Gn 38:23 - Chuj San Sebastian Bible

²³ Xta'w win Judá chi 'ixtic: —Can cab' 'ix yet' jun tzo'n̈ chi 'an, sec wach' may junc mach tzaln tu paxti 'ayon̈. 'Ix in yiclj wa'n 'at no yune chiwo tic, palta ma'ix 'ilchj 'ix o'oj, xchi winac.

Chuj San Mateo Bible

²³ Ix tac'vi vin̈aj Judá icha tic: —Canocab' ix yed' juntzan̈ chi', yic vach' max el co q'uixvelal. Ix in c'anab'ajej, ix vac'anb'at noc' yune' chiva, an̈ej to majxo ilchaj ix uuj, xchi vin̈.

Gn 38:23 ပူးပေါင်းရင်းမြစ်များ

Gn 38:22

Xlajw cha, xmeltzj pax win 'a win Judá cha, xyaln win 'a win 'ixtic: Ma'ix 'ilchj 'ix wu'uj; xyal ewin 'ayc' 'a jun lugar cha, to may junc 'ix 'ajmul 'ix chi 'ayc' ta', xchi winac.

Gn 38:24

'Oxe xo am 'ujal, x'at alxoc 'ixtc 'a win Judá cha: —A 'ix alb' Tamar, 'ay am junc winc sc'umj 'ix, yuj cha, to yet'x 'ix yune ticnec, xchi eb' 'a winac. —'Ijec 'el 'ix 'a sti 'el chon̈ab', tzlajw cha, tze n̈usntz'a 'ix, xchi winac.

A Ch'an̈ Schab'l Libro Samuel 12:9

¿Tas yuj ma'ix a yiclj in checnb'il an Jehová in? 'Ix a b'on wal tas maysch'olnil 'a in sat. 'Ix ac' milxoc win Urías hitita, ax eb' amonita 'ix miln win o'oj, 'ix e'nec' yistzil winac.

Pr 6:33

Caw wal 'oj scha yailal, ax sma'xi, man̈x 'oj sat sc'ojl eb' 'anma 'a sq'uixwelal cha.

Ro 6:21

Palta ¿tom 'ay jac qui ganar 'a spatc jun tzo'n̈ qui b'ojnaquec cha? Caw tzon̈ q'uixwec yuj jun tzo'n̈ chi ticnec. Yuj wal jun tzo'n̈ cha, tz'at eb' 'anma 'a chaml 'a jun 'ejmn̈ej.

2 Co 4:2

'Ay jun tzo'n̈ tas tzlaj sb'o eb' 'anma 'a c'ultaquil, caw q'uixweltac. An̈ xo tic on̈, cactjnac can jun tzo'n̈ chi 'a jun 'ejmn̈ej on̈. May junc mach tz'ec' quixtj paxti yuj tas jeln tzcutj caln on̈. May junc comn paxti tzca'ch 'a scal spaxti Dios on̈. Yujto cojn wal jun tzo'n̈ tas yel, an̈j tzcal on̈. 'Ixta tzcutj qui ch'oxn 'el copiso 'a junjn mach 'a sat Dios on̈, sec tztac' snan eb' yet' snab'en tas caj on̈.

Ef 5:12

Yujto a jun tzo'n̈ tas tzlaj sb'o eb' 'a c'ultaquil, caw q'uixweltac yalxi.

Apoc 16:15

'Ix yaln Cajlilec 'ixtic: 'Ab'ec, 'icha sc'och junc 'elc'um, 'ixta 'oj in c'och tza'njoc. A wal ex lista eyaji, caw wach' eyico'. 'Icha to man̈ ex wayn̈coc, 'icha to 'aych e pichul. Ax xo ex man̈ listaoc eyaji, ax in c'ochi, 'icha to jitn ex 'eli, ax e b'eyc' 'a sat eb' 'anma smasnil. Caw 'oj eyac' e q'uixwloc, xchi.