'i, uque wal x'aj 'el'ch sjolom, caw wal wach' yilxi, caw b'ut'n yet' sat.

Gn 41:53

Xlajw uque ab'il 'aj caw wach' x'aj sat 'awb'en 'a smasnil yol yic Egipto.

Ex 12:11

A yic tzex wa cha, lista xo cab' eyaji. 'Ayx 'och cab' e pichl yic b'eyl eyu'uj, 'ayx 'och cab' e xan̈ab', yamb'ilx cab' e c'ococh. Caw wal ji'ltixn̈ej 'oj eyutc e chin no', yujto an Jehová in, an 'oj wec' 'a jun 'ac'wl cha.

Ex 26:6

Tza'n b'o pax 50 slocnub'al te nab'a oro tz'aji, sec wach' tz'aj schan sb'a te 'a schac'ajil, jun jen̈nn̈ej tz'ajch te 'a in cajnub'.

Dn 2:45

Atn wal chi tzyal 'el'ch q'uen q'uen 'ix el scot 'a sat witz cha, to man̈ 'anmac 'ix ecn cot q'ue'en. A q'uen 'ix 'a'n 'och poccal q'uen hierro, q'uen bronce, lum mucb'il lu'um, q'uen plata yet' q'uen oro. A jun Dios caw niwn yel'chi, a 'ix ch'oxn 'aych mamin rey, yuj tas 'oj ujc b'aq'uin̈. A jun a waych cha, 'oj 'el'choc tas tzyala, 'icha wal tzwutj waln 'aych tic, 'ixta wal tzyal 'el'chi, xchi Daniel 'a win rey cha.

1 Co 10:4

An̈jtona', smasnil eb' 'u'jnac jun a 'ac'b'il yuj Dios 'a eb' 'a 'esal. A 'a sat jun q'uen q'ue'en, ata 'elnc ta a a'. A jun q'uen cha, sch'oxnb'il Cristo yaji.

1 Jn 5:7

'Ay 'oxwn̈ tzyac' testigoal sb'a yu'uj: