Gn 40:15 - Chuj San Sebastian Bible

¹⁵ Yujto an tic, ton̈j 'elc'b'iln cot 'a scal eb' hebreo, man̈ in mojc 'ayn 'och 'a preso tic, yujto may xon jac tas tu xin b'o'o, xchi José cha.

Chuj San Mateo Bible

¹⁵ A in tic ichato elc'ab'il in cot d'a scal eb' vin̈ hebreo. Man̈ in mojoc ay in och d'a preso tic, yujto malaj jab'oc tas chuc ix in c'ulej, xchi vin̈aj José chi'.

Gn 40:15 ပူးပေါင်းရင်းမြစ်များ

Gn 14:13

Palta 'ay jun win 'ix yac' ganar yel 'a scal owal, 'ix 'at yalnc 'a Abram win hebreo, chajtlto tox 'ix 'ijx 'at Lot 'icha presoal. Ata cajn win 'a lum 'aj 'ay te ma'ach', 'a yol yic win Mamre amorreo. A win Mamre cha, yu'tac sb'a win yet' Escol, yet' pax Aner. A ewin cha, a yet' Abram 'aych ewinac.

Gn 39:20

Xya'n win yamchjoc José cha, xyaln winac to tz'och José 'a preso, 'a 'aj 'aych jun tzo'n̈ xo ewin 'a preso yuj win rey. X'ajx 'och José 'a yol sc'ab' win tan̈m preso, yic tztan̈wx win yuj si'mb'il.

Gn 40:16

A yic xyab'n win syajlil eb' b'om pan cha, to wach' xyutj José yaln yuj swaych win cha, xyaln win 'ixtic: —An tic, 'ix in waychej, to 'ay q'ue 'oxe xuc 'ixm pan 'a in jolm xwila.

Gn 41:12

A 'a jun lugar cha, 'ayc' jun win quelm hebreo, schecb' win syajlil ewin soldado tzach tan̈wni. Xcaln qui waych chi 'a win on̈, caw wal wach' xyutj win yalni tas tzyal 'el'ch qui waych chi 'on̈.

Salmos 105:18

Ata xyab' syal yoc yuj q'uen cadena; 'ix 'ajx 'och 'a preso.

Salmos 109:2

A eb' 'a'm 'es yet' eb' maysch'olnil snab'en, tu tzyal eb' 'ayin, man̈ yelc pax tas tzyal eb' cha.

Ex 21:16

A mach tz'elc'n junc 'anma', toxn̈ej tox schon̈li, mto 'ayt 'ec' yet'oc, yowlal tzcham jun 'elc'm cha.

Dn 6:22

A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.

Jn 10:32

Palta xyaln pax 'ixtc 'a eb': —Til wal tas wach' xin b'o yuj spoder in Mam 'a e cal. ¿'Aja junc chi 'i'n tzin e nib'n in e jul chamoc? xchi 'a eb'.

Jn 15:25

Palta 'ixtn tic tz'aj yel'ch jun tzo'n̈ tic, sec tz'el'ch tas tz'ib'b'il can 'a ch'an̈ ley 'aj tzcob' ya'ch eb' snab'en. 'A 'aj tzyal 'ixtic: Tzcomn chichn 'och eb' 'ayin, xchi 'a Ch'an̈ U'un̈.

Dt 24:7

Toto 'ay junc mach tzyel'j junc yit chon̈ab', yic tz'och smeb'a'oc, mto yic tzchon̈n 'eli, yowlal tzcham jun 'ixta tzb'o cha, sec 'ixta tz'aj satl jun maysch'olnil chi 'a e cal.

1 Ti 1:10

eb' tzb'on 'ajmulal, eb' winc tzyixtj sb'a yet' yit wincal, eb' 'elc'm 'anma', eb' 'a'm 'es, yet' eb' tz'a'n 'och 'es 'a yib'n̈ eb' yit 'anma'il. An̈jtona', yet' eb' tzchichn 'och 'a jun cuynb'il caw yel. Yuj eb' x'ajx can jun ley cha.

A Ch'an̈ B'ab'el Libro Samuel 24:11

Mamin rey, 'ilt nab'n sti a jucn pichl 'ayc' 'a yol in c'ab' tic. Q'uinloc to xyal in c'ojol caw wal may syaloc ach in miln chamoc. A yet' jun tic tzojquej 'eli chajtlto may junc maysch'olnil tzin na 'a a patquil. May 'aj x'och in mul, may 'aj xwij chan̈ in b'a 'ayach, palta ach tic tzin 'a sayq'ui yic tzin 'a'n milxoc.