Gn 39:21 - Chuj San Sebastian Bible

²¹ Palta a Jehová 'aych yet' José, xch'ox schamc'ojlal 'a 'a, yuj cha, caw wach' x'el'ch 'a sat win tan̈m preso cha.

Chuj San Mateo Bible

²¹ Palta ayn̈ejoch Jehová yed' vin̈aj José chi', ix sch'oxn̈ej svach'c'olal d'a vin̈. Yuj chi' te vach' ix elc'och vin̈ d'a yol sat vin̈ tan̈vum preso chi'.

Gn 39:21 ပူးပေါင်းရင်းမြစ်များ

Gn 21:22

Atn 'a yic jun tiempoal cha, 'ix 'at Abimelec paxtinc yet' Abraham, ajun win Ficol yet'oc, sat yajl yaj 'a scal eb' soldado. Ax Abimelec 'ix yaln 'a Abraham 'ixtic: —Xwila to a Dios 'aych et' 'a smasnil tas tza b'o'o.

Gn 39:2

Palta a Jehová a 'aych yet' José, yuj cha, caw jeln x'aj 'el'chi yic 'ayc' 'a yatut spatron̈ cha.

Gn 39:3

'Ix nachj 'el yuj win patron̈ cha, to caw 'aych Jehová yet' win quelm cha, yuj cha, wach' tz'el'ch smasnil tas tzb'o winac.

Gn 39:4

Yuj cha, caw wach' xcan win 'a sat win capitan̈ cha, xya'n 'och win mayltomail win 'a yatut. A smasnil tas 'ay 'a winac, xcan 'a yol sc'ab' José.

Gn 40:3

'Ix ya'n win rey 'ajxc 'och eb' 'a preso 'a yatut win capitan̈ 'a 'aj 'aych José 'a preso cha.

Salmos 105:19

'Ix 'ajx prowal win yuj tas yaljnac can Dios 'a yib'n̈ winac, masnto 'ix 'el'ch tas alb'il can yuj José cha.

Salmos 105:22

Xlaj cuywj 'a eb' niwc yajal, 'ix jelnb'i eb' 'ichmtac winc yu'uj.

Salmos 106:46

Xa'n nachjoc 'el yuj eb' 'ajc'ojl cha, to wach' tzyutj eb' snab'en 'a yib'n̈ eb'.

Ex 11:3

'Ix ya'n Jehová nachjoc 'el yuj eb' 'aj Egipto, to wach' tzyutj eb' snab'en 'a eb' israel. 'Ixta pax ewin 'aych yajlil yet' win rey cha, 'ix yal eb' to caw wal niwn yel'ch Moisés 'a sat eb', 'ichn̈jta yaln smasnil 'anma 'a Egipto cha.

Ex 12:36

'Ix paxtin Jehová 'a snab'en eb' 'aj Egipto cha, wach' 'ix yutj eb' snab'en 'a eb' israel, 'ix ya'n eb' smasnil tas sc'an eb' cha. 'Ixta wal 'ix yutj eb' yi'n 'ec' tas 'ay 'a eb' 'aj Egipto cha.

Ex 3:21

An̈jtona', an 'oj wac' snab'enoc eb' 'aj Egipto cha, sec 'ay eyel'ch 'a sat eb', caw wal tzaljc'ojlal 'oj eyaj eyelta, may tas ma'oj eyic' ax eyelta.

Pr 16:7

Toto tzchaj sc'ojl Jehová qui b'eyb'alec, to 'ixta', ax eb' 'ajc'ojl yajch 'ayn̈ec, tz'och eb' 'a junc'ojlal quet'ec.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 43:2

A yic 'oj eyec' 'a yojl a mar, mto yic 'oj e c'axb'toc a niwc a tzb'eyi, ma'oj e jic' a'. A yic 'oj eyec' 'a scal c'ac', ma'oj e tz'a'i, yujto 'ayn 'ec' eyet' ta'.

Dn 1:9

Ax Dios 'ix 'a'n 'och Daniel wach'l 'a sat win Aspenaz cha.

Dn 6:22

A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.

Ro 8:37

Wach'xam 'oj jawc jun tzo'n̈ tic 'a quib'n̈ec, palta caw 'oj ca'c ganar yuj jun 'ay schamc'ojlal 'ayn̈ec.

A Sb'ab'el Carta San Pedro 3:17

Yel xo wach' tzcab'c syal yuj qui wach' b'eyb'al, toto 'ixta tz'el 'a sc'ojl Dios. Ax toto yuj qui tu b'eyb'al, tzcab'n syail, caw nab'an̈ej.