Gn 38:16 - Chuj San Sebastian Bible

¹⁶ Xlajw cha, x'elcn win Judá 'a yol b'e, x'at win 'at yilcn 'ix. Ma'ix nachj 'el yu'uj toto a 'ix yalb' win cha, xyaln win 'a 'ix 'ixtic: —¿Matz yal am 'a c'ojl tzin way et'oc? xchi winac. —¿Tas tzac' 'ayin, yic tzach way wet' cha? xchi 'ix.

Chuj San Mateo Bible

¹⁶ Ix el vin̈aj Judá chi' d'a yol b'e, ix b'at vin̈ yilb'at ix. Man̈ yojtacoc vin̈ tato a ix yalib' vin̈. Ix yalan vin̈ d'a ix icha tic: —¿Max am yal a c'ool tzin vay ed'oc? xchi vin̈. —Tato syal in c'ool ¿tas junoc tzac' d'ayin? xchi ix.

Gn 38:16 ပူးပေါင်းရင်းမြစ်များ

Gn 38:15

Ax yic xyiln 'at Judá 'ix, snan 'ixtic: 'Ajmul 'ix am jun cha, xchi, yujto macn sat 'ix.

Gn 38:17

—Tzwa' cot junc a yune chiwo, xchi win 'a 'ix. —Tztac' am jun, palta yowlal 'ay junc tas tza'cn 'ayin, sec ax yic tzjaw no yune chiwo cha, tzwa'n pax meltzjoc 'ayach, xchi 'ix.

A Ch'an̈ Schab'l Libro Samuel 13:11

Ax yic xc'och 'ix 'a yojltac win yet' tas tzc'ux cha, 'ix 'och la'n win 'a 'ix, 'ix yaln win 'ixtic: —Lem wanab' to tzach way wet'oc, xchi win 'a 'ix.

Ez 16:33

A eb' 'ix 'ajmul 'ix, tzchaj eb' 'ix stojol, palta ax jun cha, a tztojn eb' winc tzmuln yet'oc, sec tzann̈j 'aj tzlaj cot eb', tzc'och eb' mulnc yet'oc.

Mt 26:15

'ix yaln 'a ewin 'ixtic: —Toto 'oj wa'ch Jesús 'a yol e c'ab', ¿jantc tzin e tojo? xchi 'a ewinac. Yuj cha, xya'n ewin 30 q'uen tumn plata 'a 'a.

Dt 23:18

A q'uen tumn tzchaj eb' 'ix, mto eb' winc 'a spatquil yajmulal, man̈ e cha yac' eb' q'uen 'a junc 'aj ya'jnac eb' sti ya'n 'a Jehová Dios, yujto a jun b'eyb'al cha, caw yajb'il 'el yuj Dios.

1 Ti 6:10

Toto cojn tumn 'aj tzca'ch qui nab'en, 'oj pitzwc chan̈ smasnil jun tzo'n̈ maysch'olnil 'ayon̈. 'Ay eb' cojn tumn tznib'j 'ochi. Yuj cha, xyactn can eb' jun tzo'n̈ cuynb'il 'aj xcob' ya'ch eb' sc'ojol. Til wal scusc'ojlal eb' xyij cot 'a yib'an̈.