Gn 40:19 - Chuj San Sebastian Bible

¹⁹ Chab'ej 'oj el 'a preso tic yuj win rey cha, 'oj yac' win 'ijxoc 'el a jolom, ax ya'n winc locxoc q'ue a niwnal 'a junc te te', ax e no 'usej, a e no 'oj wul chinoc a chib'jal, xchi 'a winac.

Chuj San Mateo Bible

¹⁹ Yuj chi' yic chab'ej ticnaic, ol sb'eyc'olej vin̈ rey tas yaj a mul. Slajvi chi' ol schecan vin̈ ic'chajel a jolom, a a nivanil ol ac'jocq'ue d'a schon jun te te', axo noc' ostoc ol ja schib'at a nivanil chi', xchi vin̈aj José chi' d'a vin̈.

Gn 40:19 ပူးပေါင်းရင်းမြစ်များ

Gn 40:13

Chab'ej 'oj el 'a preso tic yuj win rey, ax ochx 'a a munljel jun 'ejm xo, 'icha xon aj 'a yic yalan̈.

Gn 40:17

A te yune xuc 'ay q'ue 'a yib'n̈ chab'x te cha, niwn c'aj 'ixm pan 'ay 'ejm 'a yojol, 'ixm yic win rey cha. Ax no ch'ic xwul wanc q'uet 'ixm 'a yol te yune xuc cha, xchi winac.

Gn 40:18

Yuj cha, xyaln José 'a win 'ixtic: —A tzyal 'el'ch jun a waych cha; a 'oxe xuc cha, 'oxe c'u tzyala.

Gn 40:20

Schab'jil yaln José swaych ewin chawn̈ cha, snan win rey sq'uin̈ yuj yab'lil, xyawtn cot win smasnil ewin niwc yajl 'aych yajlil yet'oc. Sat wal eb' niwc yajl cha, x'at ya'nc win 'ijxoc 'elt eb' chawn̈ chi 'a preso.

Gn 40:22

Ax pax win syajlil eb' tzb'on 'ixm pan cha, 'ix yac' win rey locxoc q'ue win 'a jun te te', 'icha wal xyutj José yalni.

Gn 41:13

'Icha wal xyutj win yaln cha, 'ixta wal x'aj 'el'chi; an tic in meltzj pax 'a in munljel jun 'ejm xo, ax junx win witb'eym cha, 'in xq'ue locn sniwnal winac, xchi win 'a win rey cha.

A Ch'an̈ Schab'l Libro Samuel 21:10

Ax 'ix Rizpa cha, 'ix yisl win Aja, 'ix ya'ch 'ix te pichl yic cusc'ojlal yic tzch'oxn 'eli to 'aych 'a scusc'ojlal. 'Ix sb'o 'ix spat 'a yib'n̈ jun q'uen q'uen 'aj 'ayc' sniwnal eb' chamnc cha. Ata xcan 'ix yic 'ix 'el yich spolx 'ixm cebada cha, masnto 'ix 'och n̈ab'lq'uinal. Matz chaj 'ix jawc no 'usej yet' no calte'al noc' 'a yib'n̈ sniwnal eb' chamnc cha, 'a c'ual, yet' pax 'a 'ac'wal.

A Ch'an̈ Schab'l Libro Samuel 21:6

A eb' ucwn̈ cha, 'oj qui mil eb' on̈, ax qui t'un̈n q'ue eb' 'a yojltac Jehová 'a Gabaa, 'a schon̈b' Saúl, atn jun sic'b'il 'el yuj Jehová, xchi eb'. 'Ix sta'wj win rey ya'n eb' winc cha.

Pr 30:17

A mach tzpatquiln can 'el smam, matz yiclj xon tas tzyal snun, smoj wal yijx 'elt yol sat yuj no joj, ax no 'usj tzchin sniwnal.

Ez 39:4

'Oj lajwc cha, ax ach wa'n 'a yol sc'ab' chaml yet' eb' a soldado yet' pax smasnil eb' yic jun tzo'n̈ xo nacion̈ ajun et'oc. 'Oj a chamcn yet' eb' 'a lum jolmctac witz cha, ax no 'usej yet' smasnil e no calte'al noc' 'oj a chin yet' eb'.

A Tas Sc'ulejnac Eb' Schecab' Jesús Hechos 20:27

Yujto c'uxn xwalcn 'el jun tzo'n̈ cuynb'il yic Dios 'ayex. May junc xin c'ub'j 'el 'ayex.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

Josué 10:26

Xlajw cha, xya'n Josué milxoc eb' rey cha, 'ix ya'n t'un̈xoc q'ue eb' 'a sc'ab' te', junjn te te chi 'aj xq'ue t'un̈n junjn eb'. 'Ix cann̈j eb' ta', masnto 'ix 'em c'u.

Josué 8:29

Ax Josué, 'ix ya'n milxoc win sreyl Hai, xya'n t'un̈xoc q'ue sniwnal win 'a sc'ab' jun niwquil te'. T'un̈n q'ue sniwnal masnto x'em c'u. Ax yic wan sq'uic'b'i 'ix ya'n Josué jiyxoc 'emt winac. Ax 'a yol sti spuertail schon̈b' win cha, ata x'at can sniwnal win yuj eb' israel cha. 'Ix si'n can q'ue b'uln eb' q'uen q'uen 'a yib'n̈ winac, caw niwquil x'ajcn chan̈ b'uln q'ue'en.

A Ch'an̈ B'ab'el Libro Samuel 17:44

Xyaln 'a David 'ixtic: —Cotn̈ 'a tic, 'oj wac' a niwnal schi no 'usej, yet' 'a jun tzo'n̈ xo no chiwjum noc', xchi.

A Ch'an̈ B'ab'el Libro Samuel 17:46

A ticnec a Jehová 'oj a'n 'och 'a yol in c'ab', 'oj ach in mila', 'oj in tzu'l a jolom, ax wa'n a niwnal chi yet' yic eb' a soldado schi no 'usej, yet' e no chiwjum noc'. 'Ixta 'oj yutc yojcan 'el smasnil eb' 'anma 'a yolyib'n̈q'uinl tic, chajtlto 'ay jun qui Diosal an̈ israel on̈ tic on̈.