Gn 38:26 - Chuj San Sebastian Bible

²⁶ Ax yic xyiln 'och win Judá, to yic win smasnil jun tzo'n̈ cha, xyaln win 'ixtic: A 'ix 'ix tic wach' tas sb'o 'ix, an tu xin b'o'o, an 'ix 'och in mul, yujto ma'ix wac' yi' sb'a 'ix yet' ni wunnal Sela, xchi winac. Yuj cha, ma'ix 'ajx tz'a 'ix, man̈x xon 'ajtil xway win yet' 'ix.

Chuj San Mateo Bible

²⁶ Ayic ix yilanoch vin̈aj Judá to yic masanil juntzan̈ chi' vin̈, ix yalan vin̈ icha tic: A ix ix chi' vach' tas ix sc'ulej ix. A in chuc tas ix in c'ulej. Ay in mul. Maj vac'laj yic' sb'a ix yed' vin̈ vuninal aj Sela, xchi vin̈. Yuj chi' maj n̈usjitz'alaj ix. Majxo vaylaj vin̈ yed' ix junelxo.

Gn 38:26 ပူးပေါင်းရင်းမြစ်များ

Gn 37:33

Ax yic xyiln win Jacob, to a te spichl win José cha, xyaln win 'ixtic: Wal yel, atn ton wal spichl ni wunnal tic. 'Ay am junc no calte'al noc' 'ix miln chamoc, schin can 'ejm am no José, xchi winac.

Gn 38:14

yuj cha, yajn̈ej xyi'n 'el 'ix spichl tzya'ch yuj chamnc yichmil cha. Xya'n 'och 'ix jun te pichl wach', xya'n q'ue 'ix jun nip 'a sjolom, smacn 'ix sat yet' te', sec may mach tz'iln 'och 'ix. X'at 'em wocn 'ix 'a sti 'el chon̈b' Enaim, 'a 'aj tzc'och sb'el chon̈b' Timnat. 'Ixta xyutj sb'a 'ix yujto a win Sela tox stz'acw yab'lil winac, palta mantzac yij sb'a win yet' 'ix.

Gn 4:1

'Ix yi'n sb'a Adán yet' 'ix Eva, yuj cha, scuchn chan̈ 'ix yune'. Xlajw cha, x'alj jun yune 'ix, xya'n sb'ic Caín, xyaln 'ix 'ixtic: X'alj jun in winc 'unin. A Jehová a x'a'n 'ayin, xchi 'ix.

A Ch'an̈ Schab'l Libro Samuel 16:22

Yuj cha, 'ix sb'on eb' jun mantiado 'a yib'n̈ span̈nil sdespacho win cha, axta xway win Absalón chi yet' eb' 'ix schab'l 'istzil smam cha, q'ueln 'och eb' 'anma chi smasnil, yic 'ix way win yet' eb' 'ix.

A Ch'an̈ Schab'l Libro Samuel 20:3

A yic xjapx rey David 'a yatut jun 'ejm xo 'a Jerusalén, 'ix yi'n 'at eb' 'ix lajn̈wan̈ schab'l 'istzil 'aycn stan̈malc yatut, 'ix cann̈j eb' 'ix 'a jun n̈a yu'uj, yic tztan̈wx eb' 'ix. An̈jta 'ix 'ajx wa eb', palta man̈x 'aj xway jun 'ejmoc yet' eb' 'ix. 'Ix macx can 'och eb' 'a yol n̈a cha, 'ix cann̈j eb' 'ix 'a man̈x 'a yichmil, 'icha eb' 'ix chamnc yichmil, masnto xcham eb'.

A Ch'an̈ Schab'l Libro Samuel 24:17

A yic 'ix yiln David jun ángel tz'a'n lajwc chon̈b' cha, 'ix yaln 'a Jehová 'ixtic. —¡An ton 'ay in mul. An 'ix in b'o tas maysch'olnil tic! Toc 'ay smul jun tzo'n̈ eb' 'anma tic. Tzin tew wal 'ayach, to a cab' 'a wib'an̈ yet' 'a yib'n̈ eb' win̈til, ata tz'och jun yailal tic, xchi David.

Job 4:5

Ax ticnec, a yic xjaw a yailal, yel xo wal may jac a te'nal.

Job 40:5

Tox in paxtin cha'ox 'ejem, man̈x 'a tas wach' walni, xchi Job.

Ez 16:52

A Jerusalén cha, 'oj yac' techjoc q'uixwc'ojlal, yujto yel xo wal yajb'entac 'ix yutj sb'a, 'a yib'n̈ Sodoma yet' Samaria. A chab' chon̈b' cha, toto tzqui lajb'tzej eb' yet' Jerusalén, wach' to wal eb' jab'x 'a yib'an̈.

Habacuc 1:13

Ach tic, caw wal matz chaj a c'ojl tas tu', matz a nib'j el jun tzo'n̈ qui maysch'olnilal an̈ 'anman̈ tic on̈. ¿Tas pax yuj ton̈j tzach 'och q'ueln 'a eb' 'anma maysch'olnil tic jun? 'In a eb' 'anma wach' to wal 'a yib'n̈ eb', 'a eb' wan satx 'el yuj eb'.

Mt 3:8

Nac e b'a yuj e mul, yowlal wach' tzeyutj e b'eyb'al, sec tzcheclj 'eli, chajtlto yel tzeyala.

Jn 8:9

A yic 'ix yab'n ewin jun tic, 'ix laj snan sb'a junjn eb', 'ayn̈j smul eb'. Yuj cha, junjnal xlaj pax ewinac. A ewin 'ichmtac winac, a ewin xlaj b'ab'l paxi. Ax ewin quelmtac, tza'nto xlaj pax eb'. Ax Jesús sch'ocj xoj xcan 'a 'aj lin̈n 'ec' jun 'ix cha.

Ro 13:12

A jun tiempoal 'aj 'ayn̈ec 'ec' tic, 'icha to 'ac'wal. Ax 'a yic 'oj qui wach' colchjec, 'icha to c'ul 'oj 'ajoc. Palta 'ipn yec' tiempo ticnec, jab'xoj wal 'oj jawc jun c'ul cha. Yuj cha, caw qui wach' 'actquec can qui b'on jun tzo'n̈ tas tzlaj sb'o eb' 'anma q'uic'q'uinl to yaj spixan. 'Icha tzyutj junc soldado ya'n owl yet' jun tzo'n̈ syamc'ab', 'ixta tzcutjec ca'n 'ip 'a yic Dios, yujto sacq'uinl xo yaj qui pixnec.

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.

A Ch'an̈ B'ab'el Libro Samuel 24:17

'Ix yaln 'ixtc 'a David: —Ach tic caw wal tojl a nab'en 'a wib'an̈, caw 'ay a niwnc'ojlal, yuj cha, ma'in a mil chamoc, caw wach' xotj 'a pactzan in tu nab'enal 'ayach.

A Ch'an̈ B'ab'el Libro Samuel 24:18

A ticnec 'ix a ch'oxli, to wach' a nab'en 'ayin. In ya'ch wal Jehová 'a yol a c'ab', palta ma'in 'a mil chamoc.