Gn 38:25 - Chuj San Sebastian Bible

²⁵ Ax yic wan yi'n 'elt ewin 'ix, 'ix ya'n 'at 'ix sti 'a win yalb' cha, xyaln 'ix 'ixtic: A win 'ay yic jun tzo'n̈ tic, atn win 'ay yic jun 'unn 'aych 'ayn tic. B'eyc'ojlej 'eli mach 'ay yic jun seyo yet' sch'an̈l tic, yet' jun c'occh tic, xchi 'ix 'a winac.

Chuj San Mateo Bible

²⁵ Ayic van yic'jielta ix yuj eb' vin̈, ix yac'anb'at schecab' ix d'a vin̈aj Judá chi', ix yalan icha tic: A vin̈ ay yic juntzan̈ svac'b'at tic, aton vin̈ ay yic unin ved'nac tic. B'eyc'olej mach ay yic jun sello yed' sch'an̈al tic yed' jun c'ococh tic, xchib'at ix d'a vin̈.

Gn 38:25 ပူးပေါင်းရင်းမြစ်များ

Gn 37:32

Xya'n 'at eb' 'a smam, xyaln 'at eb' 'ixtic: X'ilchj jun pichl tic cuj on̈, 'iltnab'an, coyn wal to a te spichl win onnal tic mto ma'ay, xchi eb'.

Gn 38:18

—¿Tas pax tza nib'j tzwa'cn 'ayach? xchi win Judá 'a 'ix. —'A'cn a seyo yet' sch'an̈il yet' te a c'och et' cha, xchi 'ix. Ax Judá, xya'n can jun tzo'n̈ chi 'a 'ix, xlajw cha, xway win yet' 'ix. Xlajwn̈ej cha, 'ix pax 'ix, xyi'n pax 'el 'ix te pichl 'aych yuj cha. Xya'n pax 'och 'ix te spichl tzya'ch xoni, te tzch'oxn 'eli to chamnc yichmil 'ix. Ax x'aji, xpitzw chan̈ 'unn 'a 'ix.

Salmos 50:21

Atn smasnil e mul tic, an xo ton̈j tzin 'och q'ueln 'ayex. Am wal e nani to lajn in eyet'oc. Q'uelc'mb'a 'oj waj eyet'oc, ax waln 'och e mul 'a e sat.

Jeremías 2:26

'Icha wal tz'aj sq'uixw 'el junc 'elc'm 'a yic tz'ilchji, 'ixta 'oj eyaj e q'uixw 'el ex israel yet' eb' e reyal, eb' sat yajal, eb' ya'mal 'och e ti 'ayin, yet' pax ex in checab'.

Ro 2:16

At 'a yic 'oj jawc jun c'ual, 'oj sb'eyc'ojloc Dios smasnil 'anma', yuj tastc c'ultac yaj yuj eb'. A Jesucristo 'oj b'eyc'ojlanc eb' yu'uj, 'icha tzyal jun wach' 'ab'x yic colnb'il tzwal-l tic.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

Apoc 20:12

Ax xwiln eb' chamnc smasnil, eb' niwn yel'chi, yet' eb' may yel'chi, lin̈n 'ec' eb' 'a yojltac Dios smasnil. Xlajw cha, xjacw jun tzo'n̈ ch'an̈ libro. 'Ay pax junx 'ix jacwi, atn jun libro yic q'uinl 'a jun 'ejmn̈ej. 'Ix b'eyc'ojlax eb' yuj tastc sb'ojnac jun jun. A tzyala, tastc tz'ib'b'il 'a jun tzo'n̈ libro cha.