Gn 39:7 - Chuj San Sebastian Bible

⁷ 'Ixta x'aj yec' tiempo, ax x'aji xya'n 'och 'ix yistzil win Potifar snab'en 'a win José cha, xyaln 'ix 'a win 'ixtic: —Comnoc tzyal a c'ojl tzach way wet'oc, xchi 'ix.

Chuj San Mateo Bible

⁷ Ix ec' jab'oc tiempoal, axo ix yetb'eyum vin̈aj Potifar chi', ix te can sgana ix d'a vin̈aj José chi'. Ix yalan ix d'a vin̈ icha tic: —Octom val syal a c'ool tzach vay ved'oc, xchi ix.

Gn 39:7 ပူးပေါင်းရင်းမြစ်များ

Gn 6:2

Ax yic xyiln 'och ewin yunnal Dios eb' 'ix yisl ewin 'anma cha, to caw wal wach' yilx eb' 'ix, 'ix syamn 'och ewin si'lan yistzil 'a scal eb' 'ix.

A Ch'an̈ Schab'l Libro Samuel 13:11

Ax yic xc'och 'ix 'a yojltac win yet' tas tzc'ux cha, 'ix 'och la'n win 'a 'ix, 'ix yaln win 'ixtic: —Lem wanab' to tzach way wet'oc, xchi win 'a 'ix.

Job 31:1

An tic, ma'ix wa'ch in nab'en in nib'n 'och eb' 'ix cob'stac 'ix.

Salmos 119:37

Man̈ in a cha 'och tza'n yuj jun tzo'n̈ comn dios; 'ac' in tzatzil, sec tzin b'eylb'ej tas tza nib'ej.

Pr 1:10

Toto a eb' maysch'olnil sb'eyb'al, tznib'j eb' tzach smontj 'at yet'oc, man̈ a cha ab' tas tzyal eb'.

Pr 2:16

Toto tza b'eylb'ej jelnal yet' wach' nab'enal, caw 'oj ach scol-l 'a yol sc'ab' 'ix 'ix 'ay yichmil, atn 'ix 'ajmul 'ix tzach montn yet' jun tzo'n̈ spaxti caw wal wach'.

Pr 5:9

yic wach' matz satl a b'inaxi, sec man̈oc 'a yol sc'ab' junc 'anma to may sniwnc'ojlal 'aj 'oj a chami;

Pr 6:26

A mach tzmuln yet' 'ix 'ajmul 'ix, tzcot meb'a'il 'a yib'an̈; palta ax mach tzmuln yet' 'ix 'ay yichmil, tztac' scham yuj smul cha.

Pr 7:13

A jun 'ix cha, yajn̈ej x'och la'njoc 'a jun quelm cha, stz'ub'n 'elt 'ix sti winac, caw may jac sq'uixwc'ojlal. Yajn̈ej 'ix yaln 'ix 'a win 'ixtic:

Jeremías 3:3

Yuj wal e mul cha, x'och wan ya'n n̈ab' 'a stiempoal. Caw lajn yilx 'och e sat 'icha junc 'ix 'ajmul 'ix. ¡Caw matz eyec q'uixwc e b'a!

Ez 16:25

A 'a 'aj tzlajw c'och junjn caye, ata xlaj sb'o chan̈ jun tzo'n̈ cha. A swach'l yilxi, 'ix ya'ch sb'a yajb'entaquil, tzann̈j mach tzc'och 'a 'a, tzb'on̈j 'ajmulal yet'oc.

Ez 16:32

Lajn wal tzyutj sb'a Jerusalén 'icha junc 'ix 'ajmul 'ix 'ay yichmil, ax yic may yichmil 'ayq'ui, chucx win tzc'och 'a 'ix.

Ez 16:34

Chuc wal yel 'a yib'n̈ jun tzo'n̈ xo eb' 'ix 'ajmul 'ix, yujto may mach tzsayn 'eq'ui yic tzb'on 'ajmulal cha. Matz chaj pax stojol, palta to a tztojwji, yujn̈ej cha chuc yeli.

Mt 5:28

Palta an tzwal 'ayex, tzann̈j mach tz'och q'ueln 'a junc 'ix, tznib'n 'ochi, a jun cha, tox x'och 'ajmulal yet' 'ix 'a snab'en.

A Schab'il Carta San Pedro 2:14

Tzann̈j junc 'ix tzyil eb', caw tznib'jn̈ej 'och eb'. Caw matz tac' stenn 'och wan sb'a eb' sb'on 'ajmulal. Ax eb' mant 'a ste'nal, caw tz'ajx sc'ojloc eb' yuj eb'. C'ayncn̈ej eb' snib'n 'och maysch'olnil. Yuj cha, caw 'ayx cot yowl sc'ojl Dios 'a yib'n̈ eb'.

1 Jn 2:16

A eb' yic yolyib'n̈q'uinl tic, cojxn yic sniwnal eb' tznib'j 'ochi. Tznib'n pax 'och eb' jun tzo'n̈ tastc tzyil yet' sat. Tzb'an̈n pax sb'a eb' yuj jun tzo'n̈ tastc 'ay 'a 'a. Palta a jun tzo'n̈ b'eyb'al cha, man̈ yico'oc qui Mam Dios, yic yolyib'n̈q'uinl tic.